《押韵启应诗篇》

 | | | 转寄

台语押韵启应诗篇 98

作者 Tīⁿ Jî-gio̍k 2007.12.31

98　　Chi̍t-phiⁿ si.

1a　Lín tio̍h ǹg Iâ-hô-hoa chhiùⁿ sin ê koa;
　　恁 着 向 耶 和 华 唱 新 的 歌；

1b　　　In -ūi I bat kiâⁿ kî-biāu ê sū ke̍k-tōa;
　　　　因 为 他 曾 行 奇 妙 的事 极 大；

1c　I ê chiàⁿ-chhiú kap I sèng ê chhiú-kut,
　　他的 右 手 及 他 圣 的 手 骨，

1d　　　Í -keng ūi ka-kī kiâⁿ chín-kiù hián-chhut.
　　　　已 经 为 自 己 行 拯 救 显 出。

2a　Iâ-hô-hoa hō͘ lâng chai I ê chín-kiù ê chin-lí ,
　　耶 和 华 使 人 知 他 的 拯 救 之 真 理，

2b　　　Tī lia̍t-pang-lâng ê ba̍k-chiu-chêng hián-bêng I ê kong-gī .
　　　　在 列 邦 人 的 目 珠 前 显 明 他 的 公 义。

3a　I kì-liām I tùi Í-sek-lia̍t-ke só͘ hoat-chhut ê chû-ài kap sìn-si̍t ;
　　他 纪 念 他 对 以色 列 家 所 发 出 的 慈 爱 与 信 实；

3b　　　Tōe ê sì -kak lóng khòaⁿ-kìⁿ
　　　　地 的 四 角 拢 看 见
　　　　lán ê Siōng-tè ê chín-kiù sī chin-si̍t .
　　　　咱 的 上 帝 之 拯 救 是 真 实。

4a　Choân-tōe lóng tio̍h ǹg Iâ-hô-hoa chhut hoaⁿ-hí ê siaⁿ;
　　全 地 拢 着 向 耶 和 华 出 欢 喜 的 声；

4b　　　Tio̍h chhut tōa-siaⁿ hoaⁿ-hí chhiùⁿ-koa o -ló I ê miâ.
　　　　着 出 大 声 欢 喜 唱 歌 赞 美 他 的 名。

5a　Tio̍h tôaⁿ-khîm chhiùⁿ-koa o -ló Iâ-hô-hoa;
　　着 弹 琴 唱 歌 赞 美 耶 和 华；

5b　　　Tio̍h tôaⁿ-khîm hō͘ si-koa ê siaⁿ o -ló I bô soah.
　　　　着 弹 琴 使 诗 歌 的 声 赞 美 他 无 息。

6a　Ēng hō-thâu kap sàu-kak ê siaⁿ,
　　用 号 头 与 哨 角 的 声，

6b　　　Tī Kun-ông Iâ-hô-hoa ê bīn-chêng chhut hoaⁿ-hí ê siaⁿ.
　　　　在 君 王 耶 和 华 的 面 前 出 欢 喜 的 声。

7a　Goān hái, kap kî-tiong só͘ chhiong-móa--ê ,
　　愿 海， 与 其 中 所 充 满 的，

7b　　　Lóng tio̍h chhut tōa-siaⁿ;
　　　　拢 着 出 大 声；

7c　Sè -kài, kap tiàm tī hit tiong-kan--ê ,
　　世 界， 与 站 在 彼 中 间 的，

7d　　　Ia̍h tio̍h chhut-siaⁿ.
　　　　亦 着 出 声。

8a　Goān tōa-chúi phah chhiú-chiúⁿ chhut siaⁿ,
　　愿 大 水 拍 手 掌 出 声，

8b　　　Goān chiah-ê soaⁿ tī Iâ-hô-hoa ê bīn-chêng chhut hoaⁿ-hí ê siaⁿ.
　　　　愿 诸 些 山 在 耶 和 华 的 面 前 出 欢 喜的 声。

9a　In -ūi I lâi beh sím-phòaⁿ choân-tōe;
　　因 为 他 来 要 审 判 全 地；

9b　　　I beh chiàu kong-gī sím-phòaⁿ sè -kài ê chōe,
　　　　他要 照 公 义 审 判 世 界 的 罪，

　　　　 CHIÀU I Ê CHÈNG-TI̍T SÍM-PHÒAⁿ LIA̍T-PANG Ê SÒ͘ CHÒE.
　　　　照 他的 正 直 审 判 列 邦 的 所 做。