《押韵启应诗篇》

 | | | 转寄

台语押韵启应诗篇 34

作者 Tīⁿ Jî-gio̍k 2006.08.27

Tāi-pi̍t ê si; chiū-sī i tī A-pí-bí-le̍k ê bīn-chêng ké hong-tian,
　　siū kóaⁿ--chhut--khì ê sî só͘ chòe--ê.

1a　Góa beh sî -sî o -ló Iâ-hô-hoa chun-kùi;
　　我　要　时 时　赞 美　耶 和 华　尊　贵；
1b　　　O -ló I ê ōe beh siông-siông tī góa ê chhùi.
　　　　赞 美　他 的 话　要　常　常　在　我 的　嘴。


2a　Góa ê sim-sîn beh in-ūi Iâ-hô-hoa lâi o -ló ,
　　我　的 心　神　要　因 为　耶 和 华　来 赞 美，
2b　　　Khiam-pi ê lâng nā thiaⁿ--kìⁿ, ia̍h beh hoaⁿ-hí lâi chhiùⁿ-hô .
　　　　谦　卑 的 人　若 听　见，亦 要　欢　喜 来　唱　和。


3a　Lín kap góa tio̍h o -ló Iâ-hô-hoa chòe tōa,
　　恁 与 我 着 赞 美 耶 和 华 做 大，
3b　　　Saⁿ-kap chun I ê miâ chòe koân bô soah.
　　　　相 与 尊 他 的 名 做 高 无 息。


4a　Góa bat kiû Iâ-hô-hoa, I chiū ìn góa chi̍t-kù chi̍t-kù ,
　　我 曾 求 耶 和 华，他 就 应 我 一 句 一 句，
4b　　　Kiù góa thoat-lī góa it-chhè thang kiaⁿ ê sū .
　　　　救 我 脱 离 我 一 切 通 惊 的事。


5a　In kia̍h-thâu gióng-bōng I , chiū tit-tio̍h kng-bêng;
　　伊 举 头 仰 望 他，就 得 到 光 明；
5b　　　In ê bīn éng bōe kiàn-siàu thang kia̍h thêng.
　　　　伊 的 面 永 不 见 诮 通 举 挺。


6a　Chit-ê khùn-khó͘ ê lâng kiû-kiò, Iâ-hô-hoa thiaⁿ--kìⁿ;
　　此 个 困 苦 的 人 求 叫，耶 和 华 听 见；
6b　　　Kiù i thoat-lī i it-chhè ê hoān-lān, hō͘ i siám-pī .
　　　　救 他 脱 离 他 一 切 的 患 难，使 他 闪 避。


7a　Iâ-hô-hoa ê sù-chiá tī kèng-ùi I ê lâng ê sì -ûi chat-iâⁿ,
　　耶 和 华 的 使 者 在 敬 畏 他 的 人 的 四 围 扎 营，
7b　　　Lâi chín-kiù in ê sìⁿ-miā.
　　　　来 拯 救 伊 的 性 命。


8a　Lín tio̍h chhì-khòaⁿ, chiū chai Iâ-hô-hoa sī hó ;
　　恁 着 试 看 ， 就 知 耶 和 华 是 好；
8b　　　Óa-khò I ê lâng ū hok-khì ê kiat-kó.
　　　　倚 靠 他 的 人 有 福 气 的 结 果。


9a　Iâ-hô-hoa sèng ê peh-sìⁿ ah , lín tio̍h kèng-ùi I ;
　　耶 和 华 圣 的 百 姓 啊，恁 着 敬 畏 他；
9b　　　In-ūi kèng-ùi I ê lâng, bô khiàm-kheh sím-mi̍h.
　　　　因 为 敬 畏 他 的 人 ，无 欠 缺 甚 么。


10a　Sai-á-thûn ū khiàm-kheh, ū iau-gō ;
　　狮 仔 屯 有 欠 缺 ， 有 饥 饿；
10b　　　To̍k-to̍k chhē Iâ-hô-hoa ê lâng bô khiàm sím-mi̍h hāng ê hó.
　　　　独 独 找 耶 和 华 的 人 无 欠 甚 么 项 的 好。


11a　Sòe-kiáⁿ ah , lín tio̍h lâi thiaⁿ góa, tio̍h kín-kín,
　　小 子 啊，恁 着 来 听 我， 着 紧 紧，
11b　　　Góa beh chiong kèng-ùi Iâ- hô-hoa ê tō -lí kà-sī lín.
　　　　我 要 将 敬 畏 耶 和 华 的 道 理 教 示 恁。


12a　Sím-mi̍h lâng ài oa̍h-miā chōe-chōe nî ,
　　甚 么 人 爱 活 命 多 多 年，
12b　　　Him-bō͘ hè-siū, beh tit-tio̍h hok-khì ?
　　　　欣 慕 岁 寿，要 得 到 福 气？


13a　Chiū tio̍h kìm lí ê chi̍h bô kóng pháiⁿ-ōe:
　　就 着 禁 你 的 舌 无 讲 歹 话：
13b　　　Lí ê chhùi-tûn bô kóng kan-chà ê ōe .
　　　　你 的 嘴 唇 无 讲 奸 诈 的 话。


14a　Tio̍h lī-khui pháiⁿ, chòe hó ê tāi-chì,
　　着 离 开 歹 ， 做 好 的 代 志，
14b　　　Chhē hô-pêng, lâi tui-ji̍p--i .
　　　　找 和 平 ， 来 追 入 它。


15a　Iâ-hô-hoa ê ba̍k-chiu khòaⁿ gī-lâng;
　　耶 和 华 的 目 珠 看 义 人；
15b　　　I ê hī-khang thiaⁿ in ê kî -tó bô làng.
　　　　他 的 耳 孔 听 伊 的祈 祷 无 阆。


16a　Iâ-hô-hoa ê bīn ǹg kiâⁿ-pháiⁿ ê lâng,
　　耶 和 华 的 面 向 行 歹 的 人，
16b　　　Beh tùi sè-kan tû-bia̍t in ê miâ-jī kàu khang-khang.
　　　　要 从 世 间 除 灭 伊 的 名 字 到 空 空 。


17a　Gī-lâng kiû-kiò, Iâ-hô-hoa thiaⁿ-kìⁿ in ê kan-lân,
　　义 人 求 叫， 耶 和 华 听 见 伊 的 艰 难，
17b　　　Chiū kiù in , thoat-lī it-chhè ê hoān-lān.
　　　　就 救 伊， 脱 离 一 切 的 患 难。


18a　Iâ-hô-hoa óa-kūn siong-sim ê lâng,
　　耶 和 华 倚 近 伤 心 的 人，
18b　　　Chín-kiù lêng-sèng thòng-hóe ê lâng.
　　　　拯 救 灵 性 痛 悔 的 人。


19a　Gī-lâng ū chōe-chōe khó͘-lān,
　　义 人 有 多 多 苦 难，
19b　　　Chóng-sī Iâ-hô-hoa kiù i lóng thoat-lī ta̍k-chân.
　　　　总 是 耶 和 华 救 他 拢 脱 离 逐 层。


20a　Pó-choân i lóng-chóng ê kut;
　　保 全 他 拢 总 的 骨；
20b　　　Chi̍t-ki ia̍h bô phah-chi̍h bián ut-chut.
　　　　一 支 亦 无 打 折 免 郁 卒。


21a　Chōe-ok beh hāi -sí pháiⁿ-lâng chōe-chōe,
　　罪 恶 要 害 死 歹 人 多 多，
21b　　　Oàn-hūn gī-lâng--ê beh siū tēng-chōe.
　　　　怨 恨 义 人 者 要 受 定 罪。


22a　Iâ-hô-hoa kā I ê lô͘-po̍k ê sîn-hûn sio̍k-hôe,
　　耶 和 华 将 他 的 奴 仆 的 神 魂 赎 回，
22b　　　Hoān-nā óa-khò I- -ê , bô chi̍t-ê siū tēng-chōe.
　　　　凡 若 倚 靠 他 者， 无 一 个 受 定 罪。