巴克礼普世版（试读本） 马可福音第十二章
Pháiⁿ佃 农ê譬喻 (太21：33-46；路20：1-8) 耶稣koh用 譬喻kā in讲：「有一个人开 垦一块葡萄 园，用 墙 围-á围起来，挖一 孔来做酒 窟，起 一 座守 更 楼，租hō͘佃 农，就 去别ê所 在。2到收 成ê时期，伊就差 一个奴仆来chhōe佃 农，beh tùi佃 农收 园 租。3佃 户kā hit-ê奴仆掠来phah，hō͘伊空 手tńg去。4园 主koh差另 外一个奴仆去收 租，佃 农phah伤伊ê头 壳，koh kā伊凌 辱。5后来园 主koh差 别ê奴仆去，in就kā伊thâi死。伊koh差真chē奴仆去，有ê hō͘ in phah，有ê hō͘ in thâi死。6伊iáu有一个伊所 疼ê kiáⁿ，最 后mā差伊去kā佃 农收 租，想 讲in会尊 敬伊ê kiáⁿ。7 M̄-koh hiah-ê佃 农互 相参 详讲：『Chit-ê是伊ê继 承 人，咱来kā伊thâi死，伊ê财 产就lóng归咱。』8佃 农就kā伊掠 起来，kā伊thâi死，kā伊hiat出 去葡萄 园外 面。9 Án-ne园 主会án怎处 理？伊会来 剿 灭hiah-ê佃 农，kā伊ê园 租hō͘别 人。10圣 经有记载：起 厝师傅所弃sak ê石，soah成 做厝 角 头ê基 石。11这是上 主ê作 为，对咱来 讲实 在真 奇 妙。」(注：诗118：22-23) 12 Hiah-ê犹 太 人ê头 人知 影chit-ê譬喻是teh指in，就ài beh kā他掠 起来，m̄-koh in惊群 众反 弹，就 离开耶稣。
纳 税ê问题 (太22：15-22；路20：20-26)
13 In后来差法 利赛 派kah希律 党几nā人来耶稣hia，ài beh chhōe他所 讲ê话 缝，thang来kā他陷 害。14 In来到位就对耶稣讲：「老师，阮 知祢是一个老 实 人，对 待每一个 人lóng无 差 别，因为祢无 看人ê外 貌。祢忠 实将上 主ê道理教示人。纳 税hō͘罗马皇 帝kám有合 律 法？阮tio̍h纳 税á m̄免？」15 M̄-koh耶稣看 出in ê诡计，就kā in讲：「Lín ná会beh kā我试 探？The̍h一个银币来hō͘我 看。」16 In就the̍h一个银币来。耶稣问in讲：「Chit-ê像kah字号是啥 人ê？」In应 讲：「是皇 帝ê。」17耶稣kā in讲：「Lín tio̍h kā皇 帝ê纳hō͘皇 帝，kā上 主ê纳hō͘上 主。」In对耶稣ê回 答感 觉真tio̍h惊。
死人Koh活ê问题 (太22：23-33；路20：27-40)
18 有一kóa无主 张koh活ê撒都该 派ê人，来chhōe耶稣。19 In问耶稣讲：「老师，摩西所写ê律 法指示阮 讲：『若有人ê兄哥死去，留 落来伊ê bó͘，m̄-koh无留kiáⁿ。做小弟ê tio̍h娶 兄嫂做bó͘，thang好生kiáⁿ来替伊ê兄哥传 宗 接 代。』(申25：5；创38：8) 20 Bat有兄弟七 人，大 兄娶bó͘无生kiáⁿ to̍h死去。21第二个娶 兄嫂做bó͘，mā无生kiáⁿ to̍h死去。第三个mā是án-ne。22 Chit七个兄弟lóng无生kiáⁿ to̍h死去。到 路尾hit-ê妇人 人mā死去。23到koh活ê时，chit-ê妇人 人beh做in中 间tó一 人ê bó͘？因为chit七 个 人lóng有 娶她做bó͘。」24耶稣kā in讲：「Lín想m̄-tio̍h去à，lín m̄-bat圣 经，mā m̄-bat上 主ê权 能，25因为tùi死 人 中koh活ê时，kah天 顶ê天使仝 款无嫁无 娶。26关 系死人koh活，lín kám无 读tio̍h摩西ê册，『Teh to̍h ê刺phè』 hit篇所记载ê？上 主kā摩西讲：『我是亚伯 拉罕ê上 主、以撒ê上 主、雅 各ê上 主。』(注：出3：6，15-16) 27他m̄是死人ê上 主，是 活 人ê上 主。Lín犯tio̍h真 大ê错 误！」
Siōng重 要ê诫 命 (太22：34-40；路10：25-28)
28有一个经 学 教 师óa来 听tio̍h in teh辩 论，看耶稣应了真 好，就 问他讲：「Chiah-ê诫 命 中tó一 条siōng要紧？」29耶稣应 讲：「Siōng要紧ê是：以色列 人ah，lín tio̍h听！主咱ê上 主是独一ê主。30你tio̍h尽 心、尽 性、尽意、尽 力疼主，就是你ê上 主。(注：申6：4-5) 31第二是：Tio̍h疼你ê厝 边亲 像家己。(注：利19：18)无别ê诫 命比chit两 条khah重 要。」32 Hit-ê经 学 教 师对耶稣讲：「老师，祢讲 了真tio̍h，上 主只有 一个，他以外无别ê；33 Koh再tio̍h尽 心、尽意、尽 力疼上 主，koh tio̍h疼厝 边亲 像家己，这比献kui只cheng-seⁿ ê烧 祭kah祭 物koh-khah要紧。」34耶稣看tio̍h伊应了真 适 当，就kā伊讲：「你离上 主 国 度无远à。」Tùi hit时起，无 人敢koh问耶稣啥 物问题。
关 系基督ê问题 (太22：41-46；路20：41-44)
35 耶稣tī圣 殿教示ê时，问in讲：「Chiah-ê经 学 教 师ná会讲基督是大卫ê kiáⁿ孙？36大卫hō͘圣 神感 动讲：主kā我ê主讲：坐我ê大pêng，Thèng候我kā祢ê对敌屈 服tī祢ê脚下。(注：诗110：1) 37大卫既然家己称基督做 主，án-ne基督ná会做大卫ê kiáⁿ孙？」
提 防经 学 教 师 (太23：1-36；Lk20：45-47)
38 群 众lóng ài听耶稣ê教示。38耶稣教示 讲：「Tio̍h持 防hiah-ê经 学 教 师，in ài穿长 衫四界行，ài tī街路里hō͘人请 安，39 koh tī会 堂内ài坐 高 位，tī宴 席坐 大位。40 In侵 占寡 妇ê家伙，刁 工祈祷真 长。In会受koh-khah重ê刑 罚。」
寡 妇ê奉 献 (路21：1-4)
41 耶稣坐tī献 金 箱ê对面teh看众 人献钱落去，有真chē好 额 人献真chē钱。42有一个sàn-chhiah-ê寡 妇，来 献两个铜 钱á，就是一 角 银。43耶稣就叫 门徒来，kā in讲：「我实 在kā lín讲：chit-ê sàn-chhiah-ê寡 妇所 献ê，比众 人献ê khah-chē。44因为hiah-ê群 众是对in有chhun ê来 献，m̄-koh chit-ê妇人 人虽 然真sàn-chhiah，iáu-koh kā全 部ê生 活 费lóng献 落 去。」
|
|
|
转寄