巴克礼普世版（试读本） 启示录第十三章
两 只猛 兽
1我koh看tio̍h一 只猛 兽tùi海里起来，有十 支 角，七 个 头；ta̍k支角lóng有戴一 顶王 冠，头 壳 顶有毁 谤上 主ê名 号。2我所 看tio̍h ê hit只猛 兽亲 像豹，伊ê脚亲 像熊ê脚，嘴亲 像狮ê嘴。Hit尾龙用伊ê才 能、座位kah大 权 柄hō͘ hit只猛 兽。3 Hit只猛 兽ê一个头 壳，ná亲 像有受过致 命 伤，m̄-koh伊ê致 命 伤有得tio̍h医好；全 世界ê人lóng感 觉奇怪，就 来tòe hit只猛 兽行。4众 人本底to̍h teh拜hit尾龙，因为龙kā权 柄交hō͘猛 兽，in mā拜猛 兽，讲：「啥 人ē-tàng kah chit只猛 兽相 比 并？啥 人ē-tàng kah它交 战？」5 Hit只猛 兽有得tio̍h一个讲 大 话kah毁 谤ê嘴，koh得tio̍h允 准tī四十二月 日中 间来做chiah-ê tāi-chì。6它就 开 嘴讲 出毁 谤上 主ê话，来亵 渎他ê名kah他ê会 幕，以及hiah-ê tiàm tī天 顶.ê。7它mā有得tio̍h权 柄thang kah信徒交 战，来kā in征 服，mā有得tio̍h权 柄来治理ta̍k-ê族 群，ta̍k-ê人民，ta̍k种语 言ê人kah ta̍k-e邦 国。8所有tòa tī地 面 上ê人，就是创 世以来in ê名无记载tī受杀 害ê羊羔ê活 命 册.ê，lóng beh拜hit只猛 兽。9有 耳 孔ê人lóng tio̍h听：10 Hiah-ê注 定受 掠ê人，lóng会hō͘人掠 去；hiah-ê注 定受杀 害ê人，lóng会受to thâi死。因为án-ne，信徒lóng tio̍h有耐 心kah信 心。11我koh看tio̍h另 外一 只猛 兽tùi地 上起来，有两支亲 像羊ê角，讲 话亲 像龙。12它tī头 一 只猛 兽ê面 前，执 行头 一 只猛 兽ê权 柄；它叫地kah tòa地 上ê人，去拜头 一 只猛 兽，就是hit只受tio̍h致 命 伤，koh得tio̍h医好ê hit只猛 兽。13 Chit第二 只猛 兽koh行大 神 迹，tī人ê面 前叫 火tùi天降 落地 上。14 Koh用得tio̍h允 准tī头 一 只猛 兽面 前所行ê神 迹，来迷惑tòa tī地 上ê人，叫in tio̍h kā hit只tio̍h伤犹 原活teh ê猛 兽造 偶 像。15它koh得tio̍h允 准，thang用活 气pûn入去猛 兽ê偶 像，hō͘猛 兽ê像会讲话，koh杀 害所有无拜猛 兽偶 像ê人。16它 koh强 迫众 人，无论大细，好 额á是sàn-chhiah，自由.ê á是做 奴仆.ê，lóng tio̍h tī正 手á是头 额盖 印 做记号。17盖 印做记号，就是猛 兽ê名á是代 表它ê名ê数字，若无，就bē-tàng做买卖。18 Tī chia需要有智慧，聪 明ê人ē-tàng算 出hit只猛 兽ê数字，因为hit-ê数字代 表一个 人。Hit-ê数字就是六 百六 十六。
|
|
|
转寄