《押韵启应诗篇》

 | | | 转寄

台语押韵启应诗篇 36

作者 Tīⁿ Jî-gio̍k 2006.09.10

Iâ-hô-hoa ê lô͘-po̍k Tāi-pi̍t ê si, kau hō͘ Ga̍k-koaⁿ.

1a　Pháiⁿ-lâng ê chōe-kòa, tī góa ê sim ū ōe kóng--ê ,
　　歹　人　的 罪　过 ，在　我　的 心　有 话　讲　的，
1b　　　I ê ba̍k-chiu-tiong bô kiaⁿ Siōng-tè .
　　　　他的　目　珠　中　无 惊　上　帝。


2a　In -ūi tī i ê ba̍k-chiu-lāi, i ka-kī thiám-mī chū-chun.
　　因 为　在　他 的 目　珠　内，他自 己　谄　媚　自　尊。
2b　　　Phah-sǹg i ê chōe-ok éng bōe lō͘-hiān, bōe siū oàn-hūn.
　　　　打　算　他 的 罪　恶　永　未　露 现 ，未　受　怨　恨。


3a　I chhùi-lāi ê ōe , lóng sī chōe-ok kap kan-chà ê hong-hoat.
　　他 嘴 内 的话，拢 是 罪 恶 及 奸 诈 的 方 法。
3b　　　I kap tì -hūi ê hó só͘-kiâⁿ í -keng toān-choa̍t.
　　　　他 与 智 慧 的 好 所 行 已 经 断 绝。


4a　I tī bîn-chhn̂g tô͘-bô͘ chōe-ok oàn-tò͘ ;
　　他在 眠 床 图 谋 罪 恶 怨 妒；
　　I tiāⁿ-tio̍h ì -sù khiā tī m̄ -hó ê lō͘ .
　　他 定 着 意 思 站 在 不 好 的 路。
4b　　　I bô oàn-hūn pháiⁿ-tāi chòe iàm-ò͘ⁿ.
　　　　他 无 怨 恨 歹 事 做 厌 恶。


5a　Iâ-hô-hoa ah, Lí ê chû-ài chhiong-móa tī thài-khong,
　　耶 和 华 啊，Ｌｉ２的 慈 爱 充 满 在 太 空，
5b　　　Lí ê sìn-si̍t kàu tī kiong-chhong.
　　　　Ｌｉ２的 信 实 到 在 穹 苍 。


6a　Lí ê gī , koân chhin-chhiūⁿ koân-soaⁿ ê pian-iân,
　　Ｌｉ２　的 义，高 亲 像 高 山 的 边 缘，
6b　　　Lí ê phòaⁿ-toàn, chhim chhin-chhiūⁿ chhim-ian.
　　　　Ｌｉ２　的 判 断 ， 深 亲 像 深 渊。

(齐声)　SIŌNG-TÈ AH, LÂNG KAP CHENG-SIⁿ, LÍ LÓNG PÓ-HŌ͘ Iⁿ.
　　　　上 帝 啊，人 与 畜 牲，Ｌｉ２　拢 保 护 伊。


7a　Siōng-tè ah , Lí ê chû-ài cháiⁿ-iūⁿ hiah pó-pòe ah !
　　上 帝 啊，Ｌｉ２　的 慈 爱 怎 样 许 宝 贝 啊！
7b　　　Sè-kan-lâng bih tī Lí si̍t-kó͘ ê tì -ìm- ē lah.
　　　　世 间 人 匿 在　Ｌｉ２翼 股 的 庇 荫 下 啦。


8a　In beh in-ūi Lí ê chhù ê hó-mi̍h, lâi chia̍h kàu pá ,
　　伊 要 因 为Ｌｉ２的 厝 的 好 物， 来 食 到 饱，
8b　　　Lí ia̍h beh hō͘ in lim Lí khoài-lo̍k ê hô-chúi bián chhùi-ta .
　　　　Ｌｉ２　 亦 要 使 伊 饮　Ｌｉ２快 乐 的 河 水 免 嘴 干。


9a　In -ūi oa̍h-miā ê goân-thâu, chāi tī Lí hia;
　　因 为 活 命 的 源 头， 在 于　Ｌｉ２彼；
9b　　　Tī Lí ê kng, goán beh khòaⁿ-kìⁿ kng sì -siā .
　　　　在　Ｌｉ２的 光，阮 要 看 见 光 四 射。


10a　Goān Lí siông-siông si chû-ài hō͘ bat Lí ê lâng;
　　愿　Ｌｉ２常 常 施 慈 爱 给 识　Ｌｉ２的 人；
10b　　　Siông-siông ēng Lí ê kong-gī si hō͘ sim-lāi chèng-ti̍t ê lâng.
　　　　常 常 用　Ｌｉ２ 的 公 义 施 给 心 内 正 直 的 人。


11a　M̄-thang iông-ún kiau-ngō͘ ê lâng ê kha thún-ta̍h góa,
　　不 通 容 允 骄 傲 的 人 的 脚 践 踏 我，
11b　　　M̄-thang iông-ún hiong-ok ê lâng ê chhiú kóaⁿ-tio̍h góa.
　　　　不 通 容 允 凶 恶 的 人 的 手 赶 着 我。


12a　Tī hia chòe pháiⁿ ê lâng í -keng tó--lo̍h-khì;
　　在 彼 作 歹 的 人 已 经 倒 落 去；
12b　　　I siū chhia-tó , bōe-ōe koh khí.
　　　　他 受 推 倒， 未 会 复 起。