《押韵启应诗篇》

 | | | 转寄

台语押韵启应诗篇 29

作者 Tīⁿ Jî-gio̍k 2006.07.23

Tāi-pi̍t ê si.

1a　Tōa koân-lêng--ê ê kiáⁿ ah ,
　　大　权　能　者 的 子　啊，
　　lín tio̍h chiong êng-kng khùi-lat, kui hō͘ Iâ-hô-hoa,
　　恁　着　将　荣　光　气　力，归　给　耶 和 华，
1b　　　Kui hō͘ Iâ-hô-hoa.
　　　　归　给　耶 和 华。


2a　Tio̍h chiong Iâ-hô-hoa ê miâ só͘ eng-kai tit-tio̍h ê êng-kng,
　　着　将　耶 和 华　的 名　所　应　该　得 着　的 荣　光，
　　kui hō͘ I bô soah.
　　归　给 他 无　息。
2b　　　Ēng sèng-kiat ê chng-thāⁿ kèng-pài Iâ-hô-hoa.
　　　　用　圣　洁　的 装　饰　敬　拜　耶 和 华。


3a　Iâ-hô-hoa ê siaⁿ tī chúi-bīn; êng-kng ê Siōng-tè khí lûi tī tōe-bīn.
　　耶 和 华 的 声在 水 面；荣 光 的 上 帝 起 雷 在 地 面。
3b　　　Iâ-hô-hoa tī chōe-chōe chúi ê téng-bīn.
　　　　耶 和 华 在 多 多 水 的 顶 面。


4a　Iâ-hô-hoa ê siaⁿ ū tōa khùi-la̍t ê lāi-kiàm,
　　耶 和 华 的 声 有 大 气 力 的 利 剑，
4b　　　Iâ-hô-hoa ê siaⁿ móa-móa ui-giâm.
　　　　耶 和 华 的 声 满 满 威 严。


5a　Iâ-hô-hoa ê siaⁿ phah-chi̍h pek-hiuⁿ-chhiū,
　　耶 和 华 的 声 打 折 柏 香 树 ，
5b　　　Iâ-hô-hoa phah-chhùi Lī-pa -lùn ê pek-hiuⁿ-chhiū.
　　　　耶 和 华 打 碎 利 巴 嫩 的 柏 香 树 。


6a　I ia̍h hō͘ i tiô-thiàu chhin-chhiūⁿ gû -á chhut-siaⁿ,
　　他 亦 给 它ｔｉｏ５跳 亲 像 牛 仔 出 声，
6b　　　Hō͘ Lī-pa-lùn kap Se-liân tiô-thiàu chhin-chhiūⁿ iá -gû ê kiáⁿ.
　　　　给 利 巴 嫩 和 西 连ｔｉｏ５跳 亲 像 野 牛 的 子。


7a　Iâ-hô-hoa ê siaⁿ hō͘ hé-iām pun-chhe chiò-iáⁿ.
　　耶 和 华 的 声 给 火 焰 分 叉 照 影。

8a　Iâ-hô-hoa ê siaⁿ tín-tāng khòng-iá ;
　　耶 和 华 的 声 震 动 旷 野；
8b　　　Iâ-hô-hoa tín-tāng Ka-te-su ê khòng-iá .
　　　　耶 和 华 震 动 加 低 斯 的 旷 野。


9a　Iâ-hô-hoa ê siaⁿ hō͘ lo̍k-bú kiaⁿ--tio̍h, lâi siⁿ-kiáⁿ,
　　耶 和 华 的 声 给 鹿 母 惊 着， 来 生 子，
　　ia̍h hō͘ chhiū-nâ ê chhiū-hio̍h lak kng-kng tiāⁿ tiāⁿ;
　　亦 给 树 林 的 树 叶 落 光 光 定 定；
9b　　　Kìⁿ-nā tī tiān-lāi--ê lóng kóng, “ Êng-kng Chú-miâ.”
　　　　凡 若 在 殿 内 的 都 说： 「荣 光 主 名。」


10a　Tōa-chúi hoàn-lām ê sî -kong ,
　　大 水 泛 滥 的 时 光，
10b　　　Iâ-hô-hoa chē-teh chòe ông.
　　　　耶 和 华 坐 着 作 王。


10c　Iâ-hô-hoa chē-teh chòe ông,
　　耶 和 华 坐 着 作 王，
10d　　　Ti̍t kàu éng-oán tī kiong-chhong.
　　　　直 到 永 远 在 穹 苍 。


11a　Iâ-hô-hoa beh siúⁿ-sù khùi-la̍t hō͘ I ê peh-sìⁿ;
　　耶 和 华 要 赏 赐 气 力 给 他 的 百 姓；
11b　　　Iâ-hô-hoa beh ēng pêng-an sù-hok I ê peh-sìⁿ.
　　　　耶 和 华 要 用 平 安 赐 福 他 的 百 姓。