巴克礼普世版(试读本) 启示录第十四章
救 赎之歌
1我koh看,有 看tio̍h羊羔khiā tī锡安 山,有十 四万四 千 人kah他做伙;in ê头 额lóng有羊羔ê名kah他ê天父ê名。2我 听tio̍h有声tùi天 顶出 来,亲 像大 水teh chhiâng ê声,mā亲 像雷teh tân ê声;我所听tio̍h chit-ê声,亲 像琴 手teh弹竖 琴ê声。3 In tī宝座kah四个活 物以及长老ê面 前,唱一 首新 歌;chit首歌除了tùi地 上赎 回hit十 四万四 千 人以外,无 人会晓学。4 Chiah-ê人是m̄-bat bak-tio̍h女色ê童 男,chiah-ê人跟tòe羊羔去ta̍k所 在,in是tùi人类ê中 间赎 回,来做起 头 熟ê果 子献hō͘上 主kah羊羔.ê。5 In m̄-bat讲 白 贼,lóng无 缺 点。
三个天使ê信息
6我koh看tio̍h另 外一个天使tī空 中teh飞,伊有永 远ê信息beh传hō͘地 上ê人,mā hō͘ ta̍k邦 国,ta̍k种 族,ta̍k款语 言kah ta̍k-ê民 族。7 Chiah-ê天使大 声讲:「Tio̍h敬 畏上 主,归 荣 光hō͘他,因为他审 判人类ê时 刻到à,mā tio̍h敬 拜创 造天、地、海kah水 源ê上 主。」8 Koh有另 外第二个天使续 落 去讲:「倒落去lò͘!hō͘万 国lim in淫 乱烈 酒ê巴比伦,倒落去lò͘!」9 Koh有另 外第三个天使续 落 去大 声讲:「若有拜hit只猛 兽kah它ê造 像,以及tī头 额á是手 里受 盖印做记号ê人,10 mā tio̍h lim上 主大 受气ê酒,就是thîn tī上 主受气酒 杯ê醇 酒;in会tī圣 天 使kah羊羔ê面 前,受tio̍h火kah硫 磺ê酷 刑。11 In受 苦 楚ê烟chhèng上koân,永 远无soah;hiah-ê拜hit只猛 兽kah它ê造 像,以及受它ê名盖 印做记号ê人,暝日lóng无thang安息。」12因为án-ne,hiah-ê遵 守上 主ê诫 命,kah对耶稣忠 实ê信徒,tio̍h有耐 心。13我koh听tio̍h tùi天 顶有声讲:「你tio̍h写落来!Tùi taⁿ以后,为tio̍h主来丧 失性 命ê人,实 在有福 气!」圣 神回 应讲:「是à,in会结 束in ê劳苦来安息,因为in劳苦ê成 果会跟tòe in去。」
地 上ê收 成
14我koh看,有 看tio̍h一 片白 云,云 顶坐一个 人亲 像人 子,头 壳戴金ê冕 旒,手gia̍h一支利ê镰le̍k-á。15 Koh有另 外一个天使tùi圣 殿出 来,对坐tī云 顶Hit位大 声hoah:「Tio̍h用祢ê镰le̍k-á来收 割,因为收 割ê时期已经 到,地 上ê农 作 物lóng够 熟à。」16坐tī云 顶Hit位就kā镰le̍k-á hiat落去地 上,地 上ê农 作 物就hō͘他收割 起 来。17 Koh有另 外一个天使tùi天 顶ê圣 殿出 来,伊mā gia̍h一支利ê镰le̍k-á。18 Koh有另 外一个teh掌 管火ê天使tùi祭 坛出 来,大 声对gia̍h利ê镰le̍k-á hit-ê天使大 声hoah:「用你利ê镰le̍k-á去收地 上kui葩ê葡萄,因为葡萄已经够 熟à。19 Hit-ê天使就kā镰le̍k-á hiat落去地 上,kā地 上ê葡萄割 起 来,将葡萄hiat落去上 主大 受气ê酒 窟。20 Hit-ê酒 窟tī城 外hō͘人thún踏,就有血tùi酒 窟流 出 来,高大约两公 尺,长差 不多有三 百公里。