《押韵启应诗篇》

 | | | 转寄

台语押韵启应诗篇 23

作者 Tīⁿ Jî-gio̍k 2006.06.11

Tāi-pi̍t ê si.

1a　Iâ-hô-hoa sī góa ê bo̍k-chiá,
　　耶和　华　是　我　的牧　者，
1b　　　Góa ta̍k-hāng kàu-gia̍h.
　　　　我　逐　项　够　额。


2a　I hō͘ góa tó tī chhiⁿ-chhùi ê chháu-po͘ khòaⁿ thiⁿ;
　　他使　我　倒在青　翠　的草　埔　看　天；
2b　　　Chhōa góa tī an-chēng ê chúi-piⁿ .
　　　　导　我　在　安　静　的水　边。


3a　I hō͘ góa ê lêng-hûn cheng-eng;
　　他使　我　的灵　魂　精　英；
3b　　　Ūi-tio̍h I ê miâ ê hián-bêng, chhōa góa kiâⁿ gī ê lō͘-kèng.
　　　　为着　他的名　的显　明，　导　我　行　义的路径。


4a　Góa sui-jiân kiâⁿ-kè sí -ìm ê soaⁿ-kok,
　　我　虽　然　行　过　死　荫的山　谷，
4b　　　Ia̍h m̄ -kiaⁿ chai-hāi ok -to̍k.
　　　　亦　不　惊　灾　害　恶　毒。


4c　In-ūi Lí kap góa tī -teh;
　　因为Ｌｉ２　与　我　在的；
4d　　　Lí ê thûi, Lí ê koái, an-ùi góa bô thè.
　　　　Ｌｉ２的槌、Ｌｉ２的拐，安慰　我　无　退。


5a　Tī góa tùi-te̍k ê bīn-chêng,
　　在　我　对　敌　的面　前，
5b　　　Lí kā góa pâi-siat iân-sia̍h tiám teng;
　　　　Ｌｉ２给　我　排　设　筵　席　点　灯；


5c　Lí ēng iû boah góa ê thâu-khak lâu kàu ba̍k-bâi,
　　Ｌｉ２用　油　抹　我　的头　壳　流　到　目　眉，
5d　　　Góa ê poe móa--chhut--lâi .
　　　　我　的杯　满　出　来。


6a　Un-tián kap chû-pi tek-khak tè góa kàu chi̍t-sì-lâng;
　　恩　典　及　慈　悲　的　确　随　我　到　一　世人；
6b　　　Góa beh éng-oán khiā-khí tī Iâ-hô-hoa ê tiùⁿ-pâng.
　　　　我　要　永　远　居　起　在耶和华　的帐　房。