《押韵启应诗篇》

 | | | 转寄

台语押韵启应诗篇 95

作者 Tīⁿ Jî-gio̍k 2007.12.10

95

1a　Lâi ah , lán tio̍h ǹg Iâ-hô-hoa chhiùⁿ-koa;
　　来 啊，咱 着 向 耶 和 华 唱 歌；

1b　　　 kiù lán ê chio̍h-pôaⁿ chhut hoaⁿ-hí ê siaⁿ bô soah.
　　　　向 救 咱 的 石 磐 出 欢 喜 的 声 无 息。

2a　Lán tio̍h kàu I ê bīn-chêng kám-siā I ê thiàⁿ,
　　咱 着 到 他 的 面 前 感 谢 他 的 爱，

2b　　　Ēng si-koa ǹg I chhut hoaⁿ-hí ê siaⁿ.
　　　　用 诗 歌 向 他 出 欢 喜 的 声。

3a　In -ūi Iâ-hô-hoa sī tōa ê Siōng-tè choân-lêng,
　　因 为 耶 和 华 是 大 的 上 帝 全 能，

3b　　　Sī tōa ê Ông, iâⁿ-kè lóng-chóng ê sîn-bêng.
　　　　是 大 的 王，赢 过 拢 总 的 神 明。

4a　Tōe chhim ê só͘ -chāi tī I ê chhiú-tiong;
　　地 深 的 所 在 在 他 的 手 中；

4b　　　Soaⁿ koân ê soaⁿ-chiam ia̍h sio̍k tī I pau-iông.
　　　　山 高 的 山 尖 亦 属 在 他包 容。

5a　Iûⁿ-hái sio̍k tī I , sī I chhòng-chō--ê ,
　　洋 海 属 在 他，是他 创 造 的，

5b　　　Ta-tōe ia̍h sī I ê chhiú chō-chiâⁿ--ê .
　　　　干 地 亦 是 他 的 手 造 成 的。

6a　Lâi ah , Lán tio̍h kiok-kiong kèng-pài bô thêng,
　　来 啊，咱 着 鞠 躬 敬 拜 无 停，

6b　　　Kūi-lo̍h tī chhòng-chō lán ê Iâ-hô-hoa ê bīn-chêng.
　　　　跪 落 在 创 造 咱 的 耶 和 华 之 面 前。

7a　In -ūi I sī lán ê Siōng-tè ,
　　因 为 他 是 咱 的 上 帝，

7b　　　Lán sī I iúⁿ-chhī--ê ,
　　　　咱 是 他 养 饲 的，

7c　Sī I chhiú-ē ê iûⁿ tè I kiâⁿ,
　　是 他 手 下 的 羊 跟 他 行，

7d　　　Kin-á-ji̍t lín nā thiaⁿ I ê siaⁿ,
　　　　今 仔日 恁 若 听 他 的 声，
　　　　chiū m̄-thang ngī lín ê sim bô thiaⁿ.
　　　　就 不 通 硬 恁 的 心 无 听。

8a　Chhin-chhiūⁿ tī Bí -lī-pa chau-that,
　　亲 像 在 米 利 巴 糟 蹋，

8b　　　Chhin-chhiūⁿ tong-ji̍t tī khòng-iá ê Má-sat; 　　
　　　　亲 像 当 日 在 旷 野 的 玛 撒；

9a　Hit-sî lín ê chó͘-kong chhì Góa,
　　彼 时 恁 的 祖 公 试 我，

9b　　　Koh sui-jiân ū khòaⁿ-kìⁿ Góa ê só͘-chòe iā giām Góa.
　　　　又 虽 然 有 看 见 我 的 所 做 也 验 我。

10a　Sì-cha̍p nî kú , Góa iàm-hūn hit sè-tāi ê lâng,
　　　四 十 年 久， 我 厌 恨 彼 世 代 的 人，

10b　　　Kóng,”chiah-ê peh-sìⁿ sī sim bê-loān khang-khang,
　　　　　讲，「 诸 些 百 姓 是 心 迷 乱 空 空，
　　　　m̄-bat Góa ê lō͘ ê lâng.“
　　　　　不 识 我 的 路 的 人。」

11a　Só͘ -í Góa tī siū-khì ê tiong-kan, iok-sok kóng,
　　　所 以 我 在 怒 气 的 中 间， 约 束 讲，

11b　　　 “In toàn-toàn bōe-tit-thang ji̍p Góa an-hioh ê tōe thang heng-thong.”
　　 　　「伊 断 断 不 得 通 入 我 安 息 的 地 通 亨 通。」