巴克礼普世版（试读本） 路加福音第十一章
祈祷ê教示 (太6：9-15；7：7-11)
1耶稣tī一个所 在祈祷。祈祷soah ê时，有一个门徒对他讲：「主ah，亲 像约 翰有教示伊ê门徒祈祷，求祢mā教示阮祈祷。」2耶稣kā in讲：「Lín祈祷ê时tio̍h án-ne讲：天父ah，愿祢ê名圣，祢ê国临 到。3求祢ta̍k日照 时赐阮食 物。4赦 免阮ê罪，因为阮mā有赦 免辜负阮ê人。M̄-thang chhōa阮入去阮担 当bē起ê试 探。」5耶稣koh kā门徒讲：「Lín啥 人有朋 友，你半 暝去chhōe伊讲：『朋 友ah，the̍h三块饼借我，6因为我有朋 友旅行来chhōe我，我无 物thang请 伊食。』7你hit-ê朋 友tùi内面应 讲：『 Mài吵lah，门已经关，我kah gín-á tī床 里teh困。我bē-tàng起来the̍h hō͘你。』8我kā你讲，虽 然hit人bē带 念tio̍h朋 友，起来the̍h饼hō͘你，m̄-koh会因为你ê迫 切恳 求，起来the̍h你所需要ê物hō͘你。9所以我koh kā lín讲：求会得tio̍h，chhōe会 chhōe-tio̍h，phah门会kā lín开。10因为有求就会得tio̍h，有chhōe就会chhōe-tio̍h，有phah门就会kā伊开。11 Lín做 老父ê人，家己ê kiáⁿ来讨饼，lí kám会the̍h石 头hō͘伊？Á是来讨鱼，lí kám会 将蛇准 做鱼hō͘伊？12 Á是讨卵，你kám会 将蝎á hō͘伊？13 Lín chiah-ê人虽 然pháiⁿ，iáu-koh会晓用 好 物hō͘ lín ê kiáⁿ儿，何 况lín tī天 顶ê天父，kám无用 圣 神来hō͘对他恳 求ê人？
耶稣Kah鬼 王Pia̍t-se-pok (太12：22-30；可3：20-27)
14耶稣赶一个哑口邪神出 去，哑口ê人就 讲 话。群 众lóng感 觉奇怪。15 M̄-koh其 中有几nā人讲：「他赶 鬼是靠鬼 王Pia̍t-se-pok。」
16 Koh有人beh试 探耶稣，要求他行tùi天来ê神 迹。17耶稣知in ê心思就kā in讲：「国家若家己起 纷 争，就会抛 荒；家 庭若bē和，一定会破 碎。18撒旦若家己起 纷 争，伊ê国thái-thó khiā会tiâu？Lín讲我靠Pia̍t-se-pok赶 鬼。19我若靠Pia̍t-se-pok赶 鬼，lín ê子弟赶 鬼是óa靠啥 人lè？Án-ne lín ê子弟会反 驳lín ê讲 法。20总 是我若靠上 主ê气 力赶 鬼，上 主 国 度就已经tī lín ê中 间实 行。
21「勇 士若 穿盔 甲gia̍h ke-si顾守伊ê厝，伊所有ê财 产就 安 全。22 M̄-koh若有一个比伊khah猛ê来phah赢伊，kā伊所óa靠ê全 副武器抢 去，koh将伊ê财 物分 了 了。」23「无为我ê人，就是kah我对敌；无 协 助我ê人，就是teh kā我破 坏。」
邪神倒Tńg去 (太12：43-45)
24「邪神离开附身ê人了 后，经 过无 水ê地，beh chhōe歇 困ê所 在chhōe lóng无，就 讲：『我beh tńg去出 来ê hit间厝。』25 Tńg到位一 看，厝 内拚 扫kah真 清 气koh整 齐。26 Hit-ê邪神就koh去带七个比家己khah pháiⁿ ê邪神来，入去hia tòa。Hit人ê结 局比起 头koh-khah惨。」
真 正ê福 气
27耶稣teh讲chiah-ê话ê时，群 众中 间有一个妇人 人大 声对他讲，「生祢koh hō͘祢suh奶ê妇人 人，真有 福 气！」28 M̄-koh耶稣应 讲：「听上 主ê道理来 遵 守ê人，koh-khah有福 气！」
众 人要求 神 迹 (太12：38-42；可8：12)
29群 众jú来jú chē，耶稣就 讲：「Chit世代是pháiⁿ ê世代，in求神 迹，m̄-koh除了约拿ê神 迹以外，无koh有神迹hō͘ in。30 Tú亲 像约拿成 做尼尼微人ê神 迹，人 子mā beh成 做chit世代ê神 迹。31 Tī审 判ê时，南 方ê女王beh kah chit世代ê人做伙koh活 起来，续kā chit世代ê人定 罪，因为hit-ê女王有tùi地ê极 头，来 听所罗门智慧ê话，何 况tī chia有比所罗门khah伟大ê。32 Tī审 判ê时，尼尼微人会kah chit世代ê人做伙koh活 起来，续kā chit世代ê人定 罪，因为尼尼微人有tùi约拿所 传ê道理来悔 改，何 况tī chia有比约拿koh-khah伟大ê。「
目 睭是身 躯ê光 (太5：15；6：22-23)
33无 人点 灯hē tī无 人看 见ê所 在，á是盖tòa米斗下。一定tio̍h hē tī灯 台 顶，hō͘入来ê人看tio̍h hit-ê光。34你ê目 睭是身 躯ê灯，你ê目 睭若金，全 身 躯就 光 明；你ê目 睭若花，kui身 躯就 乌暗。35所以tio̍h注意，m̄-thang hō͘你内面ê光暗 去。36你全 身 躯若lóng光 明，无一 点á乌暗，就会亲 像灯光iàⁿ-iàⁿ teh照你，会hō͘你完 全光 明。」
耶稣责 备法 利赛 派ê人Kah经 学 教 师(太23：1-36；可12：38-40)
37耶稣chiah-ê讲soah ê时，有一个法 利赛 派ê人请他食 饭。耶稣就 入去坐 桌。38 Hit-ê法 利赛 派ê人看tio̍h耶稣无洗 手就来 食，感 觉真 奇 怪。39耶稣就kā伊讲：「Taⁿ lín法 利赛 派ê人kan-tāⁿ清 气杯kah盘ê外 面，m̄-koh lín内面充 满贪 欲kah邪恶。40 Lín chiah-ê戆 人，创 造外 面ê上 主kám m̄是mā有 创 造内面？41 Tio̍h将chiah-ê内面ê物the̍h来赈 济人，án-ne lín ta̍k项物就lóng清 气。」 42 Lín chiah-ê法 利赛 派ê人有灾祸！因为lín将薄 荷、茴 香á，kah ta̍k种ê菜 蔬十 份抽一 份献hō͘上 主，m̄-koh无重 视公 义kah疼上 主ê tāi-chì。其实chiah-ê tio̍h应 该án-ne做，mā m̄-thang忽 略顶 面hiah-ê奉 献。43 Lín法 利赛 派ê人有灾祸！因为lín ài tī会 堂内坐 大位，koh ài tī街路里hō͘人kā lín请 安。44 Lín有灾祸！因为lín亲 像看bē-tio̍h死人ê墓，人tùi hit顶 面行 过mā m̄知。」45有一个律 法ê教师应耶稣讲：「老师，祢讲chiah-ê话mā侮 辱tio̍h阮。」46 M̄-koh耶稣应 讲：「Lín chiah-ê律 法 教师mā有灾祸！因为lín将担无 法ê重 担hō͘人担，m̄-koh lín家己连一支指 头á，都无振 动来 减 轻hiah-ê重 担。47 Lín一定有灾祸！因为lín为lín祖 先杀 害ê先知造 墓。48 Án-ne，lín家己证 实lín mā赞 成祖 先所做ê tāi-chì，koh欢 喜来造in ê墓。49所以上 主ê智慧有讲：『我beh差先知kah使徒去in hia，其 中有ê in会kā伊害死，有ê in会kā伊迫 害。』50 Án-ne tùi创 造世界以来所流众 先 知ê血lóng beh kā lín chit世代讨。51就是tùi亚伯ê血到撒迦利亚死tī殿kah坛ê中 间所流ê血。我实 在kā lín讲，hiah-ê血 债lóng beh对lín chit世代ê人讨。52 Lín chiah-ê律 法 教师有灾祸！因为lín kā开智识ê门ê锁匙gia̍h去。Lín家己无beh入去，soah阻 挡想beh入去ê人。」53耶稣tùi hia出 来ê时，经 学 教 师kah法 利赛 派ê人出 力，koh-khah剧 烈攻 击耶稣，逼他讲khah-chē话。54 In teh等耶稣讲m̄-tio̍h话ê时，thang掠他ê话 缝。
|
|
|
转寄