巴克礼普世版(试读本) 马可福音第十五章
耶稣Tī彼拉多面 前受 审 问 (M̄t:1-2,11-14;Lk23:1-5;Ih18:28-38)
1到 天 光,hiah-ê祭司长、长老、经 学 教 师kah全 议 会,做伙讨论好势,kā耶稣缚 起来,押他去 交hō͘彼拉多。 2彼拉多问耶稣讲:「祢是犹 太 人ê王,是无?」耶稣应 讲:「照你讲án-ne。」 3祭司长告耶稣真chē项。 4彼拉多koh问耶稣讲:「祢ná会lóng无应?祢看,in告祢hiah-chē项!」 5耶稣犹 原无应半 句。彼拉多soah感 觉真 奇 怪。
耶稣Hông判 死 刑 (太27:15-26;路23:13-25;约18:39-19:16)
6 Tī ta̍k年ê盘过 节,总 督lóng有 照人民所求ê,来 放一个犯 人hō͘ in,。 7 Hit时有一个kah hiah-ê作 乱ê人做伙关 监,名 叫巴拉巴ê犯 人, 8群 众聚 集óa去,要求彼拉多照 惯 例来 放一个犯 人。 9彼拉多问in讲:「Lín ài我放犹 太 人ê王hō͘ lín,是无?」 10 因为伊知hiah-ê祭司长,是为tio̍h怨妒chiah kā耶稣交hō͘伊。 11 M̄-koh hiah-ê祭司长煽 动群 众,颠倒要求彼拉多放巴拉巴hō͘ in。 12彼拉多koh应 讲:「Án-ne lín叫 做犹 太 人ê王Hit位,我tio̍h án怎kā他办?」 13 In koh大 声hoah讲:「Kā他钉十字架!」 14彼拉多kā in讲:「是án怎lè,他kám有 犯啥 物罪?」M̄-koh群 众ná大 声hoah讲:「Kā他钉十字架!」 15彼拉多为tio̍h beh hō͘群 众欢 喜,就 放巴拉巴hō͘ in。伊koh命 令人鞭phah耶稣,然 后kā耶稣交hō͘ in去 钉十字架。
兵á戏弄耶稣 (太27:27-31;约19:2-3)
16 兵á拖耶稣入去总 督 府ê院内,koh召全 队ê兵á来。 17 In kā耶稣穿一 领紫 色ê袍,koh辫刺á ê冕 旒kā他戴。 18然 后kā耶稣请 安讲:「犹 太 人ê王,平 安!」 19 In koh用 芦竹sut耶稣ê头 壳,kā他phùi嘴 澜,跪 落去kā他拜。 20 In戏弄soah,kā hit领紫 色ê长 袍thǹg起来,koh将耶稣家己ê衫kā伊穿 落去。然 后押他去 钉十字架。
耶稣受 钉十字架 (太27:32-44;路23:26-43;约19:17-27)
21 有一个古利奈 人西门,就是亚力山大kah Ló͘-hu ê老父,tùi庄 脚来,àn hia经 过。In就强 迫伊来giâ耶稣ê十字架。 22 In kā耶稣带 到各 各 他ê所 在,hit-ê地名翻 译就是「头 壳 碗ê所 在」。 23 In用搅 没 药ê酒hō͘耶稣lim。他m̄ lim。 24 In kā耶稣钉十字架了 后,分他ê衫 裤,liam-khau来看 啥 人得tio̍h啥 物。 25 In kā耶稣钉tī十字架 顶,是早起时九 点。 26他ê罪 状ê牌á写 讲:「犹 太 人ê王」。 27有两个贼犯kah耶稣同 齐钉十字架,一个tī正pêng,一个tī倒pêng。 28 Án-ne来应 验圣 经所记载:「他mā hō͘人kā他算 做罪 犯。」(有ê抄 本无chit节) 29 Tùi hia经 过ê人kā他侮 辱,摇头讲:「Ai-ah,祢chit-ê讲beh毁 坏圣 殿,三日内beh koh起 起来ê人! 30 Taⁿ tio̍h救祢家己,tùi十字架落来!」 31 Hiah-ê祭司长kah经 学 教 师mā是án-ne kā他耻 笑,互 相讲 来讲 去,「他bat救别 人,taⁿ bē-tàng 救家己! 32以色列ê王基督,taⁿ tio̍h tùi十字架落来hō͘阮看,阮chiah beh信。」同 齐钉tī十字架ê两个贼 头mā kā他侮 辱。
耶稣ê死 亡 (太27:45-56;路23:44-49;约19:28-30)
33 中 昼ê时,全 地乌暗,续 到下晡三 点。 34三 点ê时,耶稣大 声hoah讲:「Í-lô-i,Í-lô-i,la̍h-má sat-pak-tāi-nî」,chit句ê意思是「我ê上 主,我ê上 主,祢ná会放sak我?」 35有一个tī边á teh khiā ê有人听tio̍h,就 讲:「你 看,他teh叫以利亚。」 36有一个人走óa去,用海绵浸酸 酒,缚tī芦竹á尾,tu去hō͘耶稣suh,讲:「慢 且lè,咱来 看以利亚会来kā他救 落来á bē?」 37耶稣大 声喉叫 一 声,就 断 气。 38圣 殿 内ê帐篱,tùi顶 到下裂做两pêng。 39 Khiā tī耶稣对面ê连 长,看tio̍h他án-ne断 气,就 讲:「Chit-ê人真 正是上 主ê Kiáⁿ!」 40 Koh有几nā个妇人 人tùi远 远teh看,其 中有抹 大 拉ê马利亚,kah小 雅 各约 瑟ê老母马利亚,以及Sat-lô-bí, 41 In就是耶稣tī加利利省ê时,跟tòe来服 事耶稣ê妇人 人。Mā有真chē妇人 人kah耶稣同 齐上 耶路撒 冷ê,in lóng tùi远 远teh看。
耶稣ê埋 葬 (太27:57-61;路23:50-56;约19:38-42)
42 时已经暗,因为hit日是Pôaⁿ过 节ê备 办 日,就是安息 日ê前 一 日。 43有A-lī-má-thài ê约 瑟来,好胆入去见彼拉多,请 求hō͘伊收耶稣ê身尸。约 瑟是尊 贵ê议员,本 身mā是欣 慕上 主 国 度ê人。 44彼拉多听tio̍h耶稣已经死,感 觉奇怪。伊叫 连 长来 问 看耶稣死去á bōe。 45伊tùi hit-ê连 长知 影耶稣已经死去,就 允 准kā身尸交hō͘约 瑟。 46约 瑟买一块幼苎布来,kā耶稣tùi十字架 顶收 落来。伊用幼苎布包身尸,kā他安 葬tī石 磐所phah ê墓。伊mā kō一块 石头来 塞tī墓 口。 47抹 大 拉ê马利亚,kah约 瑟ê老母马利亚,有 看tio̍h埋 葬耶稣ê所 在。