巴克礼普世版(试读本) 约翰福音第十六章
「我kā lín讲chiah-ê tāi-chì,是beh hō͘ lín ê信 心bē起摇动。2世 间 人会kā lín赶 出会 堂。时teh-beh到,hiah-ê想beh thâi lín ê人,lóng会想 讲in teh服 事上 主。3 In会做chiah-ê tāi-chì是因为in m̄-bat天父,mā m̄-bat我。4 M̄-koh我有kā lín讲chiah-ê tāi-chì,是beh hō͘ lín到时thang记得,我bat kā lín讲。」
圣 神ê工 作
「我无tùi起 头kā lín讲chiah-ê tāi-chì,是因为我iáu kah lín做伙。5 Taⁿ我teh-beh tńg去差 派我来ê Hit位hia,lín中 间无 人问我,讲:『祢beh去tó位?』6我kā lín讲chiah-ê tāi-chì了 后,lín soah满 心忧闷。7 M̄-koh我tio̍h将实 情kā lín讲,我 去是对lín有利益。我若无去,Hit位保惠师就bē来lín chia;我若去,就会差他来lín chia。8圣 神来ê时,会kā世 间 人指 正in对罪、对义、对审 判ê错 误观 念。9对罪,因为in m̄信 我;10对义,因为我teh-beh tńg去天父hia,lín bē koh看tio̍h我;11对审 判,因为chit世间ê统 治 者已经受 审 判。12「我iáu有真chē项tāi-chì beh kā lín讲,m̄-koh lín chit-má iáu bē-tàng了 解。13真理ê圣 神来ê时,他会chhōa lín了 解一 切ê真理。他m̄是照 家己ê意思来 讲,是将他所听tio̍h.ê来 讲,mā会 将未来ê tāi-chì报lín知。14他会kā荣 光归hō͘我,因为他会 将tùi我所领受.ê传 报hō͘ lín。15天父所有ê一 切lóng是我ê,所以我chiah讲:圣 神会 将tùi我所领受ê真理传 报hō͘ lín。」
忧闷Kah欢 喜
16 Koh无jōa久,lín就bē-tàng看tio̍h我,koh再无jōa久,lín就会koh看tio̍h我。」17有几nā个门徒互 相讲:「他kā咱讲:『Koh无jōa久,lín就bē-tàng看tio̍h我,koh再无jōa久,lín就会koh看tio̍h我。』Koh讲:『因为我teh-beh tńg去天父hia。』 Chiah-ê话是甚 么意思?」18所以in一直问:「他所 讲ê『Koh无jōa久。』是甚 么意思?咱m̄知他teh讲甚 么。」19耶稣知in ài beh问他,就kā in讲:「Lín因为我 讲:『Koh无jōa久,lín就bē-tàng看tio̍h我,koh再无jōa久,lín就会koh看tio̍h我。』teh问 来问 去是无?20我实 在kā lín讲,lín会啼 哭哀 伤,m̄-koh世 间 人会欢 喜。Lín会忧闷,m̄-koh lín ê忧闷beh变 做欢 喜。21妇人 人beh生kiáⁿ就忧闷,因为她ê产期到à,m̄-koh婴á出 世了 后,无koh记得生kiáⁿ ê痛 苦,因为她会欢 喜有婴á出 世tī世间。22亲 像án-ne,lín chit-má有忧闷,m̄-koh我会koh见tio̍h lín,lín ê心就会欢 喜,无 人ē-tàng kā lín ê欢 喜抢 去。」23「到hit日,lín bē koh问我甚 么。我实 在kā lín讲,lín奉 我ê名对天父所求ê,他lóng会赏赐hō͘ lín。24 Lín到taⁿ iáu m̄-bat奉 我ê名求 甚 么。Lín tio̍h求,就会得tio̍h,hō͘ lín ê欢 喜满 满。」
赢 过世间
25「Chiah-ê tāi-chì我lóng用 譬喻kā lín讲 过à。时teh-beh到,我无koh再用 譬喻kā lín讲,我beh明 确对lín讲 起天父ê tāi-chì。26 Hit-ê日若到,lín tio̍h奉 我ê名祈求。我无kā lín讲,我beh替lín tùi天父恳 求。27天父本 身to̍h疼lín,是因为lín有疼我,koh有信我是tùi天父hia来.ê。28我tùi天父hia出 来,来到世间。Taⁿ koh beh离开世间,tńg去天父hia。」29门徒问 讲:「Taⁿ祢明 确对阮 讲,m̄是用 譬喻。30 Taⁿ阮 知祢无所不知,m̄免人kā祢问,因为án-ne,阮信祢是tùi上 主hia来.ê。」31耶稣问 讲:「Taⁿ lín有信无?32时teh-beh到,其实已经 到à。Lín会四散,ta̍k人tńg去家己ê所 在,放我家己一个,m̄-koh我m̄是家己一个,因为有天父kah我同 在。33我 已经将chiah-ê tāi-chì kā lín讲,是beh hō͘ lín tī我ê内面有平 安。Lín tī世间会有苦 难,m̄-koh lín thang放 心,我 已经赢 过世间。」