《押韵启应诗篇》

 | | | 转寄

台语押韵启应诗篇41

作者 Tīⁿ Jî-gio̍k 2006.10.22

41　　Tāi-pi̍t ê si, kau hō͘ Ga̍k-koaⁿ.

1a　Koàn-kò͘ sòng-hiong lâng--ê , ū hok-khì;
　　眷 顾 贫 穷 人 的，有 福 气；

1b　　　Tng hoān-lān ê ji̍t , Iâ-hô-hoa beh kiù i .
　　　　当 患 难 的 日，耶 和 华 要 救 他。

2a　Iâ-hô-hoa beh pó-choân i , hō͘ i oa̍h--lo̍h-khì,
　　耶 和 华 要 保 全 他，使 他 活 下 去，

2b　　　I beh tī tōe-chiūⁿ hióng-siū hok-khì.
　　　　他 要 在 地 上 享 受 福 气。

2c　Kiû Lí m̄-thang chiong i kau hō͘ tùi-te̍k,
　　求 你 不 通 将 他 交 给 对 敌，

2d　　　Lâi chiàu in só͘ ài lâi khùn-pek.
　　　　来 照 伊 所 爱 来 困 迫。

3a　I tó tī chhn̂g, Iâ-hô-hoa beh hû-chhî;
　　他 倒 在 床 ， 耶 和 华 要 扶 持；

3b　　　I phòa-pīⁿ ê sî , Lí beh liāu-lí i ê phē-pho͘ lâi i- tī .
　　　　他 破 病 的 时，你 要 料 理 他的 被 铺 来 医治。

4a　Góa bat kóng, Iâ-hô-hoa ah, kiû Lí lîn-bín góa;
　　我 曾 讲： 耶 和 华 啊，求 你 怜 悯 我；

4b　　　I- hó góa ê sim-sîn, in-ūi góa ū tek-chōe Lí ê chōe-kòa.
　　　　医好 我 的 心 神，因 为 我 有 得 罪 你 的 罪 过。

5a　Góa ê tùi-te̍k gī-lūn góa, kóng ōe bô hó,
　　我 的 对 敌 议 论 我， 讲 话 无 好，

5b　　　I tī -sî ōe sí , i ê miâ tī -sî ōe siau-bô ?
　　　　他底 时 会 死，他 的 名 底 时 会 消 无？


6a　I nā lâi khòaⁿ góa, chiū kóng bô -iáⁿ ōe;
　　他 若 来 看 我， 就 讲 无 影 话；

6b　　　I ê sim chek-chū kan-ok ê chōe.
　　　　他的 心 积 聚 奸 恶 的 罪。

7a　It -chhè oàn-hūn góa ê lâng chi-bú chī-chū gī-lūn góa;
　　一 切 怨 恨 我 的 人 吱 武 舐 咀 议 论 我；

7b　　　In siat kè-bô͘ beh hāi góa.
　　　　伊 设 计 谋 要 害 我。


8a　In kóng, Ū koài-piⁿ tiâu tī i ê seng-khu;
　　伊 讲： 有 怪 病 稠 在 他 的 身 躯；

8b　　　I í -keng tó-chhn̂g, éng bōe koh khí--lâi, oa̍h bô kú .
　　　　他已 经 倒 床 ， 永 不 再 起 来，活 无 久。

9a　Liân góa ti-kí ê pêng-iú , góa só͘ óa-khò, chia̍h góa ê piáⁿ--ê ,
　　连 我 知己 的 朋 友，我 所 倚 靠， 食 我 的 饼 的，

9b　　　Kia̍h-khí kha-āu-tiⁿ that góa ê hia̍p-ē .
　　　　举 起 脚 后 跟 踢 我 的 胁 下。

10a　Iâ-hô-hoa ah, kiû Lí lîn-bín góa,
　　　耶 和 华 啊，求 你 怜 悯 我，

10b　　　Hō͘ góa khí-lâi thang pò-èng in beh hāi góa.
　　　　　让 我 起 来 通 报 应 伊 要 害 我。

11a　In -ūi góa ê tùi-te̍k, bōe tit-tio̍h tùi góa khoa-kháu lâi sèng-lī ,
　　　因 为 我 的 对 敌，未 得 着 对 我 夸 口 来 胜 利，

11b　　　Góa tùi án-ni chiū chai Lí hoaⁿ-hí góa pi -bî .
　　　　　我 从 按 呢 就 知 你 欢 喜 我 卑 微。

12a　Lūn-kàu góa, Lí in-ūi góa ê sûn-choân chiū hû-chhî góa,
　　　论 到 我， 你 因 为 我 的 纯 全 就 扶 持 我，

12b　　　Hō͘ góa éng-oán khiā tī Lí ê bīn-chêng siū koan-khòaⁿ.
　　　　　使 我 永 远 站 在 你 的 面 前 受 观 看。

13a　Tio̍h o -ló Iâ-hô-hoa Í -sek-lia̍t ê Siōng-tè ,
　　　当 赞 美 耶 和 华 以 色 列 的 上 帝，

13b　　　Tùi éng-oán kàu éng-oán bô-thè, A-bēng, koh A-bēng.
　　　　　从 永 远 到 永 远 无 替， 阿 们， 又 阿 们。