巴克礼普世版(试读本) 启示录第十二章
妇人 人Kah龙
1 Tī天 顶koh有一个大 兆 头出 现:一个妇人 人身 躯穿日头,脚 踏月 娘,头 壳戴十二 粒星ê冕 旒。2她有怀孕teh-beh生kiáⁿ,催 阵ê艰 苦kah痛 疼hō͘伊大 声叫 苦。3 Tī天 顶koh有另 外一个兆 头出 现:一 尾赤 色ê大 尾 龙,有七个头,十 支 角,头 壳戴七 顶王 冠。4 Hit尾龙用 尾溜,kā天 顶三 份 之一ê星扫 落去地 上;龙khiā tī teh-beh生kiáⁿ ê妇人 人面 前,thèng候她生了thang吞 食她ê kiáⁿ。5 Hit-ê妇人 人生一个cha-po͘-kiáⁿ,就是将 来beh用 铁 拐统 治万 国.ê,m̄-koh她ê kiáⁿ hō͘人接 去上 主ê面 前,来到他ê宝座hia。6妇人 人逃 走 去旷 野,上 主tī hia有为tio̍h她准 备一个所 在,thang hō͘她tī hia受 照 顾一 千两 百六 十日。7 Tī天 顶就 发 生战 争:Bí-ka-le̍k带伊ê使者去kah龙交 战,龙mā带伊ê使者起来应 战。8龙战 输,伊kah伊ê使者tī天 顶就无所 在thang tòa。9 Hit尾大 尾 龙就hō͘人hiat出 来;伊就是hit尾老 蛇,叫 做魔 鬼,mā叫 做撒旦,全 世界受伊迷惑。伊hō͘人hiat落来地 上,伊ê使者mā kah伊做伙hiat落来。10 Hit时我 听tio̍h tī天 顶有大声,讲:「咱上 主ê拯 救、权 能kah国度已经实 现à。他设立ê基督mā teh显 示他ê权 柄,因为暝日tī咱ê上 主面 前teh控 告咱ê兄弟 姊 妹hit-ê,taⁿ已经hō͘人hiat落去à。11 In靠羊羔ê血kah in所 见 证ê信息,已经赢 过hit尾龙。In甚 至愿意牺 牲in ê性 命。12所以chiah-ê天kah tòa tī hit中 间ê人,lín lóng tio̍h欢 喜!M̄-koh地kah海有灾祸,因为魔 鬼已经大 受气落去到lín hia,伊知 影家己ê时无jōa久à。13 Hit尾龙一下 知 影家己hō͘人hiat落去地 上,就 去jiok hit-ê生cha-po͘-kiáⁿ ê妇人 人。14 Hit-ê妇人 人有得tio̍h大 鹰 鸟ê两支翼,thang hō͘她飞 去 旷 野,到她家己ê所 在,tī hia得tio̍h照 顾,一直到上 主看 做适 当ê时期,无koh受hit尾老 蛇ê攻 击。15 Hit尾蛇tī妇人 人ê后面,tùi嘴吐 出亲 像大河ê水,beh kā妇人 人冲 去。16大地来 帮 助妇人 人,开 嘴kā龙吐 出ê河 水吞 落去。17龙对妇人 人发 受 气,就 去kah妇人 人其他ê kiáⁿ孙,就是遵 守上 主ê诫 命kah为耶稣做 见 证ê人交 战。Hit时,龙就khiā tī海边ê沙 顶。