《押韵启应诗篇》

 | | | 转寄

台语押韵启应诗篇 38

作者 Tīⁿ Jî-gio̍k 2006.10.01

Tāi-pi̍t ê kì-liām-si.

1a　Iâ-hô-hoa ah , kiû Lí m̄-thang tī siū-khì-tiong chek-pī góa;
　　耶 和 华　啊，求　Ｌｉ２不 通　在　怒　气　中　责 备　我；
1b　　　M̄-thang tī tōa siū-khì-tiong kéng-kài góa.
　　　　不 通　在 大　怒　气　中　警　诫　我。


2a　In -ūi Lí ê chìⁿ siā góa ê seng-khu,
　　因 为　ＬＩ２ 的 箭　射　我　的 身　躯，
2b　　　Lí ê chhiú tāng-tāng chhi̍h góa kàu ku-ku .
　　　　Ｌｉ２的 手　重　重　压　我　到　痀 痀。


3a　In -ūi Lí ê siū-khì,
　　因 为 (fa50) 的 怒 气，
3b　　　Góa ê bah bô chi̍t-ūi oân-choân;
　　　　我 的 肉 无 一 位 完 全；


3c　In -ūi góa ê chōe-gia̍t só͘ tì ,
　　因 为 我 的 罪 孽 所 致，
3d　　　Góa ê kut ia̍h bô pêng-an teh sng-soan.
　　　　我 的 骨 亦 无 平 安 在 酸 酸 。


4a　Góa ê chōe-ok pôaⁿ-kè góa ê thâu-khak,
　　我 的 罪 恶　Ｌｉ２ 过 我 的 头 壳，
4b　　　Chhin-chhiūⁿ tāng-tàⁿ hō͘ góa taⁿ-bōe-khí, kiông beh phak.
　　　　亲 像 重 担 使 我 担 不 起， 强 要 仆。


5a　In -ūi góa ê gû-gōng teh àu ,
　　因 为 我 的 愚 憨 在 臭，
5b　　　Góa ê siong, nōa koh chhàu.
　　　　我 的 伤 ， 烂 又 臭 。


6a　Góa thàng-thiàⁿ koh khiau-ku ,
　　我 疼 痛 又 曲 痀，
6b　　　Thong-ji̍t ai-siong kiû jîn-chû.
　　　　通 日 哀 伤 求 仁 慈。


7a　In -ūi góa móa-io sī hé-khoân,
　　因 为 我 满 腰 是 火 环 ，
7b　　　Góa ê bah bô chi̍t-ūi oân-choân.
　　　　我 的 肉 无 一 位 完 全 。


8a　Góa siū phah-siong, chin bô la̍t koh bô pêng-an,
　　我 受 打 伤 ， 真 无 力 又 不 平 安，
8b　　　In -ūi góa ê sim put-an , chiū tōa ai-chhan.
　　　　因 为 我 的 心 不 安，就 大 哀 颤。


9a　Chú ah , góa ê sim-goān lóng tī Lí ê bīn-chêng,
　　主 啊，我 的 心 愿 拢 在Ｌｉ２的 面 前 ，
9b　　　Góa ê thó͘-khùi bô tùi Lí ún-môa, sī án-ni teh piáu-bêng.
　　　　我 的 吐 气 无 对　Ｌｉ２隐 瞒，是 按 呢 在 表 明。


10a　Góa ê sim pho̍k-pho̍k-chhéng, góa ê la̍t soe-bî ;
　　我 的 心 嚗 嚗 喘， 我 的 力 衰 微；
10b　　　Liân góa ba̍k-chiu ê kng-bêng, ia̍h lī- khui góa sit-sī .
　　　　连 我 目 珠 的 光 明， 亦 离 开 我 失 视。


11a　Thiàⁿ góa ê lâng kap góa ê pêng-iú ,
　　爱 我 的 人 与 我 的 朋 友，
11b　　　In -ūi góa ê pháiⁿ chèng-thâu bīn iu ,
　　　　因 为 我 的 歹 症 头 面 忧，


11c　In lóng siám tī piⁿ-á hia,
　　　伊 拢 闪 在 边 仔 彼，
11d　　　Góa ê chhin-chhek ia̍h hn̄g-hn̄g teh khiā.
　　　　我 的 亲 戚 亦 远 远 在 站。


12a　Hiah-ê siàu-siūⁿ góa ê sìⁿ-miā--ê , siat lô -bāng;
　　那 些 数 想 我 的 性 命 的，设 罗 网；
12b　　　Siūⁿ beh hāi góa--ê , kóng chhut ok-to̍k ê ōe chhin-chhiūⁿ thâng;
　　　　想 要 害 我 的，讲 出 恶 毒 的话 亲 像 虫；
　　　　Thong-ji̍t siūⁿ khúi-khiat ê kè-bô͘ teh siòng phāng.
　　　　通 日 想 诡 讦 的 计 谋 在 相 缝 。


13a　Chóng-sī góa chhin-chhiūⁿ chhàu-hī-lâng--ê , bô thiaⁿ-kìⁿ siaⁿ-soeh,
　　总 是 我 亲 像 臭 耳 人 的，无 听 见 声 息，
13b　　　Chhin-chhiūⁿ é -káu--ê , bô khui chhùi kóng ōe .
　　　　亲 像 哑 巴 的，无 开 嘴 讲 话。


14a　Góa ia̍h chhin-chhiūⁿ bô thiaⁿ-kìⁿ ê lâng,
　　我 亦 亲 像 无 听 见 的 人，
14b　　　Chhùi bô ìn -tap ê lâng.
　　　　嘴 无 应 答 的 人。


15a　Iâ-hô-hoa ah , góa thèng-hāu Lí bô soah,
　　耶 和 华 啊， 我 等 候　Ｌｉ２ 无 息，
15b　　　Chú, góa ê Siōng-tè ah , Lí beh thiaⁿ góa.
　　　　主， 我 的 上 帝 啊，　Ｌｉ２要 听 我。


16a　In -ūi góa bat kóng khí,
　　因 为 我 曾 讲 起，
16b　　　Kiaⁿ-liáu in tùi góa khoa-kháu;
　　　　惊 了 伊 对 我 夸 口；


16c　Góa ê kha ta̍h-thu̍t ê sî ,
　　我 的 脚 踏 脱 的 时，
16d　　　Tùi góa in chun-tōa ka-kī.
　　　　对 我 伊 尊 大 自 己。


17a　In-ūi góa hiám-hiám poa̍h-tó pho̍k-pho̍k-chhéng,
　　因 为 我 险 险 跌 倒 嚗 嚗 喘 ，
17b　　　Góa ê iu- būn siông-siông tī góa ê bīn-chêng.
　　　　我 的 忧 闷 常 常 在 我 的 面 前 。


18a　In -ūi góa beh jīn góa ê chōe-ok lâi thòng-hūn,
　　因 为 我 要 认 我 的 罪 恶 来 痛 恨，
18b　　　Koh ūi -tio̍h góa ê chōe lâi iu-būn.
　　　　又 为 着 我 的 罪 来 忧 闷。


19a　Chóng-sī tùi-te̍k góa--ê , iā oa̍h-tāng, ia̍h ióng-béng;
　　总 是 对 敌 我 的，也 活 动 ， 亦 勇 猛；
19b　　　Bô lí -iû oàn-hūn góa-- ê , ke-thiⁿ ná chōe ná kiông-sēng.
　　　　无 理 由 怨 恨 我 的, 加 添 愈 多 愈 强 盛。


20a　Ēng pháiⁿ pò hó--ê , kap góa chòe tùi-thâu;
　　用 歹 报 好 的，与 我 做 对 头；
20b　　　In-ūi góa sī tui-chhē hó--ê , tio̍h ài siám-cháu.
　　　　因 为 我 是 追 寻 好 的，着 要 闪 走。


21a　Iâ-hô-hoa ah , m̄-thang pàng-sak góa chòe phah-sǹg,
　　耶 和 华 啊， 不 通 放 舍 我 做 打 算，
21b　　　Góa ê Siōng-tè ah , m̄-thang lī- khui góa hn̄g-hn̄g.
　　　　我 的 上 帝 啊，不 通 离 开 我 远 远。


22a　Chú ah , chín-kiù góa ê chio̍h-pôaⁿ,
　　主 啊， 拯 救 我 的 石 磐，
22b　　　Kiû Lí kín- kín pang-chān góa.
　　　　求　Ｌｉ２ 紧　紧　帮　助　我。