《押韵启应诗篇》

 | | | 转寄

台语押韵启应诗篇 39

作者 Tīⁿ Jî-gio̍k 2006.10.08

Tāi-pi̍t ê si, kau hō͘ Ga̍k-koaⁿ, Iâ-tō͘-tùn.

1a　Góa bat kóng, góa beh kín-sīn góa ê lō͘ ,
　　我　曾　讲 ：　我　要　谨　慎　我　的 路，
1b　　　Bián-tit ēng góa ê chi̍h hoān-chōe kóng chhò-gō͘ .
　　　　免　得　用　我　的 舌　犯　罪　讲　错　误。


1c　Pháiⁿ-lâng tī góa bīn-chêng ín- iú ,
　　歹　人　在　我　面　前　引　诱，
1d　　　Góa beh iok-sok góa ê chhùi, chhin-chhiūⁿ bé -kā -kiuⁿ.
　　　　我　要　约　束　我　的　嘴 ，　亲　像　马　咬　缰。


2a　Góa chēng-chēng bô siaⁿ, liân hó-ōe ia̍h bô kóng chhut chhùi;
　　我　静　静　无　声，　连　好 话　亦　无　讲　出　嘴 ；
2b　　　Góa ê iu-būn chiū giâ-khí-lâi thó͘-khùi.
　　　　我　的 忧 闷　就　举　起　来　吐　气。


3a　Góa ê sim teh jia̍t kàu góa ê pak-lāi,
　　我 的 心 在 热 到 我 的 腹 内，
　　góa chēng-chēng siūⁿ ê sî , hé chiū to̍h--khí--lâi ;
　　我 静 静 想 的 时，火 就ｔｏｈ８ 起 来；
3b　　　Góa chiū ēng chi̍h kóng--chhut--lâi .
　　　　我 就 用 舌 讲 出 来。


4a　Iâ-hô-hoa ah , kiû lí hō͘ góa chai pún-sin ê kiat-kio̍k,
　　耶 和 华 啊，求　Ｌｉ２使 我 知 本 身 的 结 局，
　　kap góa nî-hè ê siàu-gia̍h jōa-chōe chiū chiok;
　　及 我 年 岁 的 数 额 偌 多 就 足；
4b　　　Hō͘ góa chai kàu cháiⁿ-iūⁿ loán-jio̍k.
　　　　使 我 知 到 怎 样 软 弱。


5a　Lí hō͘ góa ê ji̍t-chí chhin-chhiūⁿ chi̍t-pa ê chhiú-chiúⁿ,
　　Ｌｉ２ 使 我 的 日 子 亲 像 一 把 的 手 掌，
5b　　　Góa it-seng ê nî-hè, tī Lí ê bīn-chêng chhin-chhiūⁿ bô chi̍t-iūⁿ.
　　　　我 一 生 的 年 岁,在 Ｌｉ２ 的 面 前 亲 像 无 一 样。


5c　Ta̍k-lâng khiā-chāi ê sî ,
　　各 人 站 在 的 时，
5d　　　Chin-chiàⁿ lóng sī khang-hi .
　　　　真 正 都 是 空 虚。


6a　Sè-kan-lâng chòe si̍t-chāi chhin-chhiūⁿ iáⁿ khang-khang,
　　世 间 人 做 实 在 亲 像 影 空 空 ，
6b　　　I só͘ chek-chū--ê , m̄-chai chiong-lâi kui tī siáⁿ-lâng.
　　　　他 所 积 聚 的，不 知 将 来 归 在 甚 人。


7a　Chú ah , góa taⁿ thèng-hāu sím-mi̍h?
　　主 啊， 我 今 等 候 甚 么 ？
7b　　　Góa ê ǹg-bāng chāi-tī Lí .
　　　　我 的 盼 望 在 于　Ｌｉ２。


8a　Kiû Lí kiù góa thoat-lī góa it-chhè pōe-poān Lí ê chōe-kio̍k,
　　求　Ｌｉ２救 我 脱 离 我 一 切 背 叛 Ｌｉ２的 罪 局，
8b　　　M̄-thang hō͘ góa siū gōng-lâng ê lêng-jio̍k.
　　　　不 通 使 我 受 憨 人 的 凌 辱。


9a　Góa chēng-chēng bô khui-chhùi;
　　我 静 静 无 开 嘴 ；
9b　　　In-ūi sī Lí ōe ūi góa kè -ūi .
　　　　因 为 是　ＬＩ２会 为 我 计 划。


10a　Lí só͘ kàng ê chek-hoa̍t kiû Lí kā góa tû--khì;
　　Ｌｉ２　所 降 的 责 罚 求　Ｌｉ２给 我 除 去；
10b　　　In-ūi Lí ê chhiú ê tok-chek, góa chiū siau-bia̍t--khì .
　　　　因 为 Ｌｉ２的 手 的 督 责， 我 就 消 灭 去。


11a　Lí in-ūi lâng ê chōe-ok, kéng-kài i ê sî ,
　　Ｌｉ２因 为 人 的 罪 恶，警 戒 他 的 时，
11b　　　Hō͘ i só͘ hoaⁿ-hí--ê siau-bia̍t bô--khì.
　　　　使 他 所 欢 喜 的 消 灭 无 去。


12a　Iâ-hô-hoa ah,kiû Lí thiaⁿ góa ê kî-tó, àⁿ hī-khang thiaⁿ góa ê kiû-thó.
　　耶 和 华 啊, 求 Ｌｉ２听 我 的 祈祷,俯 耳 孔 听 我 的求 讨。
12b　　　Góa lâu ba̍k-sái, kiû Lí m̄-thang liân chhut-siaⁿ iā bô .
　　　　我 流 目 屎， 求　ＬＩ２不 通 连 出 声 也 无。


12c　In -ūi góa tī Lí ê bīn-chêng sī chhut-gōa-lâng chi̍t-iūⁿ,
　　因 为 我 在Ｌｉ２的 面 前 是 出 外 人 一 样，
12d　　　Sī kià-kha--ê , chhin-chhiūⁿ góa ê lia̍t-chó͘ chi̍t-poaⁿ-iūⁿ .
　　　　是 寄 脚 的，亲 像 我 的 列 祖 一 般 样。


13a　Kiû Lí khoan-iông góa, hō͘ góa iáu-bē khì kui tī sí-bô ê tāi-seng,
　　求 　Ｌｉ２宽 容 我，使 我 尚 未 去 归 在 死 无 的 事 先，
13b　　　Thang hō͘ góa ke-kiám an-lo̍k ê jîn-seng.
　　　　通　给　我　加　减　安 乐　的 人　生。