巴克礼普世版(试读本) 启示录第十七章
大淫妇
1 Hiah-ê the̍h七 块碗ê七个天使,其 中一个来kah我讲 话,讲:「来,我beh hō͘你 看hit-ê大淫妇,就是起 造tī真chē条河hit-ê大 城 市所tio̍h受ê审 判。2地 上ê君 王bat kah她行 淫,地 上ê住 民已经mā bat lim她淫 乱ê酒lim kah酒 醉。3我受 圣 神感 动,hō͘天使chhōa去 旷 野。我有看tio̍h一个cha-bó͘人,骑一 只朱 红 色koh是充 满亵 渎名 号ê猛 兽;hit只猛 兽有七个头,十 支 角。4 Cha-bó͘人穿紫 色kah朱 红 色ê衫,kui身 躯妆kah lóng是金、宝 石kah珍 珠,手 里phâng金 杯,贮满chiah-ê可恶ê物kah淫 乱ê污秽。5她ê头 额写一个有隐密意思ê名,就是「大巴比伦,地 上ê淫妇kah可恶ê物ê老母。」6我 看tio̍h一个cha-bó͘人,teh lim信徒kah为tio̍h耶稣做 见 证来殉 教ê人ê血,lim到 醉;我 看tio̍h她ê时,就 大tio̍h惊。7 Hit-ê天使kā我 讲:「你án怎teh tio̍h惊?我beh将chit-ê cha-bó͘人,kah她所 骑hit只有七个 头 壳kah十 支 角ê猛 兽ê秘密kā你讲。8你所 看tio̍h hit只猛 兽,khah早有teh活,chit-má无teh活,teh-beh koh tùi无 底 深 坑起来,去受最 后ê灭 亡。地 上hiah-ê tùi创 世以来名无记tī活 命 册ê人,看tio̍h hit只猛 兽会tio̍h惊,因为chit只猛 兽khah早有teh活,chit-má无teh活,将 来会koh再出 现。9「对chit点需要用智慧来理解,hit七个 头 壳就是cha-bó͘人所坐ê七座 山,mā是七个 王。10其 中五个已经倒落去,一个现 在iáu存 在,另 外一个iáu未 到,伊若到,mā是注 定暂 时存 在。11 Hit-ê khah早有teh活,chit-má无teh活ê猛 兽,就是第八个王,mā是hit七个 王中 间ê一个,伊mā tio̍h去受毁 灭。12「你所 看tio̍h ê十 支 角,就是hit十个iáu m̄-bat统 治ê君 王,m̄-koh in会得tio̍h王 权,来kah hit只猛 兽做伙统 治一 点 钟久。13 Chit十个 王lóng同意将家己ê才 能kah权 柄,交hō͘ hit只猛 兽。14 In beh kah羊羔交 战,羊羔会战 赢,因为他是万 主ê主,万 王ê王。Kah他做伙hiah-ê受 呼 召,受 拣 选ê忠 实信徒,mā会得 胜。」15 Hit-ê天使koh kā我 讲:「你所 看tio̍h hit-ê淫妇teh坐ê河流,就是指ta̍k-ê民 族,ta̍k-ê群 众,ta̍k-ê邦 国kah ta̍k种语 言ê人。16你所 看tio̍h hit十 支 角kah hit只猛 兽,会怨 恨hit-ê淫妇,mā会抢 夺她ê财 物hō͘她thǹg-pak-theh,koh会食她ê肉,用 火kā她烧 灭。17因为上 主hō͘ hit十个 王ê心 内有chit种ê意念,来实 行他ê旨意,hō͘ in同 心将in ê国交hō͘猛 兽,直到上 主ê话应 验。18你所 看tio̍h hit-ê cha-bó͘人,就是teh掌 管地 上hiah-ê君 王ê hit座大 城。」