《押韵启应诗篇》

 | | | 转寄

台语押韵启应诗篇 94

作者 Tīⁿ Jî-gio̍k 2007.12.03

94

1a　Iâ-hô-hoa sin-oan ê Siōng-tè ah ,
　　耶 和 华 伸 冤 的 上 帝 啊，

1b　　　Sin-oan ê Siōng-tè ah, kiû Lí hián-chhut kng chhin-chhiūⁿ sih-nà.
　　　　伸 冤 的 上 帝 啊, 求 你 显 出 光 亲 像 闪 电。

2a　Sím-phòaⁿ sè-kài ê Chú ah , kiû Lí khí--lâi hôe-èng;
　　审 判 世 界 的 主 啊，求 你 起 来 回 应；

2b　　　Hō͘ kiau-ngō͘ ê lâng siū eng-kai siū ê pò-èng.
　　　　使 骄 傲 的 人 受 应 该 受 的 报 应。

3a　Iâ-hô-hoa ah , pháiⁿ-lâng beh jōa-kú ah ?
　　耶 和 华 啊，歹 人 要 偌 久 啊？

3b　　　Pháiⁿ-lâng tek-sèng tāi-ia̍t, beh jōa-kú ah ?
　　　　歹 人 得 胜 大 悦，要 偌 久 啊？

4a　In sûi-piān kóng, kiau-ngō͘ ê ōe chiàu kóng,
　　伊 随 便 讲， 骄 傲 的 话 照 讲，

4b　　　It-chhè kiâⁿ-pháiⁿ ê lâng lóng ka-kī phín-phóng.
　　　　一 切 行 歹 的 人 拢 自 己 品 捧。

5a　Iâ-hô-hoa ah, in ap-chè Lí ê peh-sìⁿ;
　　耶 和 华 啊，伊 压 制 你 的 百 姓；

5b　　　Khó͘-chhó͘ Lí ê sán-gia̍p ê cheng-siⁿ .
　　　　苦 楚 你 的 产 业 的 畜 牲。

6a　In thâi-sí chiú-kóaⁿ-lâng kap chhut-gōa-lâng;
　　伊 杀 死 守 寡 人 及 出 外 人；

6b　　　Koh hāi-sí ko͘-jî khin-sang khin-sang. 　　
　　　　又 害 死 孤 儿 轻 松 轻 松。

7a　In kóng,“ Iâ-hô-hoa tek-khak bô khòaⁿ--kìⁿ,
　　伊 讲，「耶 和 华 的 确 无 看 见，

7b　　　Ngá -kok ê Siōng-tè tek-khak bô tì -ì . ”
　　　　雅 各 的 上 帝 的 确 无 致 意。」

8a　Lín peh-sìⁿ-tiong cheng-siⁿ hit-khoán ê lâng tio̍h siūⁿ lah,
　　恁 百 姓 中 畜 牲 彼 款 的 人 着 想 啦，

8b　　　Gû-gōng ê lâng kàu tī -sî chiah ū tì -hūi ah ?
　　　　愚 戆 的 人 到 底 时 才 有 智 慧 啊？

9a　An-tì hī-khang--ê , chóng bô I bô thiaⁿ--kìⁿ ?
　　安 置 耳 孔 者，总 无 他 无 听 见？

9b　　　Chhòng-chō ba̍k-chiu--ê , chóng bô I bōe khòaⁿ--kìⁿ mah?
　　　　创　　造 目 珠 者，总 无 他 不 看 见 吗？

10a　Kàu-tok lia̍t-pang--ê , chiū-sī hō͘ lâng tit-tio̍h tì -sek--ê ,
　　　教 督 列 邦 者，就 是 使 人 得 着 智 识 者，

10b　　　Chóng bô I bōe hiáu pān-lí thiⁿ-ē ?
　　　　　总 无 他 不 晓 办 理 天 下？

11a　Iâ-hô-hoa chai lâng ê sim-su ,
　　　耶 和 华 知 人 的 心 思，

11b　　　Chai in sī khang-khang bô͘-sū .
　　　　　知 伊 是 空 空 谋 事。

12a　Iâ-hô-hoa ah , Lí só͘ kàu-tok, koh ēng Lí ê lu̍t-hoat só͘ kà-sī--ê ,
　　　耶 和 华 啊，你 所 教 督，又 用 你 的 律 法 所 教 示 者，

12b　　　Hit-ê lâng ū hok-khì kàu hō͘ -è .
　　　　　彼 个 人 有 福 气 到 后 裔。

13a　Beh hō͘ i tī hoān-lān ê ji̍t tit-tio̍h pêng-an ,
　　　要 使 他 在 患 难 的 日 得 着 平 安，

13b　　　Nā-sī ūi-tio̍h pháiⁿ-lâng khui hām-khiⁿ teh tán .
　　　　　若 是 为 着 歹 人 开 陷 坑 在 等。

14a　In-ūi Iâ-hô-hoa tek-khak bô khì-sak I ê peh-sìⁿ;
　　　因 为 耶 和 华 的 确 无 弃 舍 他 的 百 姓；

14b　　　Ia̍h bô chiong I ê sán-gia̍p pàng-lī .
　　　　　亦 无 将 他 的 产 业 放 离。

15a　In -ūi sím-phòaⁿ beh chiàu kong-gī ,
　　　因 为 审 判 要 照 公 义，

15b　　　Sim chèng-ti̍t ê lâng beh lóng tè I .
　　　　　心 正 直 的 人 要 拢 跟 他。

16a　Siáⁿ-lâng beh ūi góa khí--lâi kong-kek pháiⁿ-lâng?
　　　谁 人 要 为 我 起 来 攻 击 歹 人 ？

16b　　　Siáⁿ-lâng beh ūi góa khiā--khí-lâi kong-kek kiâⁿ chōe-ok ê lâng?
　　　　　谁 人 要 为 我 立 起 来 攻 击 行 罪 恶 的 人？

17a　Nā m̄-sī Iâ-hô-hoa pang-chān góa pêng-an ,
　　　若 不 是 耶 和 华 帮 助 我 平 安，

17b　　　Chiū góa ê sîn-hûn khoài-khoài tiàm tī léng-chēng ê tiong-kan.
　　　　　就 我 的 神 魂 快 快 站 在 冷 静 的 中 间。

18a　Góa kóng, góa ê kha tio̍h-tak peh bōe khí--lâi ,
　　　我 讲， 我 的 脚 着 触 爬 不 起 来，

18b　　　Iâ-hô-hoa ah , hit-sî Lí ê chû-ài hû-chhî góa khí--lâi .
　　　　　耶 和 华 啊，彼 时 你 的 慈 爱 扶 持 我 起 来。

19a　Góa ê sim chōe-chōe iu-būn khòa-lū bô hí-lo̍k,
　　　我 的 心 多 多 忧 闷 挂 虑 无 喜 乐，

19b　　　Lí ê an-ùi chiū hō͘ góa ê sim-sîn khoài-lo̍k.
　　　　　你 的 安 慰 就 使 我 的 心 神 快 乐。

20a　Kan-ok ê ông chō-ūi khò-sè ,
　　　奸 恶 的 王 坐 位 靠 势，
　　ká-chià lu̍t-lē , kè-bô͘ chân-hāi--ê ,
　　　假 借 律 例，计 谋 残 害 的，

20b　　　Kiám ōe kap Lí kau-thong hó-sè ?
　　　　　岂 会 与 你 交 通 好 势？

21a　In tāi-ke chū-chi̍p, kong-kek gī-lâng ê sìⁿ-miā;
　　　伊 大 家 聚 集， 攻 击 义 人 的 性 命；

21b　　　Chiong bô-chōe ê lâng tēng sí-chōe beh hāi-miā.
　　　　　将　　无 罪 的 人 定 死 罪 要 害 命。

22a　Chóng-sī Iâ-hô-hoa pêng-sî chòe góa ê koân-tâi ;
　　　总 是 耶 和 华 平 时 做 我 的 高 台；

22b　　　Góa ê Siōng-tè chòe góa tô-siám ê chio̍h-pôaⁿ chiū chū-chāi.
　　　　　我 的 上 帝 做 我 逃 闪 的 石 磐 就 自 在。

23a　Chú hō͘ in ê chōe-ok kui tī in ê sin-chiūⁿ bô kiám khin,
　　　主 使 伊 的 罪 恶 归 在 伊 的 身 上 无 减 轻，

23b　　　In tī kiâⁿ-pháiⁿ ê sî , I beh châu-bia̍t in ;
　　　　　伊 在 行 歹 的 时，他 要 剿 灭 伊；

　　　　IÂ-HÔ-HOA LÁⁿ Ê SIŌNG-TÈ BEH CHÂU-BIA̍T Iⁿ.
　　　　　耶 和 华 咱 的 上 帝 要 剿 灭 伊。