巴克礼普世版(试读本) 路加福音第一章
1 序 言—写hō͘提阿非罗 敬 爱ê提阿非罗大人,有真chē人已经kā阮中 间所 发 生ê tāi-chì,整 理记录落来。2 In照hiah-ê传 道理ê人,tùi起 头亲 目看tio̍h ê tāi-chì,来记录传hō͘阮。3我有tùi起 头详 细查 考全 部ê tāi-chì,所以想beh照顺序写 出 来,寄hō͘你。4 Hō͘你thang明 白,你所领受ê道理是确 实ê。
预告行洗礼约 翰ê出 世
5 希律做犹太 王ê时,有一个名 叫撒迦利亚ê A-pí-a班ê祭司,伊ê bó͘是亚伦ê kiáⁿ孙,名 叫以利沙白。6 In两翁á-bó͘ hō͘上 主看 做是义 人,因为in遵 守上 主所有ê诫 命kah礼仪来行。7 M̄-koh in无kiáⁿ,因为以利沙白bē怀孕,两 人ê年岁又koh老à。8有一日,撒迦利亚照伊ê轮 班tī上 主ê面 前teh执 行祭司ê职 务。9照 祭司职 份ê例,伊抽 阄得tio̍h入去主ê圣 殿烧 香。10当伊teh烧 香ê时,会 众kui大阵tī外 面teh祈祷。11有一个主ê天使对伊显 现,khiā tī香 坛ê正pêng。12撒迦利亚看tio̍h,就tio̍h惊koh奇怪,非 常不安。13天使对伊讲,「撒迦利亚ah,m̄免惊,因为上 主已经听tio̍h你ê祈祷。你ê bó͘以利沙白beh生kiáⁿ,你tio̍h kā伊号名 叫 做约 翰。14你会欢 喜koh快 乐,真chē人mā会为tio̍h伊ê出 世来欢 喜。15因为伊tī主ê面 前beh做大 人 物,葡 萄 酒kah一 切ê酒lóng m̄-thang hō͘伊lim。伊tī母 胎就hō͘圣 神充 满。16伊会hō͘以色列kiáⁿ孙,真chē人oa̍t-tńg来 归 向主,就是in ê上 主。17伊会用以利亚ê精 神kah才 能做 主ê先 锋,hō͘父母kah kiáⁿ儿和好,hō͘悖 逆ê人回 心 转意来跟tòe义 人ê智慧,hō͘人民准 备心来 迎 接主。」18撒迦利亚对天使讲:「Kám chiâⁿ实会án-ne?因为我 已经老à,我ê bó͘年岁mā真 大à。」19天使应 讲:「我是teh服 事上 主ê Ka-pek-lia̍t,奉差 派来kah你讲 话,对你报告chit-ê好消 息。20因为你m̄相 信我ê话,就是到时会 应 验ê话,你会 变 成哑口bē讲 话,一直到chiah-ê tāi-chì得tio̍h应 验ê日。」21会 众teh thèng候撒迦利亚,in感 觉奇怪,伊tī圣 殿 内ná会hiah-ni̍h久。22伊出 来soah bē-tàng kah in讲 话,in就 知伊tī圣 殿 里有 看tio̍h异 象。伊对in一直比手 语,伊竟 然是哑口。23撒迦利亚服 事ê日期满,就tńg去in厝。24无jōa久了 后,伊ê bó͘以利沙白有娠,五月 日久无 出 门。25以利沙白讲:「主hiah-ni̍h看 顾我,hō͘我m̄免koh hō͘人耻 笑bē生kiáⁿ。」
预告耶稣ê出 世
26 以利沙白有娠六月 日ê时,天使Ka-pek-lia̍t奉上 主ê差 派,来到加利利省一个叫 做拿撒勒ê城。27来chhōe一个在 室女,名 叫马利亚。伊已经kah大卫kiáⁿ孙一个名叫约 瑟ê人订 婚。28天使去 到马利亚hia,对伊讲:「平 安,你是siōng有福 气ê人。上 主kah你同 在!」29马利亚对chiah-ê话非 常tio̍h惊koh奇怪,心 内一直teh想chit-ê请 安是啥 物意思。30天使kā她讲:「马利亚ah,m̄免惊,因为你得tio̍h上 主ê恩 典。31 Taⁿ你会怀孕生一个后 生,tio̍h kā他号名 叫 做耶稣。32他会做大 人 物,人会称 呼他至 高上 主ê Kiáⁿ。主,上 主会 将他祖 先大卫ê王位赏赐他。33他会做 王永 远统 治雅 各ê kiáⁿ孙。他ê国mā会无穷 尽。」34马利亚对天使讲:「我iáu未出 嫁,ná会有chit款tāi-chì?」35天使应 讲:「圣 神会临 到你,至 高上 主ê权 能会致荫你,所以hit-ê teh-beh出 世ê婴á是圣ê,人会称 呼他做上 主ê Kiáⁿ。36你 看!你ê亲chiâⁿ以利沙白。她虽 然年老,mā已经怀孕。人讲她bē生,m̄-koh她已经有娠六月 日ā。37因为上 主无 一 项tāi-chì做bē到。」38马利亚讲:「我是上 主ê女婢 女婢,愿照你ê话来kā我成 全。」天使就 离开她。
马利亚访 问以利沙白
39 过无几日,马利亚出 发,赶 紧 去到犹太山 地ê一个城。40她入去撒迦利亚ê厝,kā以利沙白请 安。41以利沙白一下 听tio̍h马利亚请 安,腹肚内ê胎儿就tiô跳。以利沙白hō͘圣 神充 满,42她就大 声讲:「众妇人 人ê中 间你得tio̍h福 气,你所怀孕ê胎儿mā得tio̍h福 气。43我ê主ê老母来 访 问我,我ná会堪 得?44因为我一下 听tio̍h你请 安ê声,我腹肚内ê胎儿就 欢 喜tiô跳。45你chit-ê妇人 人真有 福 气!因为主所kā你讲ê话会实现。」
马利亚ê赞 美诗 46 马利亚讲:「我ê心 灵尊 敬主做 大,47我ê心神因为救我ê上 主来欢 喜。48因为他看 顾女婢 女婢ê卑微,tùi taⁿ以后万世代ê人lóng会讲:我有福 气。49因为全 能ê上 主有为tio̍h我做伟大ê tāi-chì,他ê名是圣。50敬 畏他ê人他怜 悯in,到万世代。51他伸 出权 能ê手,赶 散心 志骄 傲ê人。52他kā掌 权ê人,tùi对伊ê王位拖落来。Kā卑微ê人高 升。53他用 好 物hō͘ iau饿ê人食 到 饱;他hō͘好 额ê人空 空tńg去。54他扶 助他ê奴仆以色列,会记得kā in怜 悯,55照他对咱祖 先ê应允,来怜 悯亚伯 拉罕kah伊ê kiáⁿ孙到万世代。」56马利亚kah以利沙白做伙tòa差 不多有三月 日,chiah tńg去in厝。
行洗礼约 翰ê出 世
57 以利沙白生 产ê期到,就 生一个后 生。58厝 边隔 壁kah亲chiâⁿ,听tio̍h主对她有大 怜悯,就kah她做伙欢 喜。59到婴á出 世第八日,in来beh kā婴á行 割礼,koh照伊ê老父ê名,kā伊号做撒迦利亚。60伊ê老母应 讲:「M̄-thang án-ne,tio̍h kā伊号做约 翰。」61大家就 对她讲,「你ê亲chiâⁿ无 人号chit-ê名。」62 In就比手 语问婴á ê老父,ài beh kā伊号啥 物名。63撒迦利亚讨一块写字ê板,写 讲:「伊ê名是约 翰。」大家感 觉奇怪。64 Hit时撒迦利亚随时开-嘴讲 话,o-ló上 主。65厝 边隔 壁ê人lóng tio̍h惊。全犹太ê山 地lóng teh谈 论chit项tāi-chì。66听tio̍h ê人lóng想 讲:「Án-ne,chit-ê婴á将 来会成 做啥款ê人?因为有主ê权 能kah伊同 在。
撒迦利亚ê预言
67 约 翰ê老父撒迦利亚hō͘圣 神充 满,就 预言讲:68 Tio̍h o-ló主,以色列ê上 主!因为他有看 顾koh救 赎他e子 民。69有tùi他ê奴仆大卫ê家,替咱设立有大 能 力ê拯 救 者,70照他tī古早通 过神 圣ê先知ê嘴应允讲:71他会拯 救咱脱 离对敌kah所有怨 恨咱ê人ê手,72他会怜 悯咱ê祖 先,koh记念他神 圣ê盟 约,73就是kah咱ê祖 先亚伯 拉罕所立ê盟 约,74 Hō͘咱ē-tàng脱 离chiah-ê对敌ê手,75 Hō͘咱一 世 人tī他ê面 前,用 圣用义,无惊 惶来服 事他。76我ê kiáⁿ ah,你会hō͘人叫 做至 高ê上 主ê先知,因为你beh做 主ê先 锋,来准 备他ê路,77 Hō͘他e子 民tùi得tio̍h赦 罪,来 明 白上 主ê拯 救。78咱ê上 主充 满怜 悯ê心,所以hō͘早起时ê日,tùi天 顶来照咱。79来照咱chiah-ê tiàm tī乌暗kah死荫 中ê人,引chhōa咱ê脚,行入平 安ê路。80婴á渐 渐大 汉,心 灵mā日日勇 壮。伊tiàm tī旷 野一直到,伊tī以色列中 间公 开出 现hit日。