《押韵启应诗篇》

 | | | 转寄

台语押韵启应诗篇 40

作者 Tīⁿ Jî-gio̍k 2006.10.15

Tāi-pi̍t ê si, kau hō͘ Ga̍k-koaⁿ.

1a　Góa bat thun-lún thèng-hāu Iâ-hô-hoa;
　　我　曾　吞　忍　等　候　耶 和 华；
1b　　　I àⁿ -lo̍h ǹg góa, thiaⁿ góa ê kiû-kiò bô soah.
　　　　他 俯 落　向　我， 听　我　的 求　叫　无　息。


2a　I tùi thang kiaⁿ ê hām-khiⁿ lâi ,
　　他 从　通　惊　的 陷　坑　来，
2b　　　Tùi thô͘-bê lâi khan góa khí--lâi .
　　　　从　土　泥　来　牵　我　起　来。


3a　I hō͘ góa ê chhùi chhiùⁿ sin ê koa,
　　他 使 我 的 嘴 唱 新 的 歌，
3b　　　Chiū-sī o -ló goán ê Siōng-tè ê si-koa,
　　　　就 是 赞 美 阮 的 上 帝 的诗 歌，


3c　Chōe-chōe lâng beh khòaⁿ-kìⁿ lâi kiaⁿ-ùi ,
　　多 多 人 要 看 见 来 惊 畏，
3d　　　Ia̍h beh óa-khò Iâ-hô-hoa lâi tit an -ùi .
　　　　亦 要 倚 靠 耶 和 华 来 得 安 慰。


4a　To̍k-to̍k óa-khò Iâ-hô-hoa ê chí -ì ,
　　独 独 倚 靠 耶 和 华 的 旨 意，
4b　　　Bô chhap hiah-ê kiau-ngō͘ ê lâng ê biáu-sī ,
　　　　无 睬 那 些 骄 傲 的 人 的 藐 视，


4c　Í -ki̍p phian-ǹg hu-ké ê lâng ê saⁿ-chiⁿ,
　　以及 偏 向 虚 假 的 人 的 相 争，
4d　　　Chit -hō lâng ū hok-khì.
　　　　此 号 人 有 福 气。


5a　Iâ-hô-hoa góa ê Siōng-tè ah ,
　　耶 和 华 我 的 上 帝 啊，
5b　　　Lí só͘ kiâⁿ ê kî -sū ná chēng-ka ,
　　　　Ｌｉ２　所 行 的 奇 事 越 增 加，


5c　Lí tùi goán só͘ chûn ê liām-thâu chin-chōe;
　　Ｌｉ２　对 阮 所 存 的 念 头 真 多；
5d　　　Tùi Lí pâi-lia̍t iā bōe -ōe ;
　　　　对　Ｌｉ２排 列 也 不 会；


5e　Góa nā beh thê-khí hiah-ê kî-biāu,
　　我 若 要 提 起 那 些 奇 妙，
5f　　　Hit -ê siàu-gia̍h sǹg-bōe-liáu.
　　　　彼 个 数 额 算 不 了。


6a　Lí ū khui góa ê hī-khang thang thiaⁿ-kìⁿ,
　　Ｌｉ２有 开 我 的 耳 孔 通 听 见，
6b　　　Chè-sū kap lé-mi̍h Lí bô hoaⁿ-hí ;
　　　　祭 事 及 礼 物 　Ｌｉ２ 无 欢 喜；

(齐声)　SIO-CHÈ KAP SIO̍K-CHŌE-CHÈ, LÍ IĀ BÔ ÀI-TI̍H.
　　　　烧　祭　及　赎　罪　祭，　Ｌｉ２ 亦　无　爱　要。


7a　Hit-sî góa kóng, Lí khòaⁿ, góa lâi chiū Lí ,
　　彼 时 我 讲 ： Ｌｉ２看 ， 我 来 就 　Ｌｉ２，
7b　　　Góa ê sū í -keng kì tī chheh--ni̍h.
　　　　我 的 事 已 经 记 在 册 里。


8a　Góa ê Siōng-tè ah , Lí ê chí-ì góa hoaⁿ-hí thàn;
　　我 的 上 帝 啊，Ｌｉ２的 旨 意 我 欢 喜 趁；
8b　　　Lí ê lu̍t-hoat tī góa ê sim-lāi chiū pêng-an .
　　　　Ｌｉ２的　律 法 在 我 的 心 内 就 平 安。


9a　Góa tī tōa chū-hōe ê tiong-kan,
　　我 在 大 聚 会 的 中 间，
9b　　　Soan-thoân kong- gī ê hó siau-sit pò pêng-an .
　　　　宣 传 公 义 的 好 消 息 报 平 安。


9c　Góa bô beh thêng-chí góa ê chhùi-tûn;
　　我 无 要 停 止 我 的 嘴 唇；
9d　　　Iâ-hô-hoa ah , che sī Lí só͘ chai--ê .
　　　　耶 和 华 啊， 这 是　Ｌｉ２所 知 的。


10a　Góa bē-bat chiong Lí ê kong-gī
　　我 未 曾 将 　Ｌｉ２的 公 义
　　khàm-ba̍t tī góa ê sim-lāi chòe pì-bi̍t,
　　盖 密 在 我 的 心 内 做 秘 密，
10b　　　Góa í -keng pâi-lia̍t Lí ê kiù-un kap Lí ê sìn-si̍t ,
　　　　我 已 经 排 列　Ｌｉ２的 救 恩 及　Ｌｉ２的 信 实，

(齐声)　GÓA TÙI TŌA CHŪ-HŌE
　　　　我　对　大　聚　会
　　　　BĒ-BAT Úⁿ-KHǸG LÍ Ê CHÛ-ÀI KAP SÊNG-SI̍T.
　　　　未　曾　隐　置　Ｌｉ２的 慈　爱　及　诚　实。


11a　Iâ-hô-hoa ah , kiû Lí m̄-thang tùi góa thêng-chí Lí ê chû-pi ;
　　耶 和 华 啊，求　Ｌｉ２不 通 对 我 停 止　Ｌｉ２的 慈 悲；
11b　　　Goān Lí ê chû-ài kap sêng-si̍t siông-siông pó-hō͘ góa bô lī .
　　　　愿 　Ｌｉ２的 慈 爱 及 诚 实 常 常 保 护 我 无 离。


12a　In -ūi ū bōe-sǹg-tit ê chai-ē ûi-khùn góa;
　　因 为 有 未 算 得 的 灾 厄 围 困 我；
12b　　　Góa ê chōe-ok jip-tio̍h góa, hō͘ góa bōe-ōe kia̍h-ba̍k lâi khòaⁿ.
　　　　我 的 罪 恶 追 着 我，使 我 未 会 举 目 来 看 。


12c　Chiah-ê chōe-ok pí góa ê thâu-mn̂g khah-chōe, bōe-tit-thang loa̍h,
　　诸 些 罪 恶 比 我 的 头 毛 较 多， 未 得 通 捋，
12d　　　Góa ê sim sòa lī -khui góa.
　　　　我 的 心 续 离 开 我。


13a　Iâ-hô-hoa ah, kiû Lí hoaⁿ-hí chín-kiù góa;
　　耶 和 华 啊，求　Ｌｉ２欢 喜 拯 救 我；
13b　　　Iâ-hô-hoa ah, kiû Lí kín-kín pang-chān góa.
　　　　耶 和 华 啊，求　Ｌｉ２紧 紧 帮 助 我。


14a　Goān hiah-ê siàu-siūⁿ beh hāi góa sìⁿ-miā--ê ,
　　愿 那 些 数 想 要 害 我 性 命 的，
14b　　　Chòe chi̍t-ē kiàn-siàu, làu-khùi tò -thè ;
　　　　做 一 下 见 诮， 漏 气 倒 退；


14c　Goān hiah-ê hoaⁿ-hí góa siū hām-hāi--ê ,
　　愿 那 些 欢 喜 我 受 陷 害 的，
14d　　　Oa̍t-tò -tńg siū lêng-jio̍k lak-kē .
　　　　越 倒 转 受 凌 辱 落 低。


15a　Goān hiah-ê tùi góa kóng, “Ho͘h--chāi, Ho͘h--chāi"--ê ,
　　愿 那 些 对 我 讲： 「呼 哉， 呼 哉」 者，
15b　　　In -ūi kiàn-siàu lâi pāi-bô soe- thè.
　　　　因 为 见 诮 来 败 亡 衰 退。


16a　Goān it -chhè chhē Lí- -ê ,
　　愿 一 切 找　Ｌｉ２的，
16b　　　In -ūi Lí lâi hoaⁿ-hí khoài-lo̍k bô soah.
　　　　因 为　Ｌｉ２来 欢 喜 快 乐 无 息。


16c　Goān hiah-ê him-bō͘ Lí kiù-un--ê ,
　　愿 那 些 欣 慕　Ｌｉ２救 恩 的，
16d　　　Siông-siông kóng, “Tio̍h chun Iâ-hô-hoa chòe tōa.”
　　　　常 常 讲 ： 「当 尊 耶 和 华 做 大。」


17a　Chóng-sī góa sī khùn-khó͘ sòng-hiong--ê ,
　　总 是 我 是 困 苦 贫 穷 的，
17b　　　Chú iáu-kú siàu-liām góa bô piàn.
　　　　主 尚 且 数 念 我 无 变。


17c　Lí sī pang-chān góa--ê , chín-kiù góa--ê ;
　　Ｌｉ２是 帮 助 我 的，拯 救 我 的；
17d　　　Góa ê Siōng-tè ah , kiû Lí m̄-thang iân-chhiân.
　　　　我 的 上 帝 啊， 求　Ｌｉ２不 通 延 迟 。