《林茂生博士论文》

 | | | 转寄

前言

作者 英语：林茂生,华语：林咏梅, 台语：林俊育 2017.08.13

福尔摩沙kah附近ê大陆相厝边，tī地图顶面kan-taⁿ是一个小点， m̄-koh，它是日本拥有siōng重要ê殖民地之一。Chit-ê岛屿tī地图顶面ê形状，hō͘人感觉是tī大涌ê太平洋里ê一台细台船á。亲像船需要一位有智慧、有远见ê舵手去导航，chit-ê岛屿指望一位睿（jōe）智kah开明ê领导者去引chhōa它ê前途。日本tī chit岛屿上头pái ê殖民实验是m̄是成功，是一个真重要ê关键，m̄-nā影响它担当远东ê主导权，同时mā影响四百万岛民无限ê前 途。

Tī西元1895年，日本占领台湾ê时，发见chit-ê岛屿ê 情况不比她本国tī明治维新以前好gōa少。日本用一代加一点á ê时间现代化她本国ê经验，来全力从事现代化chit-ê岛屿。 她已经尽力建立法律kah秩序、利便交通、繁荣经济、提升生活水准，以及良好ê卫生环境，她已经成功ā。今续落来ê工 作是啥物？是教育ê问题。事实上，甚至对她真严厉ê 批评者mā无法度否认日本已经完成一项真艰难ê工作，to̍h是普及化教育制度ê建立，这是台湾史上前所未有ê，m̄-koh，tī chit-ê过程中，犹原遇tio̍h所有殖民强权所面临ê一般问题，以及属tī殖民地ê特殊问题。因为这是东方人治理东方人ê日本统治下独有特殊ê例。

「教育是国家ê百年大计」是日本人ê一句成语，大意 to̍h是「教育是一个国家长年ê大基石」。以三十四年ê时间 来批判日本ê教育实验ê功、过，可能是siuⁿ早，m̄-koh，试探来保留并重新评估chit段实验时期ê记录，对将来ê改善kah进步所有ê意义，是无嫌siuⁿ短，而且是值得做ê。所以，笔者ê目的是beh来探讨台湾ê发展，并绍介日本tī教育上努力ê重要因素；并对有关ê一kóa问题，提出有效果ê分析kah背后ê原因；koh加上一kóa建设性ê批评，来期待望实现皇室 对khiā起tī chit-ê岛上ê两个民族「tī文化发展上koh khah合作」ê理想。

M̄-koh，chit项工作只不过是一个开始。Chit项工作范围hiah-ni̍h广泛（hoat），而且问题koh hiah-ni̍h普遍，达到每一个个（kò）别ê论点lóng kah-ná值得成做一篇论文。根据chit点以及重要资料来源ê无容易，笔者认为目前ê工作并m̄是完成，却是koh khah长远、koh khah详细ê研究ê开端，相信chit项工作会占领伊ê余生。

笔者tī chia ài beh向门罗教授（Professor Paul Monroe )、康德尔教授（Professor I. L. Kandel )，以及威尔逊教授 (Professor L. M. Wilson)表达深深ê感谢，因为tī chit项工作ê准备过程中，in hō͘ 我in ê宝贵建议kah批评，以及in友善ê关怀。Tī伊ê研究初期，康之博士（Dr. G.S. Counts）kah 克伯崔刻博士（Dr. W. H. Kilpatrick）两位，hō͘ 我亲切ê援助kah鼓励；遗憾ê是，当伊teh beh完成chit本册ê时，chit两位tú好出国，soah无法度得益in ê批评。康之博士对chit份研究工作ê组织kah资料ê来源，bat hō͘ 我真chē有益ê建议。笔者mā一 并beh向tī台湾ê朋友表示衷心ê感谢，如罗万俥、王金海、 胡丙申，以及田中（T. Tanaka）列位先生，因为in tī收集资料上有bē-tàng欠缺ê帮助。