《押韵启应诗篇》

 | | | 转寄

台语押韵启应诗篇 30

作者 Tīⁿ Jî-gio̍k 2006.07.30

Chit-ê si sī hiàn kiong-tiān ê koa; Tāi-pi̍t chòe--ê.

1a　Iâ-hô-hoa ah, góa beh chun-tiōng Lí chòe chì-koân,
　　耶 和 华　啊， 我　要　尊　重　ＬＩ２　作　至 高，
　　in -ūi Lí bat thê-poa̍t góa koân-koân.
　　因 为　Ｌｉ２ 曾　提 拔　我　高　高。
1b　　　Bô hō͘ góa ê kiû-siû tùi góa khoa-kháu chiáng-koân.
　　　　无　给　我 的 仇　雠 对　我　夸　口　掌　权。


2a　Góa ê Siōng-tè Iâ-hô-hoa,
　　我　的 上　帝　耶 和 华，
2b　　　Góa bat kiû-kiò Lí , Lí chiū i -hó góa.
　　　　我　曾　求　叫　Ｌｉ２，Ｌｉ２　就　医 好　我。


3a　Iâ-hô-hoa ah , Lí bat kiù góa ê lêng-hûn tùi im-kan khí--lâi,
　　耶 和 华 啊，Ｌｉ２　曾 救 我 的 灵 魂 对 阴 间 起 来，
3b　　　Lí hō͘ góa oa̍h--teh, bián tit hō͘ lâng tâi.
　　　　Ｌｉ２　使 我 活 着, 免 得 受 人 埋。


4a　Iâ-hô-hoa sèng ê peh-sìⁿ ah, lín tio̍h chhiùⁿ-koa o -ló I ,
　　耶 和 华 圣 的 百 姓 啊，恁 着 唱 歌 赞 美 他，
4b　　　Kì-liām I ê sèng-miâ lâi kám-siā I .
　　　　纪 念 他 的 圣 名 来 感 谢 他。


5a　In -ūi I ê siū-khì put-kò ba̍k-nih-kú;
　　因 为 他 的 受 气 不 过 目 瞬 久；
5b　　　I ê un-tián sī it-seng ê kú;
　　　　他 的 恩 典 是 一 生 的 久；


5c　Sui-jian ū thî-khàu kui-mî ,
　　虽 然 有 啼 哭 归 暝，
5d　　　Chá-khí-sî chiū ū hoaⁿ-hí .
　　　　早 起 时 就 有 欢 喜。


6a　Lūn-kàu góa, góa tī heng-thong ê sî chiū kóng,
　　论 到 我， 我 在 兴 通 的 时 就 讲：
6b　　　Góa éng bōe iô -choah bô piàn-tōng.
　　　　我 永 未 摇 泏 无 变 动。


7a　Iâ-hô-hoa ah , Lí bat si -un ,
　　耶 和 华 啊，Ｌｉ２　曾 施 恩，
7b　　　Hō͘ góa ê soaⁿ khiā -chāi kian-kò͘ .
　　　　给 我 的 山 站 在 坚 固。


7c　Lí ng Lí ê bīn,
　　Ｌｉ２　掩　Ｌｉ２的 面，
7d　　　Góa chiū peh-pak sit-bîn .
　　　　我 就 擘 腹 失 眠。


8a　Iâ-hô-hoa ah , góa kiû -kiò Lí ;
　　耶 和 华 啊， 我 求 叫　Ｌｉ２；
8b　　　Góa tùi Iâ-hô-hoa kiû un, kóng ta̍k-sî .
　　　　我 对 耶 和 华 求 恩，讲 逐 时。


9a　Góa lâu-huih, góa ji̍p bōng, ū siáⁿ lī -ek ah ?
　　我 流 血， 我 入 墓， 有 甚 利 益 啊？
9b　　　Tîn-ai kiám ōe o-ló Lí mah? kiám ōe pò-iông Lí ê chin-si̍t mah?
　　　尘 埃 岂 能 赞美Ｌｉ２吗？ 岂 会 报 扬　Ｌｉ２的 真 实 吗？


10a　Iâ-hô-hoa ah , kiû Lí thiaⁿ góa, lîn-bín góa,
　　耶 和 华 啊，求　Ｌｉ２听 我， 怜 悯 我，
10b　　　Iâ-hô-hoa ah, kiû Lí pang-chān góa.
　　　　耶 和 华 啊，求　Ｌｉ２帮 助 我。


11a　Lí í -keng chiong góa ê thî-khàu piàn-chòe thiàu-bú ;
　　　Ｌｉ２已 经 将 我 的 啼 哭 变 作 跳 舞；
11b　　　Lí chiong góa ê môa-saⁿ ōaⁿ chòe hoaⁿ-hí kui seng -khu.
　　　　Ｌｉ２将 我 的 麻 衫 换 作 欢 喜 归 身 躯。


12a　Thang hō͘ góa ê sim-sîn chhiùⁿ-koa,
　　通 给 我 的 心 神 唱 歌，
12b　　　O -ló Lí ia̍h bōe chiū án-ni soah.
　　　　赞 美　Ｌｉ２亦 不 就 按 呢 息。


12c　Iâ-hô-hoa góa ê Siōng-tè ah ,
　　耶 和 华 我 的 上 帝 啊，
12d　　　Góa beh kám-siā Lí kàu éng-oán lah.
　　　　我 要 感 谢　Ｌｉ２ 到 永 远 啦。