巴克礼普世版(试读本) 约翰福音第十九章
1然 后,彼拉多叫人kā耶稣chhōa出 去用鞭phah。2 Hiah-ê兵-á用 刺á辫做一 顶冕 旒,kā它戴tī耶稣ê头 壳,koh kā他moa一 领紫 色ê长 袍。3 In来到耶稣ê面 前,讲:「犹 太 人ê王,平 安!」Koh再siàn耶稣ê嘴phóe。4彼拉多koh出 去外 面kā in讲:「Lín看,我chhōa他出 来hō͘ lín,hō͘ lín知我查 了结 果,他无 罪。」5耶稣戴刺á ê冕 旒,moa紫 色ê长 袍,出 来外 面。彼拉多kā in讲:「Lín看,chit-ê人tī chia!」6祭司长kah圣 殿ê警 卫,看tio̍h耶稣就大 声hoah:「Kā他钉十字架!Kā他钉十字架!」彼拉多kā in讲:「Lín家己chhōa他去 钉,因为我chhōe无理由kā他定 罪。」7 Hiah-ê犹 太 人应 讲:「阮有律 法,照 律 法他应 该死,因为他自 称家己是上 主ê Kiáⁿ。」8彼拉多听tio̍h in án-ne讲就koh-khah惊。9伊koh入去总 督 府问耶稣讲:「祢tùi tó位来?」M̄-koh耶稣无应。10彼拉多kā他讲:「祢m̄ kā我 讲ho͘h?祢Kám m̄知我有权thang放祢,mā有权kā祢钉十字架?」11耶稣应 讲:「若m̄是上 主赐你权 柄,你无 权thang办我,所以将我交hō͘你ê人,伊ê罪koh-khah重。」12彼拉多听tio̍h chiah-ê话,就jú想beh放耶稣,m̄-koh hiah-ê犹 太 人koh大 声hoah:「你若放chit-ê人,就m̄是罗马皇 帝ê朋 友,因为若封家己做 王,就是背 叛罗马皇 帝。」13彼拉多听tio̍h chiah-ê话,就chhōa耶稣出 来,家己坐tī审 判 席。Hit-ê所 在叫 做「铺 石 地」。希伯来话叫 做「Lek-pa-tāi」。14 Hit日是Pôaⁿ过 节ê前 一 日,差 不多中 昼ê时。彼拉多对hiah-ê犹 太 人讲:「Lín看,这是lín ê王!」15 In大 声hoah:「Hō͘他死!Hō͘他死!Kā他钉十字架。」彼拉多kā in讲:「Lín ài我kā lín ê王钉十字架是无?」Chiah-ê祭司长应 讲:「罗马皇 帝以外,阮无王。」
耶稣Hông钉十字架 (太7:32-44;可15:21-32;路23:26-43)
16然 后,彼拉多将耶稣交hō͘ in去 钉十字架。In就kā耶稣押去。17耶稣giâ家己ê十字架出 去,来到一个叫 做「头 壳 碗」ê所 在。希伯来话叫 做「各 各 他」。18 In tī hia kā耶稣钉十字架,koh有两 人kah他做伙钉,一pêng一个,耶稣tī中 央。19彼拉多写一块罪 状hē tī十字架 顶 面,写 讲:「拿撒勒 人耶稣,犹 太 人ê王。」20耶稣受 钉ê所 在近óa耶路撒冷 城,所以有真chē犹 太 人读tio̍h chit-ê罪 状。Hit-ê罪 状koh是用希伯来 文、拉 丁 文、希 腊 文写.ê。21犹 太 人hiah-ê祭司长kā彼拉多讲:「M̄-thang写:『犹 太 人ê王』。Tio̍h写:『伊家己讲:我是犹 太 人ê王。』」22彼拉多应 讲:「我写落去就好à。」23兵á kā耶稣钉十字架了 后,the̍h他ê外 袍来分 做四份,一 人一 份。In koh the̍h他ê内衫,chit领内衫无kap-chōa,是顶下相 透织 做一块。24 In做伙参 详讲:「M̄-thang拆 裂,咱tio̍h来拈阄,看 啥 人得tio̍h kui领。」这是beh应 验圣 经所 讲:In做伙分我ê外 袍,为tio̍h我ê内衫来拈阄。(注:诗22:18)兵á果 然照án-ne做。25耶稣ê老母,他ê阿姨,Kek-liû-pa ê bó͘马利亚,kah抹 大 拉ê马利亚lóng khiā tī耶稣ê十字架边。26耶稣看tio̍h老母kah所 疼ê门徒khiā tī边á,就 对老母讲:「阿母ah,看,你ê kiáⁿ!」27 Koh对hit-ê门徒讲:「看,你ê老母!」Tùi hit时起,hit-ê门徒就kā耶稣ê老母接tńg去in tau。
耶稣ê死 亡 (太27:45-56;可15:33-41;路23:44-49)
28 Chit-ê tāi-chì以后,耶稣知一 切ê tāi-chì lóng完 成ā。为tio̍h beh应 验圣 经ê话就 讲:「我嘴 干。」29 Tī hia有一个贮满酸 醋ê瓶,in就the̍h海绵浸醋,缚tòa牛 漆 草尾,tu去 到耶稣ê嘴。30耶稣tam醋了 后,就 讲:「Taⁿ一 切lóng完 成ā。」Án-ne讲soah,头就tàm落去,气断。
耶稣ê胸 坎 边受 凿
31 Hit日是拜五,犹 太 人无ài tī隔tńg日ê大安息 日,留身尸tī十字架 顶,所以in求彼拉多叫人kòng断受 刑 人ê脚 骨,thang kā身尸收 落来。32就 去,将kah耶稣做伙钉十字架hit两 人ê脚 骨kòng断。33来到耶稣hia,看tio̍h他已经死,就 无kòng断他ê脚 骨。34 M̄-koh有一个兵用 枪凿耶稣ê胸 坎 边,血kah水随时流 出 来。35亲 目看 见ê人已经有做 见 证,是beh hō͘人相 信。他家己知chit-ê见 证是真,他所 讲ê lóng是事实。36 Chit-ê tāi-chì ê完 成是beh应 验圣 经所 讲:他ê骨无一支会hō͘人phah碎。(注:出12:46) 37 Koh有另 外一 句圣 经讲:人会仰 望in所凿ê人。(注:亚12:10)
耶稣ê埋 葬 (太27:56-61;可15:42-47;路23:50-56)
38 Chiah-ê tāi-chì了 后,有一个A-lī-má-thài-人约 瑟。他因为惊犹 太 人chiah偷 偷á做门徒。他来求彼拉多准伊去收耶稣ê身尸。彼拉多允 准。约 瑟就 去收耶稣ê身尸。39 Koh有前bat暗时来见耶稣ê尼哥底某mā来,伊带差 不多三 十公 斤ê没 药chhiau沉 香ê芳 料来。40 In两 人将耶稣ê身尸收 落来。照犹 太 人埋 葬ê惯 例kā身尸抹芳 料,koh用幼苎布包 起来。41耶稣钉十字架ê所 在有一 丘园,园内有一个iáu m̄-bat葬 过人ê新 墓。42 Hit日是犹 太 人准 备节ê日,墓koh无远,in就kā耶稣埋 葬tī hia。