《押韵启应诗篇》

 | | | 转寄

台语押韵启应诗篇 25

作者 Tīⁿ Jî-gio̍k 2006.06.25

Tāi-pi̍t ê si.

1　IÂ-HÔ-HOA AH, GÓA Ê SIM-SÎⁿ GIÓNG-BŌNG LÍ.
(齐声)耶和　华　啊， 我　的 心　神　仰　望　Ｌｉ２。


2a　Góa ê Siōng-tè ah, góa pêng-sò͘ óa-khò Lí siū chí-kàu,
　　我　的 上　帝 啊，我　平　素 倚 靠　Ｌｉ２ 受　指 教，
2b　　　M̄-thang hō͘ góa kiàn-siàu hō͘ lâng sau,
　　　　不 通　让　我　见　诮　受　人　消，
　　　　m̄ -thang hō͘ góa ê tùi-te̍k in-ūi iâⁿ góa lâi khoa-kháu.
　　　　不 通　让 我　的 对 敌　因 为 赢　我　来　夸　口。


3a　Kìⁿ-nā thèng-hāu Lí--ê, tek-khak bô kiàn-siàu;
　　见 若 等 候　Ｌｉ２ 者, 的 确 没 见 诮；
3b　　　Hiah-ê bô iân-kò͘ kiâⁿ kan-chà--ê , beh kiàn-siàu.
　　　　彼 些 没 缘 故 行 奸 诈 者，要 见 诮。


4a　Iâ-hô-hoa ah, kiû Lí chiong Lí ê tō -lō͘ chí-sī góa,
　　耶 和 华 啊，求　Ｌｉ２将　Ｌｉ２的 道 路 指 示 我，
4b　　　Chiong Lí ê lō͘-tô͘ kà -sī góa.
　　　　将　Ｌｉ２的 路 途 教 示 我。


5a　Kiû Lí chhōa góa tī Lí ê chin-lí ,
　　求　Ｌｉ２ 导 我 在 Ｌｉ２ 的 真 理,
5b　　　Koh kā góa kà -sī ,
　　　　又 给 我 教 示，


5c　In-ūi kiù góa ê Siōng-tè sī Lí ,
　　因 为 救 我 的 上 帝 是　Ｌｉ２，
5d　　　Góa thong-ji̍t thèng-hāu Lí .
　　　　我 通 日 等 候　Ｌｉ２。


6a　Iâ-hô-hoa ah , kiû Lí kì-liām Lí ê lîn-bín kap Lí ê chû-ài ;
　　耶 和 华 啊，求　ＬＩ２ 纪 念　Ｌｉ２的 怜 悯 和　Ｌｉ２ 的 慈 爱；
6b　　　In-ūi che sī kó͘-chá í -lâi siông-siông chûn-chāi.
　　　　因 为 这 是 古 早 以 来 常 常 存 在。


7a　Kiû Lí m̄-thang kì-liām góa siàu-liân ê chōe-kòa,
　　求　Ｌｉ２不 通 纪 念 我 少 年 的 罪 过，
7b　　　Kap góa kòe-sit ê tōa,
　　　　和 我 过 失 的 大，


7c　Iâ-hô-hoa ah, kiû Lí chiàu Lí ê chû-ài lâi khòaⁿ-kò͘ góa.
　　耶 和 华 啊，求　Ｌｉ２ 照　Ｌｉ２的 慈 爱 来 看 顾 我。
7d　　　In-ūi Lí ê un-hūi kì -liām góa.
　　　　因 为Ｌｉ２的 恩 惠 记 念 我。


8a　Iâ-hô-hoa sī hó koh chèng-ti̍t ê tō -lō͘ ,
　　耶 和 华 是 好 又 正 直 的 道 路，
8b　　　Só͘ -í I beh chí-sī chōe-jîn kiâⁿ chiàⁿ-lō͘ .
　　　　所 以 他 要 指 示 罪 人 行 正 路。


9a　I beh ēng kong-pêng ín-chhōa khiam-sùn ê lâng,
　　他 要 用 公 平 引 导 谦 逊 的 人，
9b　　　I beh ēng I ê tō -lō͘ kà-sī khiam-sùn ê lâng.
　　　　他 要 用 他 的 道 路 教 示 谦 逊 的 人。


10a　Kìⁿ-nā siú I ê iok kap I ê kài-bēng ê lâng,
　　凡 若 守 他 的 约 和 他 的 诫 命 的 人，
10b　　　Iâ-hô-hoa khoán-thāi in lóng sī ēng sêng-si̍t chû-ài lâi pang-bâng.
　　　　耶 和 华 款 待 伊 拢 是 用 诚 实 慈 爱 来 帮 忙。


11a　Iâ-hô-hoa ah , góa ê chōe chin tāng;
　　耶 和 华 啊， 我 的 罪 真 重；
11b　　　Kiû Lí in-ūi Lí ê miâ sià-bián góa tit tháu-pàng.
　　　　求　ＬＩ２ 因 为 Ｌｉ２的 名 赦 免 我 得 释 放。


12a　Sím-mi̍h lâng kèng-ùi Iâ-hô-hoa?
　　什 么 人 敬 畏 耶 和 华？
12b　　　Iâ-hô-hoa beh chí-sī i só͘ tio̍h kéng ê lō͘ lâi ín-chhōa.
　　　　耶 和 华 要 指 示他 所 着 拣 的 路 来 引 导 。


13a　I ê sim-sîn beh tit-tio̍h an-hioh;
　　他的 心 神 要 得 着 安 息；
13b　　　I ê hō͘ -è beh sêng-chiap thó͘-tōe bōe chió.
　　　　他的 后 裔 要 承 接 土 地 不 少。


14a　Iâ-hô-hoa kap kèng-ùi I ê lâng chhin-bi̍t;
　　耶 和 华 和 敬 畏 他 的 人 亲 密；
14b　　　Koh beh chiong I ê iok chí-sī in chòe kà-ti̍t.
　　　　又 要 将 他 的 约 指 示 伊 做 价 值。



15a　Góa ê ba̍k-chiu siông-siông ǹg Iâ-hô-hoa;
　　我 的 目 珠 常 常 向 耶 和 华；
15b　　　In-ūi I beh hō͘ góa ê kha thoat-lī lô-bāng bô poa̍h.
　　　　因 为 他 要 让 我 的 脚 脱 离 罗 网 无 跌。


16a　Kiû Lí oa̍t-tńg ǹg góa, khó-lîn góa,
　　求　Ｌｉ２越 转 向 我， 可 怜 我，
16b　　　In-ūi góa sī ko͘-toaⁿ koh khùn-khó͘ bô i -óa.
　　　　因 为 我 是 孤 单 又 困 苦 无 依 倚。


17a　Góa ê sim-lāi ê iu-khó͘ chin-chōe bô kán-tan.
　　我 的 心 内 的 忧 苦 真 多 不 简 单。
17b　　　Kiû Lí kiù góa thoat-lī góa lóng-chóng ê hoān-lān.
　　　　求　Ｌｉ２救 我 脱 离 我 拢 总 的 患 难。


18a　Kiû Lí khòaⁿ góa ê kan-lân kap góa ê khó͘-lô .
　　求 　Ｌｉ２ 看 我 的 艰 难 和 我 的 苦 劳。
18b　　　Sià-bián góa it-chhè ê chōe-kò.
　　　　赦 免 我 一 切 的 罪 过。


19a　Kiû Lí khóaⁿ góa ê tùi-te̍k, in-ūi in chin chōe;
　　求　Ｌｉ２ 看 我 的 对 敌，因 为 伊 真 多；
19b　　　In oàn-hūn góa chin ok-to̍k kàu tóe.
　　　　伊 怨 恨 我 真 恶 毒 到 底。


20a　Kiû Lí pó-hō͘ góa ê sìⁿ-miā, chín-kiù góa ki̍p -sî ,
　　求　Ｌｉ２ 保 护 我 的 性 命，拯 救 我 及 时，
20b　　　Hō͘ góa bô kiàn-siàu, in-ūi góa óa-khò Lí .
　　　　让 我 没 见 诮， 因 为 我 倚 靠 　Ｌｉ２。


21a　Goān sûn-choân chèng-ti̍t pó-hō͘ góa,
　　愿 纯 全 正 直 保 让 我，
21b　　　In-ūi góa thèng-hāu Lí .
　　　　因 为 我 听 候 　Ｌｉ２。


22a　Siōng-tè ah, kiû Lí kiù-sio̍k Í -sek-lia̍t,
　　上 帝 啊，求　Ｌｉ２ 救 赎 以 色 列，
22b　　　Thoat-lī i it-chhè ê kan-khó͘ bián siau-bia̍t.
　　　　脱 离 他 一切 的 艰 苦 免 消 灭。