《巴克礼普世版圣经「汉罗+Ruby」试读本》

 | | | 转寄

巴克礼普世版（试读本） 约翰福音第八章

作者 巴克礼普世版小组 2013.11.24

犯 奸 淫(hoān kan-îm)ê Cha-bó͘人(lâng)
1众 人(chèng-lâng)lóng tńg去(khì)in tau，m̄-koh耶稣(iâ-so͘)去(khì)橄榄 山(kan-ná-soaⁿ)。2隔(keh)tńg早 起(chá-khí)透 早(thàu-chá)，耶稣(iâ-so͘)koh去 圣 殿(khì sèng-tiān)，群 众(kûn-chiòng)lóng来(lâi)他(i)hia，他(i)就(chiū)坐 落来(chē lo̍h-lâi)kā in教示(kà-sī)。3经 学 教 师(keng-ha̍k kàu-su)kah法 利赛 派(hoat-lī-sài-phài)ê人(lâng)chhōa一个(chi̍t-ê)cha-bó͘人(lâng)来(lâi)，她(i)teh行 奸 淫(kiâⁿ kan-îm)ê时(sî)hō͘人(lâng)掠(lia̍h)tio̍h，in hō͘她(i)khiā tī中 央(tiong-ng)，4 In就(chiū)对耶稣(tùi iâ-so͘)讲(kóng)：「老师(lāu-su)，chit-ê cha-bó͘人(lâng)是(sī)tú-teh行 奸 淫(kiâⁿ kan-îm)ê时(sî)hō͘人(lâng)掠(lia̍h)tio̍h。5摩西(mô͘-se)ê律 法(lu̍t-hoat)命 令(bēng-lēng)咱(lán)，tio̍h用 石 头(ēng chio̍h-thâu)kā chit种(chióng)cha-bó͘人(lâng)tìm死(sí)，taⁿ祢(lí)想(siūⁿ)án怎(chóaⁿ)？」6 In讲(kóng)án-ne是(sī)beh试 探(chhì-thàm)耶稣(iâ-so͘)，ài-beh chhōe孔 缝(khang-phāng)kā他(i)告(kò)。耶稣(iâ-so͘)就(chiū)àⁿ落去(lo̍h-khì)，用(ēng)指 头(chéng-thâu)á tī土 脚(thô͘-kha)写字(siá-jī)。7 M̄-koh in一直(it-ti̍t)问(mn̄g)bē soah。耶稣(iâ-so͘)就(chiū)khiā起来(khí-lâi)对(tùi)in讲(kóng)：「Lín中 间(tiong-kan)无 罪(bô-chōe)ê人(lâng)thang seng用 石 头(ēng chio̍h-thâu)kā她(i)tìm。」8耶稣(iâ-so͘)koh àⁿ落去(lo̍h-khì)，用(ēng)指 头(chéng-thâu)á tī土 脚(thô͘-kha)写字(siá-jī)。9 In听(thiaⁿ)tio̍h chiah-ê话(ōe)了 后(liáu-āu)，tùi老(lāu).ê到(kàu)少 年(siàu-liân).ê，一个(chi̍t-ê)一个(chi̍t-ê)溜 出 去(liu chhut-khì)，chhun耶稣(iâ-so͘)家己(ka-kī)一个(chi̍t-ê)留(lâu)tī hia。Hit-ê cha-bo͘人(lâng)犹 原(iû-goân)khiā tī中 央(tiong-ng)。10耶稣(iâ-so͘)khiā起来(khí-lâi)kā伊(i)讲(kóng)：「Cha-bó͘人(lâng)ah，in hiah-ê人(lâng)去(khì)tī tó位(ūi)？无 人(bô-lâng)kā你(lí)定 罪(tēng-chōe)是无(sī-bô)？」11 Cha-bó͘人(lâng)应 讲(ìn-kóng)：「先 生(sian-siⁿ)ah，无 半 人(bô pòaⁿ-lâng)。」耶稣(iâ-so͘)讲(kóng)：「我(góa)mā无(bô)beh kā你(lí)定 罪(tēng-chōe)，你(lí)thang tńg去(khì)，taⁿ以后(í-āu)m̄-thang koh犯 罪(hoān-chōe)。」

耶稣(iâ-so͘)是(sī)世间(sè-kan)ê光(kng)
12耶稣(iâ-so͘)koh对(tùi)群 众(kûn-chiòng)讲(kóng)：「我是(góa sī)世间(sè-kan)ê光(kng)，tòe我(góa)ê人(lâng)无(bô)tī乌暗 中(o͘-àm-tiong)生 活(seng-oa̍h)，颠倒(tian-tò)会(ē)有活 命(ū oa̍h-miā)ê光(kng)。」13法 利赛 派(hoat-lī-sài-phài)ê人 就(lâng chiū)kā他(i)讲(kóng)：「你(lí)teh为家己(ūi ka-kī)做 见 证(chò kiàn-chèng)，祢(lí)ê见 证(kiàn-chèng)无效(bô-hāu)。」14耶稣(iâ-so͘)应 讲(ìn-kóng)：「我(góa)虽 然(sui-jiân)为家己(ūi ka-kī)做 见 证(chò kiàn-chèng)，我(góa)ê见 证(kiàn-chèng)mā是(sī)有效(ū-hāu)，因为(in-ūi)我 知(góa chai)家己(ka-kī)tùi tó位(ūi)来(lâi)，beh去(khì)tó位(ūi)。Lín m̄知(chai)我(góa)tùi tó位(ūi)来(lâi)，beh去(khì)tó位(ūi)。15 Lín用(ēng)人(lâng)ê标 准(phiau-chún)判 断 人(phòaⁿ-toàn lâng)，我无(góa bô)kā人(lâng)判 断(phòaⁿ-toàn)。16我若(góa nā)判 断 人(phòaⁿ-toàn lâng)，我(góa)ê判 断(phòaⁿ-toàn)是(sī)正 确(chèng-khak)ê，因为(in-ūi)我(góa)m̄是(sī)家己(ka-kī)teh审 判(sím-phòaⁿ)，是(sī)差 派(chhe-phài)我来(góa lâi)ê天父(thiⁿ-pē)kah我(góa)做(chò)伙(hóe)审 判(sím-phòaⁿ)。17 Koh讲(kóng)照(chiàu)lín ê律 法(lu̍t-hoat)ê记载(kì-chài)，有两 人(ū nn̄g-lâng)ê见 证(kiàn-chèng)就有效(chiū ū-hāu)。18我(góa)为家己(ūi ka-kī)做 见 证(chò kiàn-chèng)，差 派(chhe-phài)我来(góa lâi)ê天父(thiⁿ-pē)mā为我(ūi góa)做 见 证(chò kiàn-chèng)。」19 In就(chiū)问耶稣(mn̄g iâ-so͘)讲(kóng)：「祢(lí)ê天父(thiⁿ-pē)tī tó位(ūi)？」耶稣(iâ-so͘)应 讲(ìn-kóng)：「Lín m̄-bat我(góa)，mā m̄-bat我(góa)ê天父(thiⁿ-pē)。Lín若(nā)bat我(góa)，mā会(ē)bat我(góa)ê天父(thiⁿ-pē)。」20耶稣(iâ-so͘)tī圣 殿(sèng-tiān)教示人(kà-sī lâng)，tī奉 献 箱(hōng-hiàn-siuⁿ)ê边(piⁿ)á讲(kóng)chiah-ê话(ōe)，m̄-koh无 人(bô-lâng)kā他(i)掠(lia̍h)，因为(in-ūi)他(i)ê时(sî)iáu未 到(bōe kàu)。

我(góa)Beh去(khì)ê所 在(só͘-chāi)Lín Bē-tàng去(khì)
21耶稣(iâ-so͘)koh kā in讲(kóng)：「我(góa)beh离开(lī-khui)à，lín会(ē)chhōe我(góa)，m̄-koh lín会为(ē ūi)tio̍h家己(ka-kī)ê罪(chōe)来死(lâi sí)。我 去(góa khì)ê所 在(só͘-chāi)，lín bē-tàng去(khì)。」22 Hiah-ê犹 太 人(iû-thài-lâng)讲(kóng)：「他(i)讲(kóng)：『我 去(góa khì)ê所 在(só͘-chāi)，lín bē-tàng去(khì)。』Kám讲(kóng)他(i)beh去(khì)自 杀(chū-sat)？」23耶稣(iâ-so͘)kā in讲(kóng)：「Lín是(sī)tùi下面(ē-bīn)来(lâi)，我是(góa sī)tùi顶 面(téng-bīn)来(lâi)。Lín是属(sī sio̍k)tī chit世间(sè-kan)，我(góa)无属(bô sio̍k)chit世间(sè-kan)。24所以(só͘-í)我(góa)chiah kā lín讲(kóng)，lín会为(ē ūi)tio̍h家己(ka-kī)ê罪(chōe)来死(lâi sí)，因为(in-ūi)lín若(nā)m̄信 我(sìn góa)就是(chiū-sī)Hit位(ūi)，lín会死(ē- sí)tī lín ê罪 恶 中(chōe-ok tiong)。」25 In就(chiū)问耶稣(mn̄g iâ-so͘)：「祢(lí)是啥 人(sī siáⁿ-lâng)？」耶稣(iâ-so͘)应 讲(ìn-kóng)：「我(góa)tùi起 头(khí-thâu)to̍h kā lín讲 过(kóng-kòe)à。26关 系(koan-hē)lín ê tāi-chì，我有(góa ū)真(chin)chē thang讲(kóng)：thang kā lín定 罪(tēng-chōe)，m̄-koh差 派(chhe-phài)我来(góa lâi)Hit位(ūi)是真实(sī chin-si̍t)，我(góa)kā tùi他(i)所听(só͘ thiaⁿ)tio̍h ê传(thoân)hō͘世 间 人(sè-kan-lâng)。」27 In无(bô)了 解(liáu-kái)耶稣(iâ-so͘)对(tùi)in讲(kóng)ê是(sī)teh指(chí)天父(thiⁿ-pē)。28所以(só͘-í)耶稣(iâ-so͘)kā in讲(kóng)：「Lín举起(kú-khí)人 子(jîn-chú)ê时(sî)，就 知(chiū chai)我是(góa sī)Hit位(ūi)。我(góa)所做(só͘ chò)ê tāi-chì无 一 项(bô chi̍t-hāng)是(sī)照 家己(chiàu ka-kī)ê意思(ì-sù)，lóng是 照(sī chiàu)天父(thiⁿ-pē)教示(kà-sī)我(góa)ê来 讲(lâi kóng)。29差 派(chhe-phài)我来(góa lâi)Hit位(ūi)kah我(góa)同 在(tông-chāi)，他(i)无 放(bô pàng)我家己(góa ka-kī)一个(chi̍t-ê)tī-teh，因为(in-ūi)我(góa)不时(put-sî)teh做(chò)他(i)所欢喜(só͘ hoaⁿ-hí)ê tāi-chì。」30耶稣(iâ-so͘)讲(kóng)chiah-ê话(ōe)ê时(sî)，有真(ū chin)chē人(lâng)信他(sìn i)。

自由(chū-iû)ê人(lâng)kah奴隶(lô͘-lē)
31耶稣(iâ-so͘)就 对(chiū tùi)信他(sìn i)ê犹 太 人(iû-thài-lâng)讲(kóng)：「Lín若(nā)常 常(siông-siông)遵 守(chun-siú)我(góa)ê道理(tō-lí)，就(chiū)真 正(chin-chiàⁿ)是我(sī góa)ê门徒(bûn-tô͘)。32 Lín会(ē)bat真理(chin-lí)，真理(chin-lí)会(ē)hō͘ lín得(tit)tio̍h自由(chū-iû)。」33 Hiah-ê人(lâng)应(ìn)他(i)讲(kóng)：「阮 是(goán sī)亚伯 拉罕(a-pek-la̍h-hán)ê kiáⁿ孙(sun)，从 来(chiông-lâi)m̄-bat做 人(chò-lâng)ê奴隶(lô͘-lē)，你(lí)ná会讲(ē kóng)：『Lín会得(ē tit)tio̍h自由(chū-iû)？』34耶稣(iâ-so͘)应 讲(ìn-kóng)：「我(góa)实 在(si̍t-chāi)kā lín讲(kóng)，犯 罪(hoān-chōe)ê人(lâng)就是(chiū-sī)罪(chōe)ê奴隶(lô͘-lē)。35奴隶(lô͘-lē)无(bô)永 远(éng-oán)属(sio̍k)tī主 人(chú-lâng)ê家 庭(ka-têng)，kiáⁿ就 永 远(chiū éng-oán)属(sio̍k)hit-ê家 庭(ka-têng)。36所以(só͘-í)上 主(siōng-chú)ê Kiáⁿ若(nā)hō͘ lín自由(chū-iû)，lín就(chiū)真 正(chin-chiàⁿ)自由(chū-iû)。37我 知(góa chai)lín是(sī)亚伯 拉罕(a-pek-la̍h-hán)ê kiáⁿ孙(sun)，m̄-koh lín想(siūⁿ)beh thâi我(góa)，因为(in-ūi)lín m̄接 受(chiap-siū)我(góa)ê道理(tō-lí)。38我是(góa sī)遵 照(chun-chiàu)我(góa)tùi天父(thiⁿ-pē)hia看(khòaⁿ)tio̍h-.ê来 讲(lâi kóng)，lín是(sī)对(tùi)lín ê父(pē)hia听(thiaⁿ)tio̍h-.ê来做(lâi chò)。」

39 Hiah-ê人(lâng)应(ìn)他(i)讲(kóng)：「阮(goán)ê祖 先(chó͘-sian)是(sī)亚伯 拉罕(a-pek-la̍h-hán)。」耶稣(iâ-so͘)kā in讲(kóng)：「Lín若是(nā-sī)亚伯 拉罕(a-pek-la̍h-hán)ê kiáⁿ孙(sun)，lín会做(ē chò)亚伯 拉罕(a-pek-la̍h-hán)所做(só͘ chò)ê tāi-chì。40 Taⁿ我(góa)将(chiong)tùi上 主(siōng-chú)所听(só͘ thiaⁿ)ê真理(chin-lí)来(lâi)kā lín讲(kóng)，lín soah beh thâi我(góa)。亚伯 拉罕(a-pek-la̍h-hán)并 无(pēng-bô)做(chò)chit款(khoán)tāi-chì。41 Lín是(sī)teh做(chò)lín ê父(pē)所做(só͘ chò)ê tāi-chì。」Hiah-ê人(lâng)应 讲(ìn-kóng)：「阮(goán)m̄是(sī)不义(put-gī)ê kiáⁿ儿(jî)，上 主(siōng-chú)是(sī)阮(goán)唯一(ûi-it)ê天父(thiⁿ-pē)。」42耶稣(iâ-so͘)kā in讲(kóng)：「上 主(siōng-chú)若(nā)真 正(chin-chiàⁿ)是(sī)lín ê天父(thiⁿ-pē)，lín会疼(ē thiàⁿ)我(góa)，因为(in-ūi)我是(góa sī)tùi上 主(siōng-chú)hia来(lâi).ê，chit-má tī chia。M̄是 照(sī chiàu)我家己(góa ka-kī)ê意思(ì-sù)来(lâi)，是(sī)上 主(siōng-chú)差 派(chhe-phài)我来(góa lâi).ê。43 Lín ná会(ē)bē明 白(bêng-pe̍k)我(góa)ê话(ōe)？是因为(sī in-ūi)我(góa)ê道理(tō-lí)lín听(thiaⁿ)bē入去(ji̍p-khì)。44 Lín ê父(pē)是魔 鬼(sī mô͘-kúi)，lín kan-taⁿ想(siūⁿ)beh实 行(si̍t-hêng)lín老父(lāu-pē)ê私欲(su-io̍k)。伊(i)自(chū)起 头(khí-thâu)to̍h是(sī)thâi人(lâng)ê凶 手(hiong-chhiú)，无 遵 守(bô chun-siú)真理(chin-lí)，因为(in-ūi)伊(i)心 内(sim-lāi)无真理(bô chin-lí)。讲 白 贼(kóng pe̍h-chha̍t)是(sī)伊(i)ê本 性(pún-sèng)，因为(in-ūi)伊是(i sī)讲 白 贼(kóng pe̍h-chha̍t)ê人(lâng)，mā是(sī)讲 白 贼(kóng pe̍h-chha̍t)ê老父(lāu-pē)。45因为(in-ūi)我 讲(góa kóng)真理(chin-lí)，lín m̄信 我(sìn góa)。46 Lín中 间(tiong-kan)啥 人(siáⁿ-lâng)ē-tàng指 责(chí-chek)我(góa)有罪(ū-chōe)？我(góa)若 讲(nā kóng)真理(chin-lí)，lín ná会(ē)m̄信 我(sìn góa)？47属(sio̍k)上 主(siōng-chú)ê人(lâng)听(thiaⁿ)上 主(siōng-chú)ê话(ōe)，lín m̄听(thiaⁿ)，因为(in-ūi)lín m̄是属(sī sio̍k)上 主(siōng-chú)ê人(lâng)。」

耶稣(iâ-so͘)kah亚伯 拉罕(a-pek-la̍h-hán) 48 Hiah-ê犹 太 人(iû-thài-lâng)应耶稣(ìn iâ-so͘)讲(kóng)：「阮 讲(goán kóng)祢(lí)是(sī)撒玛利亚 人(sat-má-lī-a-lâng)，koh hō͘邪神(siâ-sîn)附身(hū-sin)，kám m̄-tio̍h？」49耶稣(iâ-so͘)应 讲(ìn-kóng)：「我(góa)m̄是(sī)hō͘邪神(siâ-sîn)附身(hū-sin)，我是(góa sī)尊 敬(chun-kèng)我(góa)ê天父(thiⁿ-pē)，m̄-koh lín颠倒(tian-tò)侮 辱(bú-jio̍k)我(góa)。50我无(góa bô)求(kiû)家己(ka-kī)ê荣 光(êng-kng)，m̄-koh有一个(ū chi̍t-ê)teh替 我(thè góa)求(kiû)koh做(chò)chit项(hāng)tāi-chì ê审 判 者(sím-phòaⁿ-chiá)。51我(góa)实 在(si̍t-chāi)kā lín讲(kóng)，人 若(lâng nā)遵 守(chun-siú)我(góa)ê道理(tō-lí)，就 永 远(chiū éng-oán)bē死(sí)。」52 Hiah-ê犹 太 人(iû-thài-lâng)应 讲(ìn-kóng)：「Taⁿ阮 知(goán chai)祢(lí)是(sī)hō͘邪神(siâ-sîn)附身(hū-sin)，亚伯 拉罕(a-pek-la̍h-hán)死(sí)，众 先 知(chèng sian-ti)mā死(sí)，m̄-koh祢(lí)讲(kóng)：『人 若(lâng nā)遵 守(chun-siú)我(góa)ê道理(tō-lí)就 永 远(chiū éng-oán)bē死(sí)！』53祢(lí)kám会比(ē pí)阮(goán)ê祖 先(chó͘-sian)亚伯 拉罕(a-pek-la̍h-hán)khah伟大(úi-tāi)？伊(i)已经(í-keng)死(sí)，众 先 知(chèng sian-ti)mā死(sí)。祢(lí)想 讲(siūⁿ-kóng)祢(lí)是啥 人(sī siáⁿ-lâng)？」54耶稣(iâ-so͘)应 讲(ìn-kóng)：「我若(góa nā)荣 光(êng-kng)家己(ka-kī)，我(góa)ê荣 光(êng-kng)就(chiū)无价值(bô kè-ta̍t)。荣 光(êng-kng)我(góa)ê是我(sī góa)ê天父(thiⁿ-pē)，就是(chiū-sī)Hit位(ūi)lín所 讲(só͘ kóng)ê是(sī)lín ê上 主(siōng-chú)。55 Lín m̄-bat他(i)，m̄-koh我(góa)bat他(i)。我(góa)若 讲(nā kóng)我(góa)m̄-bat他(i)，我 就(góa chiū)kah lín仝 款(kāng-khoán)是(sī)白 贼(pe̍h-chha̍t)，m̄-koh我(góa)bat他(i)，mā遵 守(chun-siú)他(i)ê道理(tō-lí)。56 Lín ê祖 先(chó͘-sian)亚伯 拉罕(a-pek-la̍h-hán)欢 喜(hoaⁿ-hí)teh thèng候(hāu)我(góa)来临(lâi-lîm)ê日子(ji̍t-chí)，伊(i)有 看(ū khòaⁿ)tio̍h，看 了(khòaⁿ-liáu)真 欢 喜(chin hoaⁿ-hí)。」57 Hiah-ê犹 太 人(iû-thài-lâng)对耶稣(tùi iâ-so͘)讲(kóng)：「祢(lí)Iáu未(bōe)五 十(gō͘-cha̍p)岁(hòe)，kám bat看(khòaⁿ)tio̍h亚伯 拉罕(a-pek-la̍h-hán)？」58耶稣(iâ-so͘)应 讲(ìn-kóng)：「我(góa)实 在(si̍t-chāi)kā lín讲(kóng)，亚伯 拉罕(a-pek-la̍h-hán)iáu未(bōe) 出 世(chhut-sì)，我(góa)to̍h存 在(chûn-chāi)。」59 Hiah-ê犹 太 人(iû-thài-lâng)就(chiū)the̍h石 头(chio̍h-thâu)beh kā他(i)tìm，m̄-koh耶稣(iâ-so͘)闪 开(siám-khui)，tùi圣 殿(sèng-tiān)出 去(chhut-khì)。