《押韵启应诗篇》

 | | | 转寄

台语押韵启应诗篇 35

作者 Tīⁿ Jî-gio̍k 2006.09.03

Tāi-pit ê si.

1a　Iâ-hô-hoa ah , kap góa saⁿ-chiⁿ--ê ,
　　耶 和 华　啊， 与　我　相　争　的，
1b　　　Kiû Lí kap in saⁿ-chiⁿ;
　　　　求　Ｌｉ２ 与　伊　相　争；


1c　Kap góa kau-chiàn--ê ,
　　与　我　交　战　的，
1d　　　Kiû Lí kap in kau-chiàn.
　　　　求　Ｌｉ２ 与　伊　交　战。


2a　The̍h tōa -sòe ê tîn-pâi,
　　拿　大　小　的 盾　牌，
2b　　　Khí-lâi pang-chān góa bián siū-hāi.
　　　　起　来　帮　助　我　免　受　害。


3a　Thiu-chhut chhiuⁿ chó͘-chí hiah-ê tui-kóaⁿ góa--ê ;
　　抽 出 枪 阻 止 那 些 追 赶 我 的；
3b　　　Tùi góa ê sîn-hûn kóng ,” Góa sī chín-kiù lí--ê .”
　　　　对 我 的 神 魂 说： 「 我 是 拯 救 你 的。」


4a　Goān hiah-ê siàu-siūⁿ góa ê sìⁿ-miā ê lâng siū kiàn-siàu lêng-jio̍k;
　　愿 那 些 肖 想 我 的 性 命 的 人 受 见 诮 凌 辱；
4b　　　Goān hiah-ê kè-bô͘ hāi góa ê lâng
　　　　愿 那 些 计 谋 害 我 的 人
　　　　oa̍t-tò-tńg làu-khùi siū bú-jio̍k.
　　　　越 倒 转 漏 气 受 侮 辱。


5a　Goān in chhin-chhiūⁿ hong chhe ê chho͘-khng;
　　愿 伊 亲 像 风 吹 的 粗 糠；
5b　　　Ū Iâ-hô-hoa ê sù-chiá teh kóaⁿ in khì hn̄g-hn̄g.
　　　　有 耶 和 华 的 使 者 在 赶 伊 去 远 远。


6a　Goān in só͘ kiâⁿ--ê , àm koh ku̍t ê lō͘ -bīn,
　　愿 伊 所 行 的，暗 又 滑 的 路 面，
6b　　　Ū Iâ-hô-hoa ê sù-chiá teh kóaⁿ in .
　　　　有 耶 和 华 的 使 者 在 赶 伊。
7a　In -ūi in bô in-toaⁿ, ūi góa àm-siat lô-bāng tī khiⁿ-lāi ,
　　因 为 伊 无 因 端， 为 我 暗 设 罗 网 在 坑 内，
7b　　　Bô in-toaⁿ,ku̍t hām-khiⁿ beh hō͘ góa ê sìⁿ-miā tú-tio̍h chai-hāi.
　　　　无 因 端，掘 陷 坑 要 我 的 性 命 遇 到 灾 害。


8a　Goān tī i bô phah-sǹg ê sî , chai-ē lâi kàu i ,
　　愿 在 他 无 打 算 的 时，灾 厄 来 到 他，
　　goān i àm-siat ê lô-bāng tîⁿ-tio̍h i ka -kī;
　　愿 他 暗 设 的 罗 网 缠 着 他 自 己；
8b　　　Goān i poa̍h-lo̍h hí lāi-bīn, siū-hāi bōe thoat-lī .
　　　　愿 他 跋 落 彼 内 面， 受 害 未 脱 离。


9a　Chiū góa ê sim beh tī Iâ-hô-hoa lâi khoài-lo̍k;
　　就 我 的 心 要 在 耶 和 华 来 快 乐；
9b　　　Tī I ê kiù-un lâi hoaⁿ-hí chiok-hok.
　　　　在 他 的 救 恩 来 欢 喜 祝 福。


10a　Góa ê kut-thâu lóng beh kóng khí,
　　我 的 骨 头 拢 要 讲 起：
10b　　　Iâ-hô-hoa ah , siáⁿ-lâng ōe chhin-chhiūⁿ Lí ?
　　　　「耶 和 华 啊，谁 人 会 亲 像　Ｌｉ２？」


10c　Lí chín-kiù khùn-khó͘ ê lâng,
　　Ｌｉ２拯 救 困 苦 的 人，
10d　　　Thoat-lī hiah-ê pí i khah-kiông--ê ;
　　　　脱 离 那 些 比 他 较 强 的；


10e　Chín-kiù khùn-khó͘ kap sòng-hiong ê lâng,
　　拯 救 困 苦 及 贫 穷 的 人，
10f　　　Thoat-lī hiah-ê chhiúⁿ-toa̍t i -- ê .
　　　　脱 离 那 些 抢 夺 他 的。


11a　Hiong-ok ê kan-chèng--ê khí--lâi ;
　　凶 恶 的 干 证 的 起 来；
11b　　　Góa só͘ m̄-chai ê sū , in chhâ-mn̄g, kóng góa chai.
　　　　我 所 不 知 的 事，伊 查 问， 讲 我 知。


12a　In tùi tī góa ēng pháiⁿ pò hó ;
　　伊 对 在 我 用 歹 报 好；
12b　　　Hō͘ góa ê sîn-hûn ko͘-toaⁿ bô óa -khò.
　　　　使 我 的 神 魂 孤 单 无 倚 靠。


13a　Lūn-kàu góa, tng in phòa-pīⁿ ê sî ,
　　论 到 我， 当 伊 破 病 的 时，
13b　　　Góa chiū chhēng môa-saⁿ lâi thàm-pīⁿ.
　　　　我 就　 穿 麻 衫 来 探 病。


13c　Ēng kìm-chia̍h khek-khó͘ góa ê sim-sîn lâi koan-hoâi,
　　用 禁 食 刻 苦 我 的 心 神 来 关 怀，
13d　　　Góa só͘ kiû--ê , lóng kui tī ka-kī ê sim-hoâi.
　　　　我 所 求 的，都 归 在 自 己 的 心 怀。


14a　Góa án-ni kiâⁿ, chhin-chhiūⁿ i sī góa ê ti- kí , góa ê hiaⁿ-tī ;
　　我 按 呢 行 ，亲 像 他 是 我 的 知 己，我 的 兄 弟；
14b　　　Góa khut-lo̍h seng-khu, pi -ai bô kú -khí,
　　　　我 屈 落 身 躯， 悲 哀 无 举 起，
　　　　chhin- chhiūⁿ lâng ūi -tio̍h lāu-bú siong-pi .
　　　　亲 像 人 为 着 老 母 伤 悲。


15a　Góa tú-tio̍h hoān-lān ê sî ,
　　我 遇 着 患 难 的 时，
15b　　　In chiū saⁿ-kap chū-chi̍p hoaⁿ-hí.
　　　　伊 就 相 与 聚 集 欢 喜。


15c　Góa só͘ m̄ saⁿ-bat ê hā-téng-lâng chū-chi̍p kong-kek góa;
　　我 所 不 相 识 的 下 等 人 聚 集 攻 击 我；
15d　　　In khiú-la̍k góa bô soah.
　　　　伊 扯 掠 我 无 息。


16a　In chhin-chhiūⁿ hì -hiauh, pián-chia̍h ê bô hē-lo̍h-lâng,
　　伊 亲 像 戏 嚣 、 骗 食 的 无 下 落 人，
16b　　　Tùi góa kā chhùi-khí-kun lâi hì-lāng.
　　　　对 我 咬 嘴 齿 根 来 戏 弄。


17a　Chú ah , Lí tiāⁿ-tiāⁿ teh khòaⁿ, beh kàu jōa-kú ?
　　主 啊，Ｌｉ２　定 定 在 看 ， 要 到 偌 久？
17b　　　Kiû Lí kiù góa ê sîn-hûn thoat-lī in chân-hāi ê khi-hū,
　　　　求　Ｌｉ２救 我 的 神 魂 脱 离 伊 残 害 的 欺 负，
　　　　kiù góa ê sìⁿ-miā thoat-lī béng ê sai-á-thûn hō͘ góa bô-sū.
　　　　救 我 的 性 命 脱 离 猛 的 狮 子 屯 使 我 无 事。


18a　Góa tī tōa chū-hōe ê tiong-kan beh kám-siā Lí ;
　　我 在 大 聚 会 的 中 间 要 感 谢　Ｌｉ２；
18b　　　Tī chèng peh-sìⁿ ê tiong-kan beh o- ló Lí .
　　　　在 众 百 姓 的 中 间 要 赞美　Ｌｉ２。


19a　Kiû Lí bo̍h-tit iông-ún hiah-ê bô lí-iû tùi-te̍k góa,
　　求　Ｌｉ２莫 得 容 允 那 些 无 理由 对 敌 我，
　　tùi góa khoa-kháu--ê teh hoah,
　　对 我 夸 口 者 在 喝，
19b　　　Bo̍h-tit iông-ún hiah-ê bô in-toaⁿ oàn-hūn góa--ê , gîn--góa.
　　　　莫 得 容 允 那 些 无 因 端 怨 恨 我 的，ｇｉｎ５我。


20a　In-ūi in bô kóng hô-pêng ê ōe ;
　　因 为 伊 无 讲 和 平 的 话；
20b　　　Chiū-sī kè-bô͘ khúi-khiat ê ōe ;
　　　　就 是 计 谋 诡 讦 的 话；
　　　　Hāi tōe-chiūⁿ an-hūn ê lâng kàu bóe.
　　　　害 地 上 安 分 的 人 到 尾。


21a　Chú ah , in tōa-tōa khui-chhùi thí-chhiò góa lah,
　　主 啊，伊 大 大 开 嘴 耻 笑 我 啦，
21b　　　Kóng , " Ho͘h--chāi ! Ho͘h--chāi ! Hō͘ goán khòaⁿ-kìⁿ lah ! "
　　　　讲 ： 「 呼 哉！ 呼 哉 ！ 让 阮 看 见 啦！」


22a　Iâ-hô-hoa ah , Lí í -keng khòaⁿ-kìⁿ;
　　耶 和 华 啊， (fa50) 已 经 看 见；
22b　　　Kiû Lí m̄- thang chēng-chēng tìⁿ chhiⁿ,
　　　　求 (fa50) 不 通 静 静 假 生，


(齐声)　CHÚ AH, M̄-THANG LĪ-KHUI GÓA SIÁM-PIⁿ.
　　　　主 啊，不 通 离 开 我 闪 边。


23a　Góa ê Siōng-tè , góa ê Chú ah , kiû Lí cheng-sîn khí--lâi ,
　　我 的 上 帝，我 的 主 啊，求　ＬＩ２精 神 起 来，
23b　　　Phòaⁿ-koat góa ê sū , pān-lí góa ê àn chi̍t--pái.
　　　　判 决 我 的 事， 办 理 我 的 案 一 次。


24a　Iâ-hô-hoa góa ê Siōng-tè ah ,
　　耶 和 华 我 的 上 帝 啊，
　　kiû Lí chiàu Lí ê kong-gī phòaⁿ-toàn góa;
　　求　Ｌｉ２照　ＬＩ２ 的 公 义 判 断 我；
24b　　　Bo̍h-tit iông-ún in tùi góa khoa-kháu bô-soah.
　　　　莫 得 容 允 伊 对 我 夸 口 无 息。


25a　Bo̍h-tit iông-ún in , sim-lāi kóng,
　　莫 得 容 允 伊，心 内 讲 ：
25b　　　Ho͘h--chāi, chiàu goán ê sim-goān lah ;
　　　　「呼 哉 ， 照 阮 的 心 愿 啦；」


25c　Bo̍h-tit iông-ún in kóng,
　　莫 得 容 允 伊 讲 ：
25d　　　Goán í- keng kā i thun--lo̍h-khì lah .
　　　　「阮 已 经 将 他 吞 落 去 啦。」


26a　Goān hiah-ê hoaⁿ-hí góa tú-tio̍h hoān-lān--ê ,
　　愿 那 些 欢 喜 我 遇 着 患 难 的，
26b　　　Lóng kiàn-siàu làu-khùi;
　　　　拢 见 诮 漏 气；


26c　Goān hiah-ê tùi góa ka-kī chun-tōa--ê ,
　　愿 那 些 对 我 自 己 尊 大 的，
26d　　　Siū kiàn-siàu lak-sūi.
　　　　受 见 诮 落 坠。


27a　Goān hiah-ê ài góa tit-tio̍h sin-oan ê lâng,
　　愿 那 些 爱 我 得 着 伸 冤 的 人，
27b　　　Chhut hoaⁿ-hí ê siaⁿ khoài-lo̍k kui tang,
　　　　出 欢 喜 的 声 快 乐 归 冬，


27c　Goān in siông-siông kóng , tio̍h chun Iâ-hô-hoa chòe tōa,
　　愿 伊 常 常 讲： 「当 尊 耶 和 华 做 大，
27d　　　In -ūi I hoaⁿ-hí I ê lô͘-po̍k pêng-an teh tòa .
　　　　因 为 他 欢 喜 他 的 奴 仆 平 安 在 住。」


28a　Góa ê chi̍h beh kóng-khí Lí ê gī ,
　　我 的 舌 要 讲 起　Ｌｉ２的 义，
28b　　　Thong ji̍t o -ló Lí.
　　　　通 日 赞 美　Ｌｉ２。