巴克礼普世版(试读本) 路加福音第三章
行洗礼约 翰ê洗礼Kah传 道 (太3:1-12;可1:1-8;约1:19-28)
1罗马皇 帝Thê-pì-liû坐位ê十 五年,本 丢彼拉多做犹太ê总 督,希律做加利利省分 封ê王,伊ê兄弟腓力做Í-thó͘-lī-a kah Tek-lia̍p-khó-nî地方分 封ê王,Lū-sat-liap做A-pí-lī-年分 封ê王。2亚那kah该亚法做大 祭司ê时,撒迦利亚ê kiáⁿ约 翰tī旷 野领受 上 主ê话。3约 翰就 到约 旦河一带ê ta̍k所 在宣 扬,讲:「Tio̍h悔 改来领洗礼,上 主就会赦 免人ê罪。」4 Tú亲 像先知以赛亚册 里所记ê话,讲:『有声tī旷 野teh hoah讲:Tio̍h为主准 备道路,为主修直他ê小路!5所有ê山 谷lóng tio̍h thūn hō͘伊tīⁿ,Chiah-ê大 小ê山 头lóng tio̍h削hō͘伊低,弯 曲ê路tio̍h取hō͘伊直,坎坷ê路tio̍h hō͘伊平。6万 民lóng会看tio̍h上 主ê拯 救。』「(注:赛40:3-5) 7约 翰对真chē来beh领洗礼ê人讲:「Lín chiah-ê毒 蛇ah,啥 人警 告lín闪 避上 主teh-beh发ê受气?8 Tio̍h用日 常生 活来证 明lín ê悔 改。M̄-thang家己想 讲:『有亚伯 拉罕做阮ê祖 先』,因为我kā lín讲:上 主ē-tàng tùi chiah-ê石 头出kiáⁿ孙hō͘亚伯 拉罕。9 Taⁿ斧 头已经对 准树 头ā,所有无结好果 子ê树,lóng会锉 起 来hiat落 火。」10众 人问约 翰讲:「Án-ne,阮tio̍h án怎做khah好?」11约 翰应 讲:「有两 领 衫ê人tio̍h分hō͘无衫ê人,有 食 物ê人mā tio̍h án-ne做。」12有一kóa抽 税ê mā来beh领受洗礼,in问约 翰讲:「老师,阮tio̍h án怎做chiah好?」13约 翰对in讲:「规 定ê税以外,m̄-thang kā人加抽。」14有一kóa军 人mā问约 翰讲:「Á阮tio̍h án怎做?」伊应 讲:「M̄-thang kā人恐 吓the̍h钱,m̄-thang kā人揩油,对lín所领ê薪水tio̍h满 足。」15人民teh期待基督,心 内lóng teh想 讲,约 翰无定tio̍h就是基督,16约 翰应群 众讲:「我用 水kā lín洗礼,m̄-koh有一个比我khah有 权 能ê teh-beh来,我连kā他tháu鞋带都bē堪 得。他beh用 圣 神kah火kā lín洗礼。17他ê手the̍h簸箕,beh kā麦 埕ê麦á全 部簸清 气,kā麦á收入仓 库,m̄-koh麦hiuⁿ 7 to̍h用bē-hoa ê火烧 掉。」18约 翰传 福 音hō͘民 众ê时,lóng用真chē方 法来 苦 劝。19 M̄-koh约 翰责 备分 封ê王希律,因为伊抢 夺小弟ê bó͘ Hi-lô-tí ê缘故,koh因为伊做真chē pháiⁿ tāi-chì。20 Taⁿ希律koh加一 项pháiⁿ tāi-chì,就是kā约 翰关 落 监。
耶稣领受洗礼 (太3:13-17;可1:9-11) 21众 人领受洗礼了 后,耶稣mā有来领受洗礼,祈祷ê时,天 开,22圣 神降 临tī他ê顶 面,形 状亲 像粉 鸟;koh tùi天有声讲:「祢是我所 疼ê Kiáⁿ,我真kah意祢。」
耶稣ê家 谱 (太1:1-17)
23耶稣开始传 道ê时差 不多三 十岁,众 人看他是约 瑟ê kiáⁿ,约 瑟是Hi-lí ê kiáⁿ,24 Hi-lí是Má-thap ê kiáⁿ,Má-thap是利未ê kiáⁿ,利未是Be̍k-ki ê kiáⁿ,Be̍k-ki是Ngá-ná ê kiáⁿ,Ngá-ná是约 瑟ê kiáⁿ,25约 瑟是Má-tāi-thê-a ê kiáⁿ,Má-tāi-thê-a是阿摩司ê kiáⁿ,阿摩司是Ná-ong ê kiáⁿ,Ná-ong是Í-sū-lí ê kiáⁿ,Í-sū-lí是Ná-kai ê kiáⁿ,26 Ná-kai是Má-ap ê kiáⁿ,Má-ap是Má-tāi-thê-a ê kiáⁿ,Má-tāi-thê-a是Se-bí ê kiáⁿ,Se-bí是约 瑟ê kiáⁿ,约 瑟是犹大ê kiáⁿ,犹大是Iok-a-ná ê kiáⁿ,27 Iok-a-ná是Lī-sat ê kiáⁿ,Lī-sat是Só͘-lô-pa-pek ê kiáⁿ,Só͘-lô-pa-pek是Sat-lia̍p-thiat ê kiáⁿ,Sat-lia̍p-thiat是Nî-lī ê kiáⁿ,28 Nî-lī是Be̍k-ki ê kiáⁿ,Be̍k-ki是A-tí ê kiáⁿ,A-tí是Ko-song ê kiáⁿ,Ko-song是Í-mô͘-tông ê kiáⁿ,Í-mô͘-tông是Jíⁿ ê kiáⁿ,Jíⁿ是Iok-sè ê kiáⁿ,29 Iok-sè是Í-lia̍t-sat ê kiáⁿ,Í-lia̍t-sat是Iok-lēng ê kiáⁿ,Iok-lēng是Má-thap ê kiáⁿ,Má-thap是利未ê kiáⁿ,30利未是西 面ê kiáⁿ,西 面是犹大ê kiáⁿ。犹大是约 瑟ê kiáⁿ,约 瑟是Iok-lâm ê kiáⁿ,Iok-lâm是Í-lī-a-kim ê kiáⁿ,31 Í-lī-a-kim是Bí-lī-a ê kiáⁿ,Bí-lī-a是Mái-lâm ê kiáⁿ,Mái-lâm是Má-ta̍t-thaⁿ ê kiáⁿ,Má-ta̍t-thaⁿ是Ná-tan ê kiáⁿ,Ná-tan是大卫ê kiáⁿ,32大卫是耶西ê kiáⁿ,耶西是O-pek ê kiáⁿ,O-pek是Pho-sū ê kiáⁿ,Pho-sū是Sat-bûn ê kiáⁿ,Sat-bûn是Ná-sūn ê kiáⁿ,33 Ná-sūn是A-bí-ná-ta̍t ê kiáⁿ,A-bí-ná-ta̍t是亚兰ê kiáⁿ,亚兰是Í-sū-lûn ê kiáⁿ,Í-sū-lûn是Hoat-le̍k-sū ê kiáⁿ,Hoat-le̍k-sū是犹大ê kiáⁿ,34犹大是雅 各ê kiáⁿ,雅 各是以撒ê kiáⁿ,以撒是亚伯 拉罕ê kiáⁿ,亚伯 拉罕是Thaⁿ-la̍h ê kiáⁿ,Thaⁿ-la̍h是Ná-ho̍k ê kiáⁿ,35 Ná-ho̍k是Sat-lo̍k ê kiáⁿ,Sat-lo̍k是Lia̍p-kó͘ ê kiáⁿ,Lia̍p-kó͘是Hoat-le̍k ê kiáⁿ,Hoat-le̍k是Hi-pek ê kiáⁿ,Hi-pek是Sat-lia̍p ê kiáⁿ,36 Sat-lia̍p是Kai-lâm ê kiáⁿ,Kai-lâm是A-hoat-sat ê kiáⁿ,A-hoat-sat是闪ê kiáⁿ,闪是挪亚ê kiáⁿ,挪亚是La̍h-be̍k ê kiáⁿ,37 La̍h-be̍k是Má-thó͘-sat-la̍h ê kiáⁿ,Má-thó͘-sat-la̍h是以诺ê kiáⁿ,以诺是Ngá-lia̍t ê kiáⁿ,Ngá-lia̍t是Má-le̍k-lia̍t ê kiáⁿ,Má-le̍k-lia̍t是Kai-lâm ê kiáⁿ,Kai-lâm是Í-ná-sū ê kiáⁿ,38 Í-ná-sū是设ê kiáⁿ,设是亚当ê kiáⁿ,亚当是上 主ê kiáⁿ。