《押韵启应诗篇》

 | | | 转寄

台语押韵启应诗篇 20

作者 Tīⁿ Jî-gio̍k 2006.05.21

1a　Goān Iâ-hô-hoa tī hoān-lān ê ji̍t thiaⁿ lí ;
　　愿　耶和华　在　患　难　的日　听　你；
1b　　　Goān Ngá-kok ê Siōng-tè ê miâ-jī,
　　　　愿　雅　各　的上　帝的名　字，
　　　　an-tì lí tī koân ê só͘-chāi khiā-khí.
　　　　安置你在高　的所在　居　起。

2a　Tùi sèng-só͘ pang-chān lí ,
　　从　圣　所　帮　助　你，
2b　　　Tùi Sek-an hû-chhî lí .
　　　　从　锡　安　扶　持　你。

3a　Kì-liām lí it-chhè só͘ hiàn--ê ,
　　纪 念 你 一 切 所 献 的，
3b　　　Chiap-la̍p lí ê sio-chè.
　　　　接 纳 你 的 烧 祭。

4a　Chiàu lí ê sim só͘-ài--ê hō͘ lí ,
　　照 你 的 心 所 爱 的 给 你，
4b　　　Chiâⁿ lí it-chhè ê kè-e̍k si̍t-si .
　　　　成 你 一 切 的 计 划 实 施。

5a　Goán beh in-ūi Lí ê kiù-un lâi chhiùⁿ-koa gîm-si ,
　　阮 要 因 为 Ｌｉ２ 的 救 恩 来 唱 歌 吟 诗，
　　goán beh hōng goán ê Siōng-tè ê miâ lâi khiā-kî .
　　阮 要 奉 阮 的 上 帝 的 名 来 立 旗。
5b　　　Goān Iâ-hô-hoa chiâⁿ lí it-chhè só͘ kiû--ê hō͘ lí .
　　　　愿 耶 和 华 成 你 一 切 所 求 的 给 你。

6a　Taⁿ góa chai Iâ-hô-hoa kiù I siū-boah-iû--ê khiā-khí,
　　今 我 知 耶 和 华 救 他 受 抹 油 者 徛 起，
　　beh tùi Chú sèng ê thiⁿ thiaⁿ--i ;
　　要 从 主 圣 的 天 听 他；
6b　　　Chú ēng chiàⁿ-chhiú ê khùi-la̍t kiù i .
　　　　主 用 右 手 的 气 力 救 他。

7a　Ū lâng óa-khò bé , ū lâng óa-khò chhia,
　　有 人 倚 靠 马，有 人 倚 靠 车，
7b　　　To̍k-to̍k goán beh kóng-khí Iâ-hô-hoa goán Siōng-tè ê miâ.
　　　　独 独 阮 要 讲 起 耶 和 华 阮 上 帝 的 名。

8a　In phak-lo̍h poa̍h-tó bô-thang i -nāi.
　　伊 仆 落 跋 倒 无 通 依 赖。
8b　　　Goán chiū khí--lâi khiā chāi-chāi.
　　　　阮 就 起 来 站 在 在。

9a　Kiû Iâ-hô-hoa chín-kiù goán ê ông.
　　求 耶 和 华 拯 救 阮 的 王。
9b　　　Goán kiû-kiò ê sî , goān ông thiaⁿ goán kóng.
　　　　阮 求 叫 的 时，愿 王 听 阮 讲 。