《押韵启应诗篇》

 | | | 转寄

台语押韵启应诗篇 31

作者 Tīⁿ Jî-gio̍k　 郑儿玉　编着 2006.08.06

Tāu-pi̍t ê si; kau hō͘ Ga̍k-koaⁿ.

1a　Iâ-hô-hoa ah, góa óa-khò Lí teh oa̍h,
　　耶 和 华　啊，我　倚　靠　ＬＩ２在　活，
1b　　　Kiû Lí hō͘ góa éng-éng bô kiàn-siàu ū i- óa .
　　　　求　Ｌｉ２ 使　我　永 永　无　见 诮　有 依 倚。

(齐声)　CHIÀU LÍ Ê KONG-GĪ CHÍⁿ-KIÙ GÓA.
　　　　照　Ｌｉ２的 公　义　拯　救　我。


2a　Kiû Lí àⁿ hī-khang thiaⁿ góa, kín-kín lâi kiù góa;
　　求　Ｌｉ２俯 耳 孔 听 我， 紧 紧 来 救 我；
2b　　　Chòe góa kian-kò͘ ê chio̍h-pôaⁿ, chòe ōe-só͘ chín-kiù góa.
　　　　做 我 坚 固 的 石 磐 ， 做 卫 所 拯 救 我。


3a　In-ūi Lí sī góa ê soaⁿ-giâm, góa ê soaⁿ-chē teh pó-hō͘ góa.
　　因 为Ｌｉ２是 我 的 山 岩 ， 我 的 山 寨 在 保 护 我。
3b　　　Só͘-í kiû Lí in-ūi Lí ê miâ lâi ín-chhōa góa, chí-tiám góa.
　　　　所以 求　Ｌｉ２因 为Ｌｉ２的 名 来 引 导 我， 指 点 我。


4a　Lâng àm-chīⁿ tiuⁿ lô-bāng beh bāng góa hō͘ sí ,
　　人 暗 静 张 罗 网 要 网 我 使 死，
4b　　　Kiû Lí kiù góa thoat-lī ; In-ūi Lí sī góa ê ōe-só͘ thang siám-pī .
　　　　求 　Ｌｉ２救 我 脱 离; 因 为Ｌｉ２是 我 的 卫 所 通 闪 避


5a　Góa chiong góa ê lêng-hûn kau tī Lí ê chhiú;
　　我 将 我 的 灵 魂 交 在Ｌｉ２的 手；
5b　　　Iâ-hô-hoa chin-si̍t ê Siōng-tè ah , Lí ū kiù-sio̍k góa lâi chín-kiù.
　　　　耶 和 华 真 实 的 上 帝 啊，Ｌｉ２有救 赎 我 来 拯 救。


6a　Góa oàn-hūn hiah-ê sìn-hōng hu-ké ê lâng;
　　我 怨 恨 那 些 信 奉 虚 假 的 人；
6b　　　To̍k-to̍k góa óa-khò Iâ-hô-hoa bô làng.
　　　　独 独 我 倚 靠 耶 和 华 无 阆。


7a　Góa in-ūi Lí ê chû-ài beh hoaⁿ-hí khoài-lo̍k bô hān,
　　我 因 为Ｌｉ２的 慈 爱 要 欢 喜 快 乐 无 限，
7b　　　In-ūi Lí ū khòaⁿ-kìⁿ góa ê kan-khó͘ lo̍h-lān,
　　　　因 为Ｌｉ２有 看 见 我 的 艰 苦 落 难，
　　　　chai góa sim-sîn ê kan-lân.
　　　　知 我 心 神 的 艰 难。


8a　Lí bē bat chiong góa kau tī tùi-te̍k ê chhiú siū hāi,
　　Ｌｉ２未 曾 将 我 交 在 对 敌 的 手 受 害，
8b　　　Lí hō͘ góa ê kha khiā tī khui-khoah ê só͘-chāi.
　　　　Ｌｉ２使 我 的 脚 立 在 开 阔 的 所 在 。


9a　Iâ-hô-hoa ah, góa tī hoān-lān tiong,
　　耶 和 华 啊，我 在 患 难 中 ，
9b　　　Kiû Lí lîn-bín góa ê khó͘-tiong.
　　　　求　Ｌｉ２怜 悯 我 的 苦 衷 。


9c　Góa ê ba̍k-chiu in-ūi iu-būn phah-pháiⁿ,
　　我 的 目 珠 因 为 忧 闷 打 坏，
9d　　　Góa ê sim-sîn, góa ê sin-thé, ia̍h sī án-ni ti̍t-ti̍t -bái.
　　　　我 的 心 神， 我 的 身 体，亦 是 按 呢 直 直 坏。


10a　Góa ê sìⁿ-miā in-ūi iu-khó͘ lâi siau-bô--khì.
　　我 的 性 命 因 为 忧 苦 来 消 无 去。
10b　　　Góa ê nî-hè ūi-tio̍h thó͘-khùi ia̍h án-ni ;
　　　　我 的 年 岁 为 着 叹 气 亦 按 呢；


10c　Góa ê khùi-la̍t in-ūi góa ê chōe-ok lâi soe-lám;
　　我 的 气 力 因 为 我 的 罪 恶 来 衰 弱；
10d　　　Góa ê kut-thâu ia̍h ko͘-tâ am-cham.
　　　　我 的 骨 头 亦 枯 干 腌 惨 。


11a　Góa in-ūi góa it-chhè ê tùi-te̍k, chiâⁿ-chòe lêng-jio̍k;
　　我 因 为 我 一 切 的 对 敌，成 做 凌 辱；
11b　　　Tī góa ê chhù-piⁿ-tau koh khah siong-tiōng siū bú-jio̍k;
　　　　在 我 的 厝 边 兜 又 较 伤 重 受 侮 辱；


11c　Hiah-ê bat góa ê lâng lóng kiaⁿ góa;
　　那 些 识 我 的 人 拢 惊 我；
11d　　　Tī gōa-bīn khòaⁿ-kìⁿ góa ê lâng cháu-siám lī-khui góa.
　　　　在 外 面 看 见 我 的 人 走 闪 离 开 我。


12a　Góa chhin-chhiūⁿ sí-lâng hō͘ lâng bōe kì-tit kì-liām,
　　我 亲 像 死 人 让 人 未 记 得 纪 念，
　　bô lâng teh siàu-liām;
　　无 人 在 思 念；
12b　　　Góa chhin-chhiūⁿ phòa-chhùi ê khì-kū chhùi-iâm-iâm.
　　　　我 亲 像 破 碎 的 器 具 碎 奄 奄。


13a　In-ūi góa thiaⁿ-kìⁿ chōe-chōe lâng ê húi-pòng,
　　因 为 我 听 见 多 多 人 的 毁 谤，
13b　　　Sì- ûi lóng ū ui-hia̍p teh kóng.
　　　　四 围 拢 有 威 胁 在 讲。


13c　In saⁿ-kap chham-siông kong-kek góa ê sî ,
　　伊 相 与 参 详 攻 击 我 的 时，
13d　　　Chiū kè-bô͘ beh hāi góa ê sìⁿ-miā hō͘ sí .
　　　　就 计 谋 要 害 我 的 性 命 使 死。


14a　Iâ-hô-hoa ah , góa iû-goân óa-khò Lí bô thè.
　　耶 和 华 啊，我 犹 原 倚 靠　Ｌｉ２无 退。
14b　　　Góa kóng, Lí sī góa ê Siōng-tè .
　　　　我 讲，　Ｌｉ２是 我 的 上 帝。


15a　Góa ê cho-gū tī Lí ê chhiú;
　　我 的 遭 遇 在　Ｌｉ２的 手 ；
15b　　　Kiû Lí kiù góa thoat-lī góa ê tùi-te̍k ê chhiú,
　　　　求　Ｌｉ２救 我 脱 离 我 的 对 敌 的 手，
　　　　í -ki̍p khún-pek góa ê lâng ê ín -iú .
　　　　以 及 逼 迫 我 的 人 的 引 诱。


16a　Kiû Lí hō͘ Lí ê bīn chiò kng Lí ê lô͘-po̍k;
　　求　ＬＩ２使 　Ｌｉ２的 面 照 光　Ｌｉ２的 奴 仆；
16b　　　Chiàu Lí ê chû-ài chín-kiù góa ê iok-sok.
　　　　照　Ｌｉ２的 慈 爱 拯 救 我 的 约 束。


17a　Iâ-hô-hoa ah, kiû Lí hō͘ góa bô kiàn-siàu;
　　耶 和 华 啊，求　Ｌｉ２使 我 无 见 诮；
17b　　　In-ūi góa ū kiû-kiò Lí .
　　　　因 为 我 有 求 叫　Ｌｉ２。


17c　Kiû Lí hō͘ pháiⁿ-lâng kiàn-siàu,
　　求　Ｌｉ２ 使 歹 人 见 诮，
17d　　　Hō͘ in tī im-kan chēng-chauh-chauh teh bih .
　　　　使 伊 在 阴 间 静 寂 寂 在 匿。


18a　Goān Lí hō͘ hiah-ê pe̍h-chha̍t ê chhùi piàn é -káu;
　　愿　Ｌｉ２使 那 些 白 贼 的 嘴 变 哑 巴；
18b　　　Chiū-sī kiau-ngō͘ khòaⁿ-khin,
　　　　就 是 骄 傲 看 轻，
　　　　lām-sám bú-bān gī-lâng--ê chhùi-kháu.
　　　　滥 糁 侮 慢 义 人 的 嘴 口。


19a　Kèng-ùi Lí ê lâng ê chē-ūi ,
　　敬 畏Ｌｉ２ 的 人 的 座 位，
19b　　　Lí ūi-tio̍h in ū chek-chū ê un-hūi,
　　　　Ｌｉ２为 着 伊 有 积 聚 的 恩 惠，


19c　Ūi-tio̍h óa-khò Lí ê lâng hián-bêng,
　　为 着 倚 靠　Ｌｉ２的 人 显 明，
19d　　　Tī sè-kan-lâng ê bīn-chêng.
　　　　在 世 间 人 的 面 前。


19e　Só͘ si -hêng ê un-hūi,
　　所 施 行 的 恩 惠，
19f　　　Cháiⁿ-iūⁿ hiah tōa -tui !
　　　　怎 样 许 大 堆！


20a　Lí beh chiong in khǹg tī Lí ê bīn-chêng ún-ba̍t ê só͘-chāi;
　　Ｌｉ２　要 将 伊 放 在Ｌｉ２ 的 面 前 隐 密 的 所 在；
20b　　　Bián-tì tú-tio̍h lâng ê kè-bô͘ hām-hāi;
　　　　免 致 遇 到 人 的 计 谋 陷 害；


20c　Lí beh àm-chīⁿ pó-siú in tī tiùⁿ-ûi-lāi,
　　Ｌｉ２　要 暗 静 保 守 伊 在 帐 围 内，
20d　　　Bián siū chhùi-chi̍h ê cheng-piān, hō͘ in bô gāi.
　　　　免 受 嘴 舌 的 争 辩， 使 伊 无 碍。


21a　Iâ-hô-hoa sī eng-kai o -ló ê chú-cháiⁿ.
　　耶 和 华 是 应 该 赞 美 的 主 宰 。
21b　　　In-ūi I tī kian-kò͘ ê siâⁿ tùi góa si-chhut I kî-biāu ê chû-ài.
　　　　因 为 他 在 坚 固 的 城 对 我 施 出 他 奇 妙 的 慈 爱。


22a　Lūn-kàu góa, góa bat tio̍h-kip kóng khí,
　　论 到 我， 我 曾 着 急 讲 起：
22b　　　Tùi Lí ê ba̍k-chiu-chêng, góa siū keh-tn̄g kiaⁿ-hiâⁿ.
　　　　从　Ｌｉ２ 的 目 珠 前 ， 我 受 隔 断 惊 惶。


22c　Chóng-sī góa kiû-kiò Lí ê sî ,
　　总 是 我 求 叫　Ｌｉ２的 时，
22d　　　Lí iû-goân thiaⁿ góa khún-kiû ê siaⁿ.
　　　　Ｌｉ２ 犹 原 听 我 恳 求 的 声。


23a　Iâ-hô-hoa sèng ê peh-sìⁿ,
　　耶 和 华 圣 的 百 姓，
23b　　　Lín lóng tio̍h thiàⁿ I ;
　　　　恁 拢 当 爱 他；


23c　Iâ-hô-hoa pó-siú sêng-si̍t ê lâng,
　　耶 和 华 保 守 诚 实 的 人，
23d　　　Tāng-tāng pò-èng kiâⁿ kiau-ngō͘ ê lâng.
　　　　重 重 报 应 行 骄 傲 的 人。


24a　Kìⁿ-nā ǹg-bāng Iâ-hô-hoa ê lâng,
　　凡 若 盼 望 耶 和 华 的 人，
24b　　　Lín tio̍h chòng-táⁿ, lín ê sim tio̍h kian-kò͘ bô làng.
　　　　恁 当 壮 胆， 恁 的 心 当 坚 固 无 阆。