巴克礼普世版（试读本） 路加福音第十二章
警 戒假好ê人 (太10：26-27)
1 Hit时几若万人聚 集óa来，致到互 相thún踏，耶稣就对门徒讲：「Lín tio̍h持 防法 利赛 派ê人ê酵，就是in ê假好。」2无 一 项盖 密ê tāi-chì bē露 现，每 一 项秘密ê tāi-chì到时mā lóng会hō͘人知 影。3所以lín tī乌暗 中所 讲ê，会tī光 明 中hō͘人听tio̍h；lín tī房 间 内耳 孔边所 讲ê，会hō͘人tī厝 尾 顶公 开宣 布。」
Tio̍h敬 畏上 主 (太10：28-31)
4「我ê朋 友ah，我kā lín讲：害死lín ê身 躯了 后bē-tàng koh对lín做 啥 物ê人，lín m̄免惊。5我beh指示lín tio̍h敬 畏啥款人，lín tio̍h敬 畏上 主，他hō͘人死了 后koh有 权 柄kā人hiat落去地狱。是lah，我kā lín讲：tio̍h惊Hit位！
6「五 只雀 鸟á kám m̄是卖两 角银？tī上 主ê面 前，连一 只都无bē记得。7连lín ê头 毛都lóng有算 过。M̄免 惊，lín比hiah-ê雀 鸟á koh-khah贵 重。」
公 开承 认基督 (太10：32-33；12：32；10：19-20)
8「我kā lín讲，tī人ê面 前承 认我ê，人 子tī上 主ê天使面 前，mā会kā伊承 认。9 M̄-koh tī人ê面 前无承 认我ê，tī上 主ê天使面 前，mā无beh kā伊承 认。」
10「人若讲 话攻 击人 子ê，iáu会得tio̍h赦 免，m̄-koh若是亵 渎圣 神ê，就bē得tio̍h赦 免。」11人若押lín去 到会 堂，á是统 治 者kah官 员ê面 前，lín m̄免烦 恼beh án怎辩 解，á是tio̍h讲啥 物。12因为到时圣 神会教lín，tio̍h讲啥 物话。」
戆财 主ê譬喻
13众 人中 间有一个财 主kā耶稣讲：「老师，请祢叫我ê兄弟kah我分家伙。」14 M̄-koh耶稣kā伊讲：「你chit-ê人，啥 人设立我做lín ê审 判 官，á是做分家伙ê公 亲？」15耶稣就 对群 众讲：「Tio̍h谨慎，tio̍h约 束家己，tio̍h持 防各 种ê贪 心，因为人ê活 命价值m̄是介 在tī伊所 积 聚ê财 产。」16然 后耶稣用 譬喻对in讲：「有一个好 额 人，伊ê田 园真 丰 收。17伊想 来想 去讲：『我无够所 在thang囤我ê五 谷，taⁿ beh án怎？』18 Koh讲：『我tio̍h án-ne做，我beh kā粟 仓拆 掉koh起khah大 间，thang来kā我ê五 谷kah财 物lóng囤tòa hia。19然 后mā beh对我ê灵 魂讲：『灵 魂ah，你有积 聚真chē财 物，thang做真chē年ê路用。Taⁿ清 闲ā，来lim食，来 享 受！'』20 M̄-koh上 主kā伊讲：『戆 人ah，今暝beh对你讨你ê性 命，你所 积 聚ê财 产beh留hō͘啥 人？』21 Án-ne为tio̍h家己积 聚财 宝，无hō͘上 主看 做好 额ê人，mā是仝 款。」
信 靠上 主 (太6：25-34)
22 Koh对门徒讲：「所以我kā lín讲，m̄-thang为tio̍h性 命操 烦beh食啥 物，á是为tio̍h lín ê身 躯操 烦beh穿啥 物。23因为性 命比食 物khah重 要，身 躯比衫 裤khah价值。24 Lín看乌鸦，in虽 然无 种 作无 收 成，mā无 仓 库无 粟 仓，上 主iáu-koh teh kā in养 饲。Lín kám无比hiah-ê鸟á khah贵 重？25 Lín kám有人想 讲，操 烦ē-tàng hō͘家己ê性 命加活一时á久？26 Taⁿ lín既然连chiah-ni̍h细 项tāi-chì都无法 度做，ná-tio̍h操 烦其他ê tāi-chì？27 Lín小想 看māi lè，百 合 花án怎teh大 丛？In无劳苦mā无 纺 织，m̄-koh我kā lín讲，tng所罗门siōng荣 华富贵ê时，伊所 穿ê衫to无比chiah-ê花ê一蕊khah súi。28 Taⁿ山 里ê草，今á日teh活，明á载to̍h hō͘人hiat落去火炉。上 主iáu-koh án-ne teh kā in打扮，lín ná会chiah-ni̍h无信 心？29所以lín m̄-thang kan-tāⁿ teh想beh食啥 物beh lim啥 物，mā m̄-thang操 烦。30因为chiah-ê lóng是chit世间ê未信 者所teh求ê。Lín ê天父mā知lín需要chiah-ê物 件。31颠倒tio̍h tāi先追求上 主 国 度，chiah-ê物 件ē顺 续赏赐hō͘ lín。」
天 顶ê财 富 (太6：19-21)
32 Lín chiah-ê细细ê羊 群，m̄免惊，因为lín ê天父欢 喜kā他ê国度hō͘ lín。33 Tio̍h卖lín ê财 产来赈 济sàn-chhiah人。Tio̍h为lín家己准 备bē破ê钱袋á，来积 聚用bē了ê财 宝tī天 顶。Tī hia无 贼á会来偷the̍h，mā bē有 虫蛀。34因为lín ê财 宝tī tó位，lín ê心mā会去tī hia。」
谨慎Thèng候ê奴仆
35 Lín ê衫tio̍h穿好势，lín ê灯tio̍h点hō͘ to̍h。36 Lín tio̍h亲 像人teh thèng候in ê主 人tùi婚 宴tńg来。主 人tńg到位，一下phah门thang随时kā伊开。37主 人tńg来 看tio̍h in醒 醒，hiah-ê奴仆真有 福 气。我实 在kā lín讲，主 人会家己衫穿好势，hō͘ in坐 桌，来kā in伺候。38 Kiám-chhái主 人会tī半 暝á是天phú光ê时tńg来，看tio̍h in醒 醒，hiah-ê奴仆真有 福 气。39主 人若 知贼á tang时会来，伊就tiuⁿ-tî，一定bē hō͘贼á入来伊ê厝，这是lín知 影ê tāi-chì。40所以lín mā tio̍h准 备便 便，因为人 子会tī lín想bē到ê时chūn来临。」
忠 实kah无 忠 实ê管 家 (太24：45-51)
41彼得讲：「主ah，祢chit-ê譬喻是teh对阮 讲，á是mā对群 众？」42主讲：「啥 人是尽 忠koh机 巧ê管 家？就是主 人交带伊来管 理其他ê奴仆，照 时分 配食 物hō͘ in hit-ê人。43主 人tńg来 看tio̍h伊有 照交带去 做，hit-ê奴仆真有 福 气！44我实 在kā lín讲，主 人会派伊来管 理伊所有ê财 产。45 Hit-ê奴仆若心 内想 讲，我ê主 人会khah慢chiah tńg来，就phah其他ê奴仆kah女婢 女婢，lim食koh酒 醉。46主 人tī伊想bē到ê时chūn tńg来。主 人会重 重kā伊刑 罚，hō͘伊kah hiah-ê无 忠 实ê人受仝 款ê刑 罚。47奴仆知 影主 人ê意思却无去准 备，á是无照主 人ê意思去 做，伊一定会hō͘主 人phah kah真thiám。48 M̄-koh若m̄知主 人ê意思去 做应 该受phah ê tāi-chì，伊会受phah khah少下；hō͘伊khah-chē ê人，ē tùi伊the̍h khah-chē；交 托伊khah-chē ê人，会kā伊要求khah-chē。」
因为耶稣引起ê分 裂 (太10：34-36) 49「我来是beh用 火tàn tī地 上，火若to̍h起来，m̄知gōa-ni̍h-á好？50我有应 该受ê洗礼，hit-ê洗礼Iáu未完 成以 前，我tio̍h艰 苦kah啥 物程 度？51 Lín想 讲我来是beh hō͘地 上和 平？我kā lín讲，m̄是，颠倒是冤家。52 Tùi taⁿ以后，一 家五人会冤家，三个kah两个冤家，两个kah三个冤家。53父kah kiáⁿ，kiáⁿ kah父，老母kah cha-bó͘-kiáⁿ，cha-bó͘-kiáⁿ kah老母，ta-ke kah她ê新妇，新妇kah ta-ke，in lóng会冤家。
了 解Hit-ê时ê兆 头 (太16：2-3)
54耶稣koh对群 众讲：「Lín看tio̍h云tùi西pêng起来，lín就 讲：『Beh落雨』，果 然就 落雨。55 Lín看tio̍h透南 风ê时，lín就 讲：『Beh烧 热ā。』就真 正烧 热起来。56 Lín chiah-ê假好ê人，lín都会晓判 断天kah地ê景 象，ná bē晓判 断chit-ê时期？」
Tio̍h Kah控 告祢ê人和解 (太5：25-26)
57「Lín ná会无beh家己判 断是非？58若有人kā你告去见官 府，iáu tī路里ê时，tio̍h设 法kah伊和解。若无伊会拖你去见审 判 官，审 判 官会kā你交hō͘法 警，续 落 去法 警会kā你关 落 监。59我kā你讲，最 后ê一 钱 五厘若无还清 楚，你绝 对bē-tàng tùi监 里出 来。」
|
|
|
转寄