巴克礼普世版（试读本） 约翰福音第十五章
耶稣是真ê葡萄 树
1「我是真ê葡萄 树，我ê天父是栽葡萄ê人。2连tī我ê枝无结 果 子.ê，他就kā它剪 除；有结 果 子ê枝，他就kā它修 剪，hō͘它结koh khah-chē果 子。3 Taⁿ因为lín接 受我所kā lín讲ê道理，lín已经hō͘他修 整好势à。4 Lín tio̍h kah我结 联，我mā kah lín结 联。Tú亲 像枝无连tī葡萄 树，家己bē结 果 子。Lín若无kah我结 联，mā是会án-ne。」5我就是葡萄 树，lín就是枝；tiàm tī我内面ê，我mā tiàm tī伊ê内面，就结 果 子真chē，因为kah我相离，lín就bē做 甚 么。6人若无kah我结 联，会像树 枝hō͘人hiat去外 面soah干去。人kā in拾做堆，hiat落 火去烧。7 Lín若kah我结 联，我ê话tī lín内面，lín ài甚 么，求就会kā lín成 全。8 Lín若结真chē果 子，真 正做我ê门徒，我ê天父会因为án-ne得tio̍h荣 光。9亲 像天父有疼我，我mā有疼lín，lín tio̍h tiàm tī我ê疼内面。10 Lín若遵 守我ê诫 命，lín就会tiàm tī我ê疼内面；亲 像我有遵 守我ê天父ê诫 命，tiàm tī他ê疼内面。」11「我kā lín讲chiah-ê tāi-chì，是beh hō͘我ê欢 喜tiàm tī lín内面，koh hō͘ lín ê欢 喜满 满。12亲 像我有疼lín，lín tio̍h相 疼。这是我ê命 令。13人 为tio̍h朋 友牺 牲性 命，无koh有比这khah大ê疼。14 Lín若遵 守我ê命 令，lín就是我ê朋 友。15我无koh叫lín做 奴仆，因为奴仆m̄知主 人teh做 甚 么。Taⁿ我 已经叫lín做 朋 友，因为我tùi天父所听tio̍h.ê，lóng有kā lín讲à。16 M̄是lín拣 选我，是我拣 选lín，mā任 命lín，hō͘ lín去结 果 子，koh hō͘ lín ê果 子久长保 存，án-ne hō͘ lín会-tàng奉 我ê名来对天父求，他lóng会kā lín成 全。17这是我hō͘ lín ê命 令，Lín tio̍h相 疼。」
世 间 人ê怨 恨
18「世 间 人若怨 恨lín，lín tio̍h知伊怨 恨lín以 前to̍h tāi-先怨 恨我。19 Lín若属chit世间，世 间 人就会看lín做家己ê人来 疼lín，m̄-koh我 已经kā lín tùi世间拣 选出 来，所以世 间 人会怨 恨lín。20 Lín tio̍h记tiâu我kā lín讲ê话：奴仆bē比主 人khah大。人 若迫 害我，mā会迫 害lín；in若遵 守我ê话，mā会遵 守lín ê话。21 M̄-koh因为lín是我ê门徒，in就会án-ne对 待lín，因为in m̄-bat差 派我来ê Hit位。22我若无来kā in讲，就无 罪，taⁿ in无法 度为家己ê罪来辩 解。23怨 恨我ê人mā会怨 恨我ê天父。24我tī in中 间若无做别 人m̄-bat做ê tāi-chì，in就无 罪，m̄-koh taⁿ in有 看tio̍h我所做ê工 作，iáu-koh teh怨 恨我kah天父。25这是beh应 验in ê律 法所记载ê话：In无缘无故怨 恨我。(注：诗35：19；69：4) 26 Hit位保惠师，就是真理ê圣 神，会tùi天父hia来lín chia。我tùi天父hia chhe圣 神来lín chia，是beh为我做 见 证。27 Lín mā tio̍h为我做 见 证，因为lín tùi起 头to̍h kah我做伙。」
|
|
|
转寄