《押韵启应诗篇》

 | | | 转寄

台语押韵启应诗篇 37a

作者 Tīⁿ Jî-gio̍k 2006.09.17

Tāi-pi̍t ê si.

1a　M̄-thang in-ūi chòe pháiⁿ ê lâng, sim-lāi put-pêng;
　　不 通　因 为　作　歹　的 人，　心　内　不　平；
1b　　　Ia̍h m̄-thang oàn-tò͘ kiâⁿ put-gī ê lâng ū hó-kéng.
　　　　亦　不 通　怨　妒　行　不　义 的 人　有 好 景。


2a　In-ūi in chhin-chhiūⁿ chháu khoài-khoài siū koah--khì.
　　因 为 伊　亲　像　草　快　快　受　割　去。
2b　　　Koh chhin-chhiūⁿ chhiⁿ-chhùi ê chhài láu--khì.
　　　　又　亲　像　青　翠　的　菜　老　去。


3a　Tio̍h óa-khò Iâ-hô-hoa lâi kiâⁿ hó , chòe kî -kiû,
　　着 倚 靠 耶 和 华 来 行 好，做 祈 求，
3b　　　Tiàm-tī chit- ê thó͘-tōe, ēng sêng-si̍t chòe bí -niû.
　　　　站 在 这 个 土 地，用 诚 实 做 米 粮。


4a　Tio̍h lia̍h Iâ-hô-hoa chòe hoaⁿ-hí ,
　　着 掠 耶 和 华 做 欢 喜，
4b　　　I beh chiong lí ê sim só͘ kiû--ê hō͘ lí .
　　　　他要 将 你 的 心 所 求 的 给 你。


5a　Tio̍h chiong lí ê tāi-chì kau-tài Iâ-hô-hoa;
　　着 将 你 的 代 志 交 代 耶 和 华；
5b　　　Tio̍h sìn-nāi Chú teh koan-khòaⁿ,
　　　　着 信 赖 主 在 观 看，

(齐声)　I BEH KĀ LÍ Íⁿ-CHHŌA
　　　　他要 给 你 引 导 。


6a　I beh hō͘ lí ê gī hoat-chhut, chhin-chhiūⁿ kng;
　　他 要 使 你 的 义 发 出， 亲 像 光；
6b　　　Lí ê phòaⁿ-toàn chhin-chhiūⁿ tiong-tàu ê kng.
　　　　你 的 判 断 亲 像 中 午 的 光 。


7a　Tio̍h chēng-chēng tī Iâ-hô-hoa ê bīn-chêng,
　　着 静 静 在 耶 和 华 的 面 前，
7b　　　Khoan-sim thèng-hāu Siōng-tè ;
　　　　宽 心 等 候 上 帝；


7c　M̄- thang in- ūi hit-hō sū-sū heng-thong--ê lâi put- pêng,
　　不 通 因 为 彼 号 事 事 亨 通 的 来 不 平。
7d　　　Kap hit-hō pháiⁿ kè-bô͘ tit-tio̍h chiâⁿ--ê .
　　　　及 彼 号 歹 计 谋 得 着 成 的。


8a　Tio̍h soah siū-khì,
　　着 息 怒 气，
8b　　　Lī-khui tōa siū-khì;
　　　　离 开 大 怒 气；


8c　M̄-thang put-pêng lâi khòng-gī ,
　　不 通 不 平 来 抗 议，
8d　　　Kiaⁿ-liáu ōe chòe pháiⁿ tāi-chì.
　　　　惊 了 会 做 歹 代 志。


9a　In-ūi kiâⁿ-pháiⁿ ê lâng beh siū châu-bia̍t chok-hòe.
　　因 为 行 歹 的 人 要 受 剿 灭 作 废。
9b　To̍k-to̍k thèng-hāu Iâ-hô-hoa ê lâng sêng-chiap thó͘-tōe.
　　独 独 等 候 耶 和 华 的 人 承 接 土 地。


10a　In-ūi koh tiap-á -kú,
　　因 为 又 霎 仔 久，
10b　　　Pháiⁿ-lâng beh bô--khì, beh ji̍p im-hú .
　　　　歹 人 要 无 去， 要 入 阴 府。


10c　Lí nā siông-sè chhâ i ê só͘-chāi,
　　你 若 详 细 查 他 的 所 在，
10d　　　I ia̍h bô--khì, bô lâng chai.
　　　　他 亦 无 去， 无 人 知。


11a　To̍k-to̍k khiam-pi ê lâng beh sêng-chiap thó͘-tōe;
　　独 独 谦 卑 的 人 要 承 接 土 地；
11b　　　In-ūi pêng-an hong-sēng jia̍t-sêng hoaⁿ-hí choân-tōe.
　　　　因 为 平 安 丰 盛 热 诚 欢 喜 全 地。


12a　Pháiⁿ-lâng siat kè -bô͘ beh hāi gī -lâng,
　　歹 人 设 计 谋 要 害 义 人，
12b　　　Koh ǹg i kā chhùi-khí-kun teh gîn--lâng.
　　　　又 向 他 咬 牙 齿 根 在ｇｉｎ５ 人。


13a　Chú beh chhiò i gōng-tauh-tauh,
　　主 要 笑 他 憨 笃 笃，
13b　　　In -ūi khòaⁿ-kìⁿ i ê ji̍t- chí beh kàu.
　　　　因 为 看 见 他 的 日 子 要 到 。


14a　Pháiⁿ-lâng pu̍ih-to khui-keng siòng-phāng,
　　歹 人 拔 刀 开 弓 相 缝 ，
　　beh táⁿ-tó khùn-khó͘ sòng-hiong ê lâng;
　　要 打 倒 困 苦 贫 穷 的 人；
14b　　　Beh thâi-sí kiâⁿ-chòe chèng-ti̍t ê lâng.
　　　　要 杀 死 行 做 正 直 的 人。


15a　In ê to beh chhì-ji̍p ka-kī ê sim tì -kàu sí ,
　　伊 的 刀 要 刺 入 自 己 的 心 致 到 死，
15b　　　In ê keng beh siū at -chi̍h.
　　　　伊 的 弓 要 受 扼 折。


16a　Gī-lâng só͘ -ū-- ê chió-chió, m̄ -kú,
　　义 人 所 有 的 少 少， 不 过，
16b　　　Iâⁿ- kè chōe-chōe pháiⁿ-lâng ê pù -ū .
　　　　赢 过 多 多 歹 人 的 富 有。


17a　In -ūi pháiⁿ-lâng ê chhiú beh siū at -chi̍h;
　　因 为 歹 人 的 手 要 受 扼 折；
17b　　　To̍k-to̍k Iâ-hô-hoa hû-chhî gī -lâng bô lī .
　　　　独 独 耶 和 华 扶 持 义 人 无 离。


18a　Iâ-hô-hoa chai bô liám ù -òe ê lâng ê jîn-seng,
　　耶 和 华 知 无 染 污 秽 的 人 的 人 生，
18b　　　In ê sán-gia̍p beh éng-oán hoân-êng.
　　　　伊 的 产 业 要 永 远 繁 荣。


19a　In tī hoān-lān ê sî put-tì kiàn-siàu,
　　伊 在 患 难 的 时 不 至 见 诮，
19b　　　Tī ki-hng ê ji̍t beh tit-tio̍h pá-chiok, m̄-bián iau.
　　　　在 饥 荒 的 日 要 得 着 饱 足 ， 不 免 饿。


20a　Chóng-sī pháiⁿ-lâng beh bia̍t-bô ,
　　总 是 歹 人 要 灭 亡，
20b　　　Iâ-hô-hoa ê tùi-te̍k sui-jiân bô chèng-choh;
　　　　耶 和 华 的 对 敌 虽 然 无 种 作；
　　　　Chhin-chhiūⁿ bō͘-sēng chháu-po͘,
　　　　亲 像 茂 盛 草 埔，

(齐声)　Iⁿ BEH SIAU-BÔ CHHIⁿ-CHHIŪⁿ HÉ-HUⁿ Ê SIAU-BÔ.
　　　　伊　要　消　无　亲　像　火　烟　的　消　无。