巴克礼普世版（试读本） 路加福音第四章
耶稣受 试 探 (太4：1-11；可1：12-13)
1耶稣受 圣 神充 满，tùi约 旦河tńg来，hō͘圣 神chhōa去 旷 野四 十 日久，受 魔 鬼kā他试 探。2 Hit中 间，他lóng无 食啥 物，后来腹肚就iau。3魔 鬼kā他讲：「祢若是上 主ê Kiáⁿ，tio̍h命 令chit块石 头变 做饼。」4耶稣应 讲：「圣 经有记载：人teh活m̄-nā óa靠饼。」(注：申8：3) 5魔 鬼koh chhōa耶稣peh上高ê所 在，一 目 眨á ê中 间，将天下万 国hō͘他看，6就对耶稣讲：「Chiah-ê一 切ê权 势kah荣 光我lóng beh hō͘你，因为chiah-ê一 切已经lóng交hō͘我，chhut-chāi我beh hō͘啥 人。7所以祢nā跪落来拜我，chiah-ê一 切lóng总hō͘祢。」8耶稣应 讲：「圣 经有记载：Tio̍h拜主，你ê上 主，只有tio̍h服 事他。」(注：申6：13) 9魔 鬼koh chhōa耶稣到耶路撒 冷，hō͘他khiā tī圣 殿siōng高ê所 在，kā他讲：「祢若是上 主ê Kiáⁿ，to̍h tùi chia跳 落去，10因为圣 经有记载：上 主会为tio̍h祢，命 令他ê天使来保护祢。11 Koh讲：天使会用手kā祢扶teh，免 得祢ê脚触tio̍h石 头。」(注：诗91：11-12) 12耶稣应 讲：「圣 经有讲：『M̄-thang试 探主，你ê上 主。』「(注：申6：16) 13魔 鬼所有ê试 探lóng用 了，就 暂 时离开耶稣。
耶稣开始Tī加利利传 道 (太4：12-17；可1：14-15)
14然 后耶稣受 圣 神ê权 能充 满，倒tńg去加利利省。他ê名 声传 到四周围ê地方。15他tī ta̍k-ê会 堂教示人，受群 众ê称 赞。
耶稣Tī拿撒勒Hông拒 绝 (太13：53-58；可6：1-6)
16耶稣tńg去 到他成 长ê故 乡拿撒勒。Tī安息 日，他照 平 常ê习 惯入去会 堂，khiā起来teh-beh读圣 经。17有人the̍h先知以赛亚ê册hō͘他。他就 掀 开，chhōe-tio̍h一 所 在有记载：18主ê圣 神临 到我，因为他用油抹我，hō͘我thang传 福 音hō͘ sàn-chhiah人。他差 派我来宣 布：受 掠ê人会得tio̍h tháu放，chheⁿ-mê-ê会koh看 见，受 压迫ê人会得tio̍h自由。19 koh宣 布上 主ê禧年。」(注：赛61：1-2；58：6) 20耶稣kā册卷 起来，还会 堂ê执事，就坐 落来。会 堂内ê众 人lóng注 目kā他看。21耶稣就 开 嘴对in讲：「Chit段圣 经，今á日lín听tio̍h ê时已经实 现ā。」22众 人lóng称 赞耶稣，对他所 讲恩 典ê话感 觉奇怪，讲：「Chit-ê人kám m̄是约 瑟ê kiáⁿ？」23耶稣对in讲：「Lín一定会引用『医生ah，你tio̍h家己医。』chit句俗 语tùi我 讲：『阮有听tio̍h祢tī迦 百 农做真chē tāi-chì，taⁿ mā tio̍h tī祢ê故 乡来做。』」24耶稣koh继 续 讲：「我实 在kā lín讲，先知无一个tī家己ê故 乡hō͘人接 纳。」25我kā lín讲实话，tī以利亚ê时代有 炕 旱三年 半久，ta̍k所 在lóng大 饥荒，hit时以色列中有真chē寡 妇。26以利亚m̄-bat奉 差去chhōe hiah-ê寡 妇中 间ê一个 人。他kan-tāⁿ去Se-tùn ê Sat-le̍k-tāi chhōe一个寡 妇。27 Koh tī先知以利沙ê时代，以色列中有真chē癞 哥ê病 人，除了叙利亚人乃 缦以外，无kah一个 人得tio̍h清 气。」28会 堂内所有ê人听tio̍h chiah-ê话，lóng非 常受气。29会 众就 起来赶耶稣出 去城 外，in ê城起tī山 顶，会 众kā他拖到山 崁，beh kā他chhia落去。30 M̄-koh耶稣对in中 间行过 去，做他去。
耶稣医好邪神附身ê人 (可1：21-28)
31耶稣落去加利利省一个迦 百 农 城，tī安息 日tòa hia教示人。32人对他ê教示感 觉奇怪，因为他ê话有权 威。33会 堂内有一个hō͘邪神附身ê人，大 声hoah讲：34「Haiⁿh，拿撒勒 人耶稣，祢何必来 干 涉阮？祢beh来 毁 灭阮，是无？我 知祢是啥 物款人。祢是上 主ê圣Kiáⁿ。」35耶稣kā伊责 备讲：「恬 去！tùi chit-ê人出 去！」鬼tī众 人面 前kā hit-ê人chhia倒就 出 去，lóng无kā伊伤 害tio̍h。36众 人tio̍h惊koh奇怪，做伙议论讲：「这是啥 物话？他用 权 柄kah能 力命 令chiah-ê邪神，in就 出 去。」37耶稣ê名 声就 传 到四周围ê ta̍k所 在。
耶稣医好真chē病 人 (太8：14-17；可1：29-34)
38耶稣tùi会 堂出 来，入去西门ê厝。西门ê丈母发 热真烧；有人替她求耶稣医治。39耶稣khiā óa去，àⁿ落去责 备她ê热 病，热就退，妇人 人随时起来kā in接 待。40日 落ê时，众 人chhōa有病ê人，无论患tio̍h啥 物病，lóng chhōa来chhōe耶稣。耶稣kā ta̍k人hōaⁿ手，来kā in ê病医好。41 Koh有鬼tùi真chē人ê身 躯出 去，大 声hoah讲：「祢就是上 主ê Kiáⁿ。」耶稣因为鬼bat他是基督，就 责 备hiah-ê鬼，m̄准in讲。
耶稣Tī会 堂传 道 (可1：35-39)
42天 光ê时，耶稣去 到偏 僻ê所 在；kui阵人来chhōe他，chhōe-tio̍h就kā他流，请他m̄-thang离开in。43 M̄-koh耶稣对in讲：「我mā tio̍h去别ê城 市传上 主 国 度ê福 音，因为这是上 主差 派我来ê目 的。」44耶稣就 继 续tī加利利省ê各会 堂传 福 音。
|
|
|
转寄