巴克礼普世版（试读本） 启示录第十八章
巴比伦ê灭 亡
1然 后我 看tio̍h另 外一个天使tùi天落来，伊有大 权 柄，伊ê荣 光kā全 地照 光。2伊大 声hoah：「倒落去lò͘！大巴比伦倒落去à！Taⁿ chit-ê城成 做鬼teh tòa ê所 在，一 切污秽邪神ê监牢，以及所有无 清 气koh可恶ê鸟 类ê鸟 巢。3因为万 国lóng有lim-tio̍h chit-ê淫妇淫 乱ê酒，来惹起上 主ê受气，地 上ê君 王lóng bat kah她行 奸 淫，地 上chiah-ê seng-lí人，有对她ê奢 华放 荡来发 财。4我koh听tio̍h另 外一个 声tùi天 顶发 出，讲：「我ê子 民ah，tio̍h tùi淫妇hia出 来，chiah免bak-tio̍h她ê罪，mā免kah她做伙受灾 祸。5因为她ê罪已经累 积tú天，上 主会记得她ê邪恶行 为。6 Tio̍h照她款 待咱ê态 度来kā他款 待，照她ê所做ê加倍kā她报应，用她调 酒ê杯，调加 倍 强ê酒hō͘她。7她bat án怎荣 光家己来 奢 华，tio̍h照án-ne hō͘她艰 苦悲哀，因为她心 内家己讲：我做女王坐tī王位，并m̄是寡 妇，我绝 对bē tú-tio̍h悲 伤ê tāi-chì。8所以tī一日ê中 间，她ê灾 祸会lóng到：有死 亡、悲哀、饥荒，她mā会hō͘火 烧 灭，因为审 判她ê主—上 主有大 气 力。9地 上hiah-ê kah她行 奸 淫koh过奢 华生 活ê君 王，看tio̍h城teh火 烧ê烟，会为tio̍h城悲 伤啼 哭。10 In惊看tio̍h巴比伦所受ê艰 苦，就khiā远 远讲：「惨ah！chit-ê大 城巴比伦，惨ah！坚 固ê城，惨ah！因为koh一时á久你就会受 审 判！」11地 上hiah-ê seng-lí人，mā为tio̍h她悲 伤啼 哭，因为无 人koh买in ê货，12就是金、银、宝 石、珍 珠、幼麻 布、丝绸，紫 色kah朱 红 色ê高贵布 料chiah-ê货，kah ta̍k款ê香 柴，ta̍k款象 牙制 品，ta̍k款贵气ê柴、铜、铁kah白 石ê器具，13 mā有肉 桂、豆 蔻、芳 料、芳 油、乳香、酒、油、幼面、麦、牛、羊、马、车、奴仆，以及甚 至人ê灵 魂。14 Hiah-ê seng-lí人对她讲：「你ê心所 意爱hiah-ê好 物lóng无去à，你一 切ê荣 华富贵lóng消 失去，永 远bē-tàng koh看tio̍h。」15靠chit-ê城做seng-lí人发 财ê人，因为真 惊看tio̍h chit-ê城所受ê艰 苦，lóng会khiā远 远teh悲 伤啼 哭，16讲：「惨à！chit-ê大 城，惨à！平 时穿幼麻 布，紫 色kah朱 红 色ê衫，kui身 躯妆kah lóng是金、宝 石kah珍 珠。17一时á久，hiah-ê财 富lóng无去；所有ê船 长、旅 客kah水 手以及所有靠 海生 活ê人，lóng khiā远 远teh看，18看tio̍h chit-ê城火 烧ê烟，就大 声hoah：「有tó一个城亲 像chit-ê大 城？」19 In tī家己ê头 壳 顶sám土 粉，悲 伤啼 哭大 声hoah：「惨à！chit-ê大 城，惨à！Tī海里行 船ê人lóng靠chit-ê城来发 财，chit-ê城一时á久to̍h to̍h废无去！」20天ah，lín chiah-ê信徒kah先知，tio̍h为tio̍h chit-ê城ê灭 亡来欢 喜，因为上 主已经替lín申 冤，kā chit-ê城处 罚ā。21然 后有一个大 气 力ê天使，mo͘h一块亲 像大 石 磨ê石 头起来，hiat落去海里，讲：「巴比伦大 城mā会亲 像án-ne hō͘人出 力hiat落去，绝 对bē-tàng koh看tio̍h。22 Mā bē koh听tio̍h弹 琴、奏 乐、pûn箫、pûn喇叭ê声；mā bē koh看tio̍h ta̍k种工 艺ê师傅；mā bē koh听tio̍h挨磨ê声；23 mā bē koh看tio̍h灯 火ê光；mā bē koh听tio̍h新 郎kah新娘ê声。你ê seng-lí人，平 时tī地 上lóng是有势力ê人；万 国mā lóng hō͘你ê邪术迷惑 去！24先知、信徒kah地 上所有受杀 害ê人ê血，lóng tī chit-ê城chhōe-tio̍h，巴比伦chiah受 处 罚。」
|
|
|
转寄