巴克礼普世版(试读本) 使徒行传第一章
1敬 爱ê提阿非罗大人,tī我写ê头 一本册,有 将耶稣tùi起 头所做kah所教示ê tāi-chì,2一直到他通 过圣 神ê大 能,教示所 拣 选ê使徒了 后,他受 接上 天ê日。3耶稣受害了 后,有用真chē证 据显 明他teh活。Tī四 十 日ê中 间,他显 现hō͘使徒看,对in讲 起上 主 国 度ê tāi-chì。4耶稣kah使徒做伙ê时,吩 咐in,讲:「M̄-thang离开耶路撒 冷,照我前kā lín讲ê,tio̍h thèng候天父ê应允。5约 翰用 水kā人洗礼,m̄-koh koh无几日,lín会受 圣 神ê洗礼。」
耶稣受 接上 天
6使徒kah耶稣聚 集ê时,问 讲:「主ah,祢beh tī chit-má回 复以色列ê王 国是无?」7耶稣应 讲:「天父决 定家己权 柄ê时间kah机会,m̄是lín ē-tàng知.ê。8 M̄-koh圣 神临 到lín ê时,lín会得tio̍h能 力,tī耶路撒 冷、犹太全 地kah撒玛利亚,直到天边 海 角,为我来做 见 证。」9 Chiah-ê话讲soah,in teh看ê时,耶稣受 接上 天。有云接他去,in就无 看 见他。10 In iáu-teh注 目 看耶稣上 天ê时,忽 然有两个穿白 衫ê人khiā tī in身边,11讲:「加利利人ah,lín ná会khiā tī chia teh看天?Chit位离开lín受 接上 天ê耶稣,lín看他án-ne上 天,他mā会 照án-ne koh来。」
取 代犹大ê职 务
12然 后hiah-ê使徒tùi hit-ê叫 做橄榄 山ê所 在,tńg去耶路撒 冷。Chit-ê所 在离耶路撒 冷约一 公里,是安息 日会得行ê路 站。13 In入城了 后,就peh起lih in tòa ê楼 顶大 厅。Tī hia有彼得、约 翰、雅 各、安得烈、腓力kah多马,巴多罗买kah马 太,A-le̍k-hui ê kiáⁿ雅 各kah Se-lô-tí ê西门,kah雅 各ê kiáⁿ犹大。14 Chiah-ê人kah几nā个妇人 人,以及耶稣ê老母马利亚,chham他ê兄弟,lóng同 心 合意迫 切祈祷。15无几日后,差 不多一 百 二十人ê信徒teh聚 集ê时,彼得khiā起来讲:16兄弟 姊 妹ah,圣 神通 过大卫ê嘴所预言,关 系犹大chhōa人掠耶稣ê tāi-chì一定tio̍h应 验。17犹大本 来是阮中 间ê一个,koh有份kah阮做伙工 作。18 Taⁿ chit-ê人用伊做 不义ê tāi-chì所 得tio̍h ê工 钱买一块地,伊倒 头 栽死tī hia,腹肚爆 裂,肠á-tō͘ lóng流 出 来。19 Tòa tī耶路撒 冷ê人lóng知chit项tāi-chì,所以照in ê话kā hit块地叫 做A-kek-tāi-má,就是『血 园』ê意思。20因为诗 篇有记载:Hō͘伊ê厝抛 荒,无 人tī hia tòa。(注:诗69:25) Koh有记载:Tio̍h hō͘别 人来代替伊ê职 务。(注:诗109:8) 21「所以tio̍h tī头到 尾kah咱 做伙ê人中 间,选一个来kah阮tàu阵做耶稣koh活ê见 证 人。22 Hit-ê人tio̍h tùi约 翰行洗礼开始,到耶稣离开咱受 接hit日,lóng有常 常kah阮做 阵ê人。」23 In就提 名两 人,就是叫 做Pa-sat-pa mā叫 做Iû-sū-to͘ ê约 瑟,koh一个是马提亚。24就祈祷,讲:「主ah,祢知ta̍k人ê心,求祢指示chit两 人中 间tó一个是祢拣 选ê,25 beh来担 当使徒ê职 份,因为犹大放 弃chit-ê职 份,去 行伊家己ê路。」26然 后in拈阄拈tio̍h马提亚。伊就加入十一个使徒ê行 列。