《押韵启应诗篇》

 | | | 转寄

台语押韵启应诗篇 21

作者 Tīⁿ Jî-gio̍k 2006.05.28

Tāi-pi̍t ê si, kau hō͘ Ga̍k-koaⁿ.

1a　Iâ-hô-hoa ah, ông beh in-ūi Lí ê khùi-la̍t lâi hoaⁿ-hí .
　　耶和华　啊，王　要　因为Ｌｉ２的气　力　来　欢　喜。
1b　　　In-ūi Lí ê chín-kiù, i ê khoài-lo̍k tōa bô pí .
　　　　因为Ｌｉ２的拯　救，他的快　乐　大　无比。

2a　I ê sim só͘-ài--ê , Lí í -keng hō͘ i ;
　　他的心　所爱的，Ｌｉ２已经　给　他；
2b　　　I ê chhùi só͘ kiû--ê , Lí bô m̄ ún i .
　　　　他的嘴　所　求　的Ｌｉ２无　不允　他。

3a　In -ūi Lí ēng tōa hok-khì ngiâ-chih i ,
　　因 为 Ｌｉ２　用 大 福 气 迎 接 他，
3b　　　Ēng hó-kim ê bián-liû tì tī i ê thâu-khak--ni̍h.
　　　　用 好 金 的 冕 琉 戴 在 他 的 头 壳 里。

4a　I tùi Lí kiû oa̍h-miā, Lí chiū hō͘ i ;
　　他 对Ｌｉ２ 求 活 命，Ｌｉ２就 给 他；
4b　　　Chiū-sī tn̂g hè-siū kàu tī éng-oán khiā-khí.
　　　　就 是 长 岁 寿 到 于 永 远 居 起。

5a　I in-ūi Lí ê chín-kiù, ū tōa êng-kng chòe i- chiûⁿ,
　　他因为Ｌｉ２的 拯 救，有 大 荣 光 做 衣 裳，
5b　　　Lí koh chiong chun-kùi ui-giâm hē tī i ê sin-chiūⁿ.
　　　　Ｌｉ２ 又 将 尊 贵 威 严 放 在 他 的 身 上。

6a　Lí hō͘ i ū tōa hok-khì, kàu tī éng-oán bô kiat-sok,
　　Ｌｉ２　给 他有 大 福 气，到 于 永 远 无 结 束，
6b　　　Koh hō͘ i tī Lí ê bīn-chêng hoaⁿ-hí khoài-lo̍k.
　　　　又 给 他 在Ｌｉ２的 面 前 欢 喜 快 乐。

7a　In-ūi ông óa-khò Iâ-hô-hoa;
　　因为 王 倚 靠 耶 和 华；
7b　　　Tī Chì-koân--ê ê chû-ài bô tì -kàu iô-choah.
　　　　在 至 高 者 的 慈 爱 无 致 到 摇 泏。

8a　Lí ê chhiú beh chhē-tio̍h Lí it-chhè ê tùi-te̍k khang-phāng,
　　Ｌｉ２的 手 要 找 着　Ｌｉ２ 一 切 的 对 敌 孔 缝 ，
8b　　　Lí ê chiàⁿ-chhiú beh chhē-tio̍h hiah-ê oàn-hūn Lí ê lâng.
　　　　Ｌｉ２的 右 手 要 找 着 彼 些 怨 恨　Ｌｉ２ 的 人。

9a　Lí siū-khì ê sî , beh hō͘ in chhin-chhiūⁿ iām-jia̍t ê hé-lô͘ ;
　　Ｌｉ２　怒 气 的 时，要 使 伊 亲 像 炎 热 的火 炉；
9b　　　Iâ-hô-hoa beh tī I ê tōa siū-khì-tiong thun in choân-pō͘ ,
　　　　耶 和 华 要 在 他的 大 怒 气 中 吞 伊 全 部，
　　　　hé-iām beh kā in sio kàu o͘- o͘ .
　　　　火 焰 要 将 伊 烧 到 黑 黑。

10a　Lí beh tùi sè-chiūⁿ châu-bia̍t in ê kiáⁿ-sun;
　　Ｌｉ２　要 从 世 上 歼 灭 伊 的 子 孙；
10b　　　Tùi lâng ê tiong-kan châu-bia̍t in ê hō͘-è bô chhun.
　　　　从 人 的 中 间 歼 灭 伊 的 后裔 无 剩 。

11a　In -ūi in ū ì -sù beh hāi Lí ;
　　因 为 伊 有 意思 要 害　Ｌｉ２；
11b　　　In siat kè-bô͘, chóng-sī bōe chiâⁿ i .
　　　　伊 设 计 谋， 总 是 未 成 它。

12a　Lí beh hō͘ in oa̍t-tńg-sin cháu kín-kín,
　　Ｌｉ２ 要 使 伊 越 转 身 走 紧 紧，
12b　　　Lí beh khui keng, siā in ê bīn.
　　　　Ｌｉ２ 要 开 弓， 射 伊 的 面。

13a　Iâ-hô-hoa ah, goān Lí tī Lí ê khùi-la̍t lâi hián-bêng,
　　耶 和 华 啊， 愿 Ｌｉ２ 在 Ｌｉ２ 的 气 力 来 显 明，
13b　　　Án-ni goán beh gîm-si o -ló Lí ê tōa koân-lêng.
　　　　按 呢 阮 要 吟 诗 赞 美 Ｌｉ２ 的 大 权 能。