《押韵启应诗篇》

 | | | 转寄

台语押韵启应诗篇 33

作者 Tīⁿ Jî-gio̍k 2006.08.20

1a　Lín gī-lâng ah, tio̍h in-ūi Iâ-hô-hoa lâi hoaⁿ-hí ;
　　恁　义 人　啊， 着　因 为 耶 和 华　来　欢　喜；
1b　　　Chèng-ti̍t ê lâng ê o -ló sī ha̍p-gî .
　　　　正　直　的 人　的 赞美　是　合　宜。


2a　Lín tio̍h tôaⁿ-khîm kám-siā Iâ-hô-hoa;
　　恁　着　弹　琴　感　谢　耶 和 华；
2b　　　Ēng cha̍p-tiâu-hiân ê sek o -ló I lâi chhiùⁿ-koa.
　　　　用　十　条　弦　的 瑟　赞 美 他 来　唱　歌。


3a　Tio̍h tùi I chhiùⁿ sin ê koa lâi o -ló ,
　　着 对 他 唱 新 的 歌 来 赞 美，
3ba　　　Tôaⁿ kàu chin hó , siaⁿ-im hiáng-liāng kàu chòe-ko.
　　　　弹 到 真 好，声 音 响 亮 到 最 高。


4a　In -ūi Iâ-hô-hoa ê giân-gú chèng-ti̍t ;
　　因 为 耶 和 华 的 言 语 正 直；
4b　　　Hoān I só͘ chòe--ê , it-chīn sī sêng-si̍t .
　　　　凡 他 所 做 的，一 尽 是 诚 实。


5a　I hoaⁿ-hí gī-lí kap kong-pêng tī sè-chiūⁿ.
　　他 欢 喜 义 理 及 公 平 在 世 上。
5b　　　Iâ-hô-hoa ê chû-ài móa-móa tī tōe-chiūⁿ.
　　　　耶 和 华 的 慈 爱 满 满 在 地 上。


6a　Chiah-ê thiⁿ tùi Iâ-hô-hoa ê ōe lâi chō-chiâⁿ,
　　诸 些 天 从 耶 和 华 的 话 来 造 成，
6b　　　Thiⁿ ê bān-lūi, tùi I ê chhùi ê khì lâi chiâⁿ.
　　　　天 的 万 类，从 他 的 嘴 的 气 来 成。


7a　I chū-chi̍p hái-chúi chiâⁿ-chòe kui-tui,
　　他 聚 集 海 水 成 做 归 堆，
7b　　　Siu-khǹg chhim-ian tī chúi-khò͘ lāi- ûi .
　　　　收 放 深 渊 在 水 库 内 围。


8a　Choân-tōe tio̍h kèng-ùi Iâ-hô-hoa kiok-kiong khiam-pi ,
　　全 地 着 敬 畏 耶 和 华 鞠 躬 谦 卑，
8b　　　Hoān-nā khiā-khí tī sè-chiūⁿ--ê , lóng tio̍h kiaⁿ I .
　　　　凡 若 居 起 在 世 上 的，都 当 惊 他。


9a　In-ūi I kóng-chhut chiū ū chûn-chāi,
　　因 为 他 讲 出 就 有 存 在，
9b　　　I bēng-lēng chiū khiā-chāi.
　　　　他 命 令 就 站 在。


10a　Iâ-hô-hoa hō͘ lia̍t-pang ê kè-e̍k bô-chhái-kang,
　　耶 和 华 使 列 邦 的 计 划 无 采 工，
10b　　　Hō͘ chèng peh-sìⁿ só͘ siūⁿ--ê , kui tī khang-khang.
　　　　使 众 百 姓 所 想 的，归 于 空 空 。


11a　Iâ-hô-hoa ê kè-e̍k éng-oán khiā-chāi,
　　耶 和 华 的 计 划 永 远 站 在，
11b　　　I ê sim só͘ siūⁿ--ê kàu bān sè -tāi .
　　　　他 的 心 所 想 的 到 万 世 代。


12a　Jīn Iâ-hô-hoa chòe i ê Siōng-tè--ê , hit kok ū hok-khì;
　　认 耶 和 华 做 它 的 上 帝 的，彼 国 有 福 气；
12b　　　I kéng-soán chòe I ê sán-gia̍p--ê , hit -ê peh-sìⁿ ū hok-khì.
　　　　他拣 选 做 他 的 产 业 的，彼 个 百 姓 有 福 气。


13a　Iâ-hô-hoa tùi thiⁿ teh khòaⁿ bān-pang,
　　耶 和 华 从 天 在 看 万 邦，
13b　　　I kàm-chhat lóng-chóng ê sè-kan-lâng.
　　　　他 鉴 察 拢 总 的 世 间 人。


14a　I tùi I khiā-khí ê só͘-chāi ǹg gōa-bīn,
　　他 从 他 居 起 的 所 在 向 外 面，
14b　　　Khòaⁿ it-chhè ê peh-sìⁿ khiā-khí tī tōe-bīn.
　　　　看 一 切 的 百 姓 居 起 在 地 面。


15a　I sī chō-chiâⁿ in chèng-lâng ê sim--ê ,
　　他 是 做 成 伊 众 人 的 心 的，
15b　　　Liû-sim tī in it-chhè ê só͘-chòe--ê .
　　　　留 心 在 伊 一 切 的 所 做 的。


16a　Kun-ông bōe-ōe in-ūi peng chōe tit-tio̍h kiù;
　　君 王 不 会 因 为 兵 多 得 着 救；
16b　　　Béng-lâng bōe-ōe in-ūi khùi-la̍t tōa tit-tio̍h kiù.
　　　　猛 人 不 会 因 为 气 力 大 得 着 救。


17a　Óa-khò bé tit-tio̍h kiù sī bô-chhái-kang;
　　倚 靠 马 得 到 救 是 无 采 工；
17b　　　Bōe-ōe ēng i ê tōa-la̍t lâi kiù lâng.
　　　　不 会 　用 它的 大 力 来 救 人。


18a　Iâ-hô-hoa ê ba̍k-chiu khòaⁿ kèng-ùi I ê lâng,
　　耶 和 华 的 目 珠 看 敬 畏 他 的 人，
18b　　　Khòaⁿ ǹg-bāng I ê chû-ài ê lâng;
　　　　看 盼 望 他 的 慈 爱 的 人；


19a　Beh kiù in ê lêng-hûn thoat-lī éng-oán sí ,
　　要 救 伊 的 灵 魂 脱 离 永 远 死，
19b　　　Pó-chûn in ê oa̍h-miā tī ki-hng ê sî .
　　　　保 存 伊 的 活 命 在 饥 荒 的 时。


20a　Goán ê sim-sîn pêng-sò͘ thèng-hāu Iâ-hô-hoa;
　　　阮 的 心 神 平 素 等 候 耶 和 华；
20b　　　I sī chòe goán ê pang-chān bô soah,
　　　　他是 做 阮 的 帮 助 无 息 ，
　　　　chòe goán ê tîn-pâi thang i - óa.
　　　　做 阮 的 盾 牌 通 依 倚。


21a　Goán ê sim beh óa-khò I lâi hoaⁿ-hí chhut-siaⁿ,
　　阮 的 心 要 倚 靠 他 来 欢 喜 出 声，
21b　　　In-ūi goán pêng-sò͘ óa-khò I ê sèng-miâ.
　　　　因 为 阮 平 素 倚 靠 他 的 圣 名。


22a　Iâ-hô-hoa ah, goān Lí ê chû-ài lîm-kàu goán,
　　耶 和 华 啊， 愿　Ｌｉ２的 慈 爱 临 到 阮，
22b　　　Chiàu goán só͘ ǹg-bāng Lí-- ê , tap goán ê goān.
　　　　照 阮 所 盼 望　Ｌｉ２ 的，答 阮 的 愿。