《押韵启应诗篇》

 | | | 转寄

台语押韵启应诗篇 19

作者 Tīⁿ Jî-gio̍k 2006.05.14

1a　Chiah-ê thiⁿ kóng khí Siōng-tè ê êng-kng;
　　诸　些天　讲　起　上　帝的荣　光，
1b　　　Kiong-chhong pò-iông I ê chhiú só͘ chòe--ê chiâu-chn̂g.
　　　　穹　苍　报　扬　他的手　所　做　的齐　全 。

2a　Chit-ji̍t tùi hit-ji̍t hoat-chhut giân-gú,
　　此　日　对　彼　日　发　出　言　语，
2b　　　Chit-mî tùi hit-mî thoân-chhut chai-bat kî -sū .
　　　　此　暝　对　彼暝　传　出　知　识　奇事。

3a　Bô giân bô gú chiah hi-kî ,
　　无 言 无 语 此 稀 奇，
3b　　　In ê siaⁿ bô thang thiaⁿ--kìⁿ.
　　　　伊 的 声 无 通 听 见。

4a　In ê chún-chîn piàn tī thiⁿ-ē bān-pang,
　　伊 的 准 绳 遍 在 天 下 万 邦 ，
　　in ê giân-gú kàu tī tōe-ke̍k ê hī-khang,
　　伊 的 言 语 到 在 地 极 的 耳 孔 ，
4b　　　Siōng-tè tī in tiong-kan ūi-tio̍h ji̍t-thâu an-tì tiùⁿ-pâng.
　　　　上 帝 在 伊 中 间 为 着 日 头 安 置 帐 房。

5a　Ji̍t-thâu chhin-chhiūⁿ sin-kiáⁿ-sài chhut i ê pâng,
　　日 头 亲 像 新 子 婿 出 他 的 房 ，
5b　　　Ia̍h chhin-chhiūⁿ béng-ióng ê lâng hoaⁿ-hí cháu i ê lō͘ ,
　　　　亦 亲 像 猛 勇 的 人 欢 喜 走 他的 路，
　　　　khin-khin sang-sang.
　　　　轻 轻 松 松。

6a　I chhut tùi thiⁿ ê chit-pêng,
　　它出 对 天 的 此 边，
6b　　　Se̍h kàu thiⁿ ê hit-pêng.
　　　　绕 到 天 的 彼 边。

6c　Bô chi̍t-hāng mi̍h khǹg-ba̍t,
　　无 一 项 物 藏 密，
6d　　　Bô tit-tio̍h i jia̍t-khì ê la̍t .
　　　　无 得 着 它 热 气 的 力。

7a　Iâ-hô-hoa ê lu̍t-hoat chiâu-chn̂g,
　　耶 和 华 的 律 法 齐 全 ，
7b　　　Ōe hō͘ lâng ê sim-sîn oa̍h-khí--lâi kui ǹg .
　　　　会 使 人 的 心 神 活 起 来 归 向。

7c　Iâ-hô-hoa ê kan-chèng khak-si̍t,
　　耶 和 华 的 干 证 确 实，
7d　　　Ōe hō͘ gōng-lâng ū tì-hūi bōe gōng-ti̍t.
　　　　会 使 憨 人 有 智慧 不 憨 直。

8a　Iâ-hô-hoa ê chèng-ti̍t kà-sī ,
　　耶 和 华 的 正 直 教 示，
8b　　　Ōe hō͘ lâng ê sim hoaⁿ-hí .
　　　　会 使 人 的 心 欢 喜。

8c　Iâ-hô-hoa ê chheng-kiat bēng-lēng,
　　耶 和 华 的 清 洁 命 令，
8d　　　Ōe hō͘ lâng ê ba̍k-chiu kng-bêng.
　　　　会 给 人 的 目 珠 光 明。

9a　Kèng-ùi Iâ-hô-hoa ê tō -lí sī chheng-khì,
　　敬 畏 耶 和 华 的 道 理 是 清 气，
9b　　　Éng-oán chûn-chāi ê chin-lí .
　　　　永 远 存 在 的 真 理。

9c　Iâ-hô-hoa ê phòaⁿ-toàn chin-si̍t,
　　耶 和 华 的 判 断 真 实，
9d　　　It-khài sī kong-gī chèng-ti̍t.
　　　　一 概 是 公 义 正 直。

10a　Pí kim, pí chōe-chōe hó kim, khah thang him-bō͘ tī sim;
　　比 金， 比 多 多 好 金， 较 通 欣 慕 在 心；
10b　　　Pí bi̍t, pí phang-pâng tih--lo̍h--lâi ê bi̍t khah tiⁿ thang lim.
　　　比 蜜，比 蜂 房 滴 落 来 的 蜜 较 甜 通 饮。

11a　Koh Lí ê lô͘-po̍k tùi chiah-ê siū kéng-kài;
　　又 　Ｌｉ２ 的 奴 仆 对 这 些 受 警 戒；
11b　　　Siú chiah-ê ū tōa siúⁿ-sù ê chû-ài .
　　　　守 这 些 有 大 赏 赐 的 慈 爱。

12a　Siáⁿ-lâng ōe chai i ê sit-chhò bê-sit ?
　　谁 人 会 知 他 的 失 错 迷 失？
12b　　　Kiû Lí tû-khì góa àm-chīⁿ ê kè-sit.
　　　　求 lí 除 去 我 暗 静 的 过 失。

13a　Kiû Lí chó͘-chí Lí ê lô͘-po̍k,
　　求 Ｌｉ２　 阻 止　Ｌｉ２ 的 奴 仆，
13b　　　Bô kò͘ -ì hoān-chōe;
　　　　无 故 意 犯 罪；

13c　M̄-chún hit-ê chōe-ok ,
　　不 准 彼 个 罪 恶，
13d　　　Koán-hat góa hoān-chōe,
　　　　管 辖 我 犯 罪，

13e　Góa chiū oân-choân siú iok-sok,
　　我 就 完 全 守 约 束，
13f　　　Bián hoān tōa-chōe siū chek-tok.
　　　　免 犯 大 罪 受 责 督。

14a　Iâ-hô-hoa góa ê chio̍h-pôaⁿ ah ,
　　耶 和 华 我 的 石 磐 啊，
14b　　Kiù-sio̍k góa ê Chú ah ;
　　　　救 赎 我 的 主 啊；

14c　Goān góa ê chhùi só͘ kóng--ê , sim só͘ siūⁿ--ê ,
　　愿 我 的 嘴 所 讲 的，心 所 想 的，
14d　　　Tī Lí ê bīn-chêng tit-tio̍h chiap-la̍p bô thè.
　　　　在 Ｌｉ２的 面 前 得 着 接 纳 无 退。