《押韵启应诗篇》

 | | | 转寄

台语押韵启应诗篇 37b

作者 Tīⁿ Jî-gio̍k 2006.09.24

37　Tāi-pi̍t ê si.

21a　Pháiⁿ-lâng kā lâng chioh, iā bô hêng--lâng;
　　　歹　人　给　人　借， 也　无　还　人；
21b　　　Nā-sī gī-lâng kiâⁿ lîn-bín, siá-sì--lâng.
　　　　若 是　义 人　行　怜　悯，舍　施　人。


22a　Iâ-hô-hoa sù-hok ê lâng, in beh sêng-chiap thó͘-tōe;
　　耶 和 华　赐 福　的 人 ， 伊 要　承　接　土　地；
22b　　　Hō͘ I chiù-chó͘ ê lâng, beh siū bia̍t-bô tī in ê chōe.
　　　　让　他　咒　诅　的 人， 要　受　灭　亡 在 伊 的 罪。


23a　Gī-lâng ê kha-pō͘ sī Iâ-hô-hoa só͘ an -tì ;
　　义 人 的 脚 步 是 耶 和 华 所 安 置；
23b　　　Koh I hoaⁿ-hí i ê lō͘ teh chí-sī .
　　　　又 他 欢 喜 他 的路 在 指 示。


24a　I sui-bóng poa̍h-tó , ia̍h bô kàu kui-sin siak--lo̍h-khì;
　　他虽 罔 跌 倒， 亦 无 到 归 身 摔 落 去；
24b　　　In-ūi Iâ-hô-hoa ēng I ê chhiú hû i .
　　　　因 为 耶 和 华 用 他 的 手 扶 他。


25a　Góa chêng siàu-liân, taⁿ nî-lāu thâu-mn̂g la̍k;
　　我 前 少 年， 今 年 老 头 发 落；
25b　　　Chóng-sī bē bat khòaⁿ-kìⁿ gī -lâng siū pàng-sak,
　　　　总 是 未 曾 看 见 义 人 受 放 舍，
　　　　ia̍h i ê hō͘ -è chòe khit-chia̍h in -ūi iau pak.
　　　　亦 他 的 后 裔 做 乞 食 因 为 饥 腹。


26a　I thong-ji̍t lîn-bín lâng, chioh--lâng,
　　他 通 日 怜 悯 人， 借 人，
26b　　　I ê hō͘ -è tit-tio̍h hok-khì, chhēng chu-âng.
　　　　他的 后 裔 得 着 福 气， 穿 朱 红。


27a　Lí tio̍h lī-khui pháiⁿ, kiâⁿ hó ,
　　恁 着 离 开 歹 ， 行 好，
27b　　　Chiah thang éng-oán khiā-khí pêng-hô .
　　　　才 通 永 远 站 起 平 和。


28a　In-ūi Iâ-hô-hoa hoaⁿ-hí kong-pêng,
　　因 为 耶 和 华 欢 喜 公 平，
28b　　　Bô pàng-sak I sèng ê peh-sìⁿ siū khùn-kéng;
　　　　无 放 舍 他 圣 的 百 姓 受 困 境；


28c　In éng-oán siū pó -hō͘ tit sèng-pia̍t,
　　伊 永 远 受 保 护 得 圣 别，
28d　　　To̍k-to̍k pháiⁿ-lâng ê hō͘- è beh siū châu-bia̍t.
　　　　独 独 歹 人 的 后 裔 要 受 剿 灭。


29a　Gī-lâng beh sêng-chiap thó͘-tōe,
　　义 人 要 承 接 土 地，
29b　　　Éng-oán tiàm tī-hia bē soe.
　　　　永 远 住 在 彼 未 衰。


30a　Gī-lâng ê chhùi kóng tì-hūi,
　　义 人 的 嘴 讲 智 慧，
30b　　　I ê chi̍h tâm-lūn kong-pêng sī -hui .
　　　　他的 舌 谈 论 公 平 是 非。


31a　I ê Siōng-tè ê lu̍t-hoat tī i ê sim-lāi;
　　他的 上 帝 的 律 法 在 他 的 心 内；
31b　　　I ê kha lóng bōe ta̍h-thu̍t chū-chāi.
　　　　他的 脚 都 未 踏 脱 自 在 。


32a　Pháiⁿ-lâng bâi-ho̍k thèng-hāu gī-lâng,
　　歹 人 埋 伏 等 候 义 人，
32b　　　Siàu-siūⁿ thâi-- i siat lô -bāng.
　　　　思 想 杀 他 设 罗 网 。


33a　Iâ-hô-hoa bô pàng-sak i tī pháiⁿ-lâng ê chhiú;
　　耶 和 华 无 放 舍 他 在 歹 人 的 手 ；
33b　　　Tng sím-phòaⁿ ê sî , ia̍h bô tēng i ê chōe, kā i chín-kiù.
　　　　当 审 判 的 时，亦 无 定 他 的 罪， 给 他 拯 救。


34a　Lí tio̍h thèng-hāu Iâ-hô-hoa,
　　恁 当 等 候 耶 和 华，
34b　　　Chun-siú I ê tō -lō͘ lâi oa̍h.
　　　　遵 守 他 的 道 路 来 活。


34c　I chiū ko-seng lí ,
　　他 就 高 升 你，
34d　　　Hō͘ lí sêng-chiap thó͘-tōe chòe hoaⁿ-hí .
　　　　使 你 承 接 土 地 做 欢 喜。


34e　Pháiⁿ-lâng siū châu-bia̍t ê sî ,
　　歹 人 受 剿 灭 的 时，
34f　　　Lí beh khòaⁿ-kìⁿ.
　　　　你 要 看 见。


35a　Góa bat khòaⁿ-kìⁿ pháiⁿ-lâng ū tōa sè-le̍k hó-kòe,
　　我 曾 看 见 歹 人 有 大 势 力 好 过，
35b　　　Koh hoat-ta̍t chhin-chhiūⁿ ām--ê chhiū tī i ê pún thó͘-tōe.
　　　　又 发 达 亲 像 艳 的 树 在 他的 本 土 地。


36a　Ū lâng tùi hia keng-kè , khòaⁿ ah , i bô--khì--lah;
　　有 人 从 彼 经 过， 看 啊，他 无 去 啦；
36b　　　Góa ia̍h chhē i , chhē bōe tio̍h lah.
　　　　我 亦 找 他，找 不 着 啦。


37a　Lí tio̍h siông-sè khòaⁿ hit -ê oân-chiàⁿ ê lâng,
　　你 当 详 细 看 那 个 完 正 的 人，
　　khòaⁿ hit -ê chèng-ti̍t ê lâng,
　　看 那 个 正 直 的 人，
37b　　　In -ūi hô-pêng ê lâng ū hó ê kiat-kio̍k chiàu ǹg-bāng.
　　　　因 为 和 平 的 人 有 好 的 结 局 照 盼 望 。


38a　Lūn-kàu hoān-hoat ê lâng, beh chòe-chi̍t -ē bia̍t-bô ;
　　论 到 犯 法 的 人， 要 做 一 下 灭 无；
38b　　　Pháiⁿ-lâng ê kiat-kio̍k beh siū châu-bia̍t lâi siau-bô.
　　　　歹 人 的 结 局 要 受 剿 灭 来 消 无。


39a　Chóng-sī gī-lâng tit-tio̍h kiù, sī tùi Iâ-hô-hoa;
　　总 是 义 人 得 着 救，是 从 耶 和 华；
39b　　　Tng hoān-lān ê sî , I chòe in ê iâⁿ-chē, lâi kiù in oa̍h.
　　　　当 患 难 的时，他 做 伊 的营 寨， 来 救 伊 活。


40a　Iâ-hô-hoa pang-chān in , chín-kiù in ;
　　耶 和 华 帮 助 伊，拯 救 伊；
　　I chín-kiù in thoat-lī pháiⁿ-lâng ê bê-tīn, lâi khan-kiù in ;
　　他 拯 救 伊 脱 离 歹 人 的 迷 阵，来 牵 救 伊；
40b　　　In -ūi in óa- khò I ê kiù-in .
　　　　因　为　伊 倚　靠　他 的 救　恩。