《巴克礼普世版圣经「汉罗+Ruby」试读本》

 | | | 转寄

巴克礼普世版（试读本） 启示录第八章

作者 巴克礼普世版小组 2017.02.27

第七个(tē chhit-ê)封 印(hong-ìn)
1羊羔(iûⁿ-ko)开(khui)第七个(tē chhit-ê)封 印(hong-ìn)ê时(sî)，天 顶(thiⁿ-téng)静 静(chēng-chēng)约(iok)半 点 钟(pòaⁿ tiám-cheng)久(kú)。2然 后(jiân-āu)我 看(góa khòaⁿ)tio̍h hit七个(chhit-ê)天使(thiⁿ-sài)khiā tī上 主(siōng-chú)ê面 前(bīn-chêng)，in有领受(ū niá-siū)七 支(chhit-ki)喇叭(lat-pah)。3另 外(lēng-gōa)一个(chi̍t-ê)天使(thiⁿ-sài)phâng金 香 炉(kim hiuⁿ-lô͘)，来(lâi)khiā tòa祭 坛边(chè-tôaⁿ piⁿ)；伊(i)有领受(ū niá-siū)真(chin)chē香(hiuⁿ)，thang kah众 信徒(chèng sìn-tô͘)做(chò)伙(hóe)祈祷(kî-tó)献(hiàn)tī宝 座 前(pó-chō chêng)ê金 祭 坛 顶(kim chè-tôaⁿ-téng)。4香 烟(hiuⁿ-ian)kah众 信徒(chèng sìn-tô͘)ê祈祷(kî-tó)，tùi天使(thiⁿ-sài)ê手(chhiú)chhèng到(kàu)上 主(siōng-chú)ê面 前(bīn-chêng)。5然 后(jiân-āu)天使(thiⁿ-sài)phâng hit-ê香 炉(hiuⁿ-lô͘)，将(chiong)祭 坛 顶(chè-tôaⁿ-téng)ê火(hóe)贮到 满(té-kàu móa)chiah hiat落去(lo̍h-khì)地 上(tē-chiūⁿ)，随时(sûi-sî)有(ū)tân雷(lûi)ê声(siaⁿ)，闪电(sih-nà)kah地动(tē-tāng)。

喇叭(lat-pah)
6 Gia̍h七 支(chhit-ki)喇叭(lat-pah)hit七个(chhit-ê)天使(thiⁿ-sài)，准 备(chún-pī)好势(hó-sè)beh pûn。7头 一个(thâu-chi̍t-ê)天使(thiⁿ-sài)pûn，随时(sûi-sî)有 雹(ū pha̍uh)kah火(hóe)chham血(hoeh)piàⁿ落(lo̍h)地 上(tē-chiūⁿ)；三 份 之一(saⁿ-hūn chi-it)ê地(tē)烧烧 去(sio-sio khì)，三 份 之一(saⁿ-hūn chi-it)ê树 木(chhiū-ba̍k)烧烧 去(sio-sio khì)，所有(só͘ ū)ê青 草(chheⁿ-chháu)mā lóng烧烧 去(sio-sio khì)。8第二个(tē-jī-ê)天使(thiⁿ-sài)一下(chi̍t-ē)pûn，随时(sûi-sî)有(ū)亲 像(chhin-chhiūⁿ)火(hóe)teh烧(sio)ê大 山(tōa-soaⁿ)hiat落海(lo̍h-hái)，三 份 之一(saⁿ-hūn chi-it)ê海(hái)变 做(piàn-chò)血(hoeh)。9海里(hái-ni̍h)所有(só͘ ū)ê活 物(oa̍h-mi̍h)三 份 之一(saⁿ-hūn chi-it)死去(sí-khì)，船 只(chûn-chiah)mā有(ū)三 份 之一(saⁿ-hūn chi-it)破 去(phòa khì)。10第三个(tē-saⁿ-ê)天使(thiⁿ-sài)一下(chi̍t-ē)pûn，随时(sûi-sî)有(ū)大 粒 星(tōa-lia̍p chheⁿ)tùi天 顶(thiⁿ-téng)lak落来(lo̍h-lâi)，亲 像(chhin-chhiūⁿ)teh-to̍h ê火把(hóe-pé)，lak tī三 份 之一(saⁿ-hūn chi-it)ê江 河(kang-hô)kah水 源(chúi-goân)。11 Chit粒(lia̍p)星(chheⁿ)ê名 叫 做(miâ kiò-chò)「苦 艾(khó͘-hiāⁿ)」，三 份 之一(saⁿ-hūn chi-it)ê水(chúi)变 苦(piàn khó͘)；真(chin)chē人(lâng) 为(ūi)tio̍h chiah-ê水(chúi)死去(sí-khì)，因为(in-ūi)水(chúi)变 苦(piàn khó͘)。12第四个(tē-sì-ê)天使(thiⁿ-sài)一下(chi̍t-ē)pûn，日(ji̍t)ê三 份 之一(saⁿ-hūn chi-it)，月(goe̍h)ê三 份 之一(saⁿ-hūn chi-it)，星(chheⁿ)ê三 份 之一(saⁿ-hūn chi-it)，lóng受(siū)tio̍h攻 击(kong-kek)，致使(tì-sú)日(ji̍t)、月(goe̍h)，chheⁿ ê三 份 之一(saⁿ-hūn chi-it)变 做(piàn-chò)暗(àm)；日时(ji̍t-sî)三 份 之一(saⁿ-hūn chi-it)无光(bô kng)，暗时(àm-sî)mā三 份 之一(saⁿ-hūn chi-it)无光(bô kng)。13然 后(jiân-āu)我(góa)koh看(khòaⁿ)，有听(ū thiaⁿ)tio̍h一 只(chi̍t-chiah)tī空 中(khong-tiong)teh飞(poe)ê鹰 鸟(eng-chiáu)大 声(tōa-siaⁿ)讲(kóng)：「有灾祸(ū chai-hō)à，有灾祸(ū chai-hō)à，tòa tī地 上(tē-chiūⁿ)ê人(lâng)有灾祸(ū chai-hō)à，因为(in-ūi)其他(kî-tha)三个(saⁿ-ê)天使(thiⁿ-sài)teh-beh koh pûn喇叭(lat-pah)！」