《押韵启应诗篇》

 | | | 转寄

台语押韵启应诗篇 24

作者 Tīⁿ Jî-gio̍k 2006.06.18

Tāi-pi̍t ê si.

1a　Tōe kap kî-tiong só͘ chhiong-móa--ê ,
　　地　和　其中　所　充　满　的，
1b　　　Sè-kài kap tiàm-tī i tiong-kan--ê , lóng sī Iâ-hô-hoa--ê .
　　　　世界　和　住　在它中　间　的，拢　是耶和华　的。


2a　I chiong tōe kiàn-li̍p tī hái ê téng-bīn,
　　他将　地　建　立　在　海　的顶　面，
2b　　　An-tì tī tōa-chúi ê téng-bīn.
　　　　安置在　大　水　的顶　面。


3a　Siáⁿ-lâng ōe chiūⁿ Iâ-hô-hoa ê soaⁿ?
　　甚　人　会　上　耶和华　的山？
3b　　　Siáⁿ-lâng ōe khiā tī I ê sèng-tôaⁿ?
　　　　甚　人　会　立　在他的圣　坛？

4a　Chiū-sī chhiú chheng-khì, sim chheng-pe̍h,
　　就　是　手　清　气，心　清　白，
4b　　　Chûn-sim bô ǹg hu -ké, chiù-chōa bô khǹg kan-kè--ê .
　　　　存　心　无　向　虚　假，咒　诅　无　放　奸　计的。



5a　Chit-hō lâng beh tit-tio̍h Iâ-hô-hoa ê sù-hok;
　　此　号　人　要　得着　耶和华　的赐福；
5b　　　Koh tùi kiù i ê Siōng-tè tit-tio̍h gī ê iok-sok.
　　　　又　对　救　他的　上　帝得　着　义的约　束。


6a　Chiah-ê sī chhē-kiû Iâ-hô-hoa ê lâng,
　　诸　些是　找　求　耶 和 华　的人，
6b　　　Ngá-kok ê Siōng-tè ah, che sī ài kìⁿ Lí ê bīn ê lâng.
　　　　雅　各　的 上　帝　啊，这　是 爱 见Ｌｉ２ 的 面 的　人。


7a　Siâⁿ-mn̂g ah, lín ê thâu tio̍h kia̍h-khí;
　　城　门 　啊，恁　的 头　着　举　起；
　　éng-oán ê mn̂g ah, lín tio̍h siū kú-khí;
　　永　远　的 门　啊，恁　着　受　举 起；
7b　　　Êng-kng ê Ông beh ji̍p--khì.
　　　　荣　光　的　王　要　入　去。


8a　Hit-ê êng-kng ê Ông sī teh chí siáⁿ-lâng ū hiah tōa ?
　　彼 个 荣　光　的 王　是 在　指 甚　人　有 许 大？
8b　　　Chiū-sī tōa khùi-la̍t tōa koân-lêng ê Iâ-hô-hoa,
　　　　就　是　大　气 　力　大　权 　能　的 耶 和 华，
　　　　tī kau-chiàn ū tōa koân-lêng ê Iâ-hô-hoa.
　　　　在 交　战　有 大　权　能　的 耶 和 华。



9a　Siâⁿ-mn̂g ah, lín ê thâu tio̍h kia̍h-khí,
　　城　门　啊， 恁 的 头　着　举　起，
9b　　　Êng-kng ê Ông beh ji̍p--khì.
　　　　荣　光　的 王　要　入　去。


10a　Siáⁿ-lâng sī êng-kng ê Ông?
　　甚　人　是 荣　光　的 王？
10b　　　Bān-kun ê Iâ-hô-hoa I sī êng-kng ê Ông.
　　　　万　军　的 耶 和 华　他 是　荣　光　的 王。