巴克礼普世版(试读本) 约翰一书第四章
真Kah假ê神 灵
1亲 爱ê兄弟 姊 妹,m̄-thang相 信所有ê神 灵,tio̍h查 验是m̄是tùi上 主来.ê,因为有真chē假先知,出 现tī chit世间。2 Lín ē-tàng用下面ê方 法,来分 别是m̄是上 主ê圣 神:公 开承 认耶稣基督,道-chiâⁿ-肉 体临 到chit世间hit-ê神 灵,就是tùi上 主来.ê。3 M̄公 开承 认耶稣chit项tāi-chì,就m̄是tùi上 主来ê圣 神,这mā是kah基督对敌ê神 灵。Lín有听tio̍h chit-ê神 灵teh-beh来,其实chit-má已经来tī世间à。4细kiáⁿ,lín是属上 主,koh已经赢 过hiah-ê假先知,因为tiàm-tī lín内面ê圣 神,比tiàm-tī世 间 人内面ê神 灵khah有力。5假先知是属 世间,讲世间事,所以世 间 人chiah听in ê话。6咱是属上 主,认bat上 主ê人听咱,无属上 主ê人m̄听咱,án-ne咱 就ē-tàng分 别,真理ê圣 神kah错 误ê神 灵。
上 主是疼
7亲 爱ê兄弟 姊 妹,咱tio̍h相 疼,因为疼是tùi上 主来;有疼 心ê人是上 主ê kiáⁿ儿,mā bat上 主。8无 疼 心ê人m̄-bat上 主,因为上 主是疼。9上 主差他独 生ê Kiáⁿ来到世间,hō͘咱tùi他来得tio̍h活 命,上 主án-ne对咱显 明他ê疼tī咱 中 间。10 M̄是咱 疼上 主,是他有疼咱,他ê Kiáⁿ做赎 罪 祭,来赎咱ê罪,这就是上 主ê疼。11亲 爱ê兄弟 姊 妹,上 主hiah-ni̍h疼 咱,咱mā tio̍h相 疼。12无 人bat看tio̍h上 主,咱若相 疼,上 主就tiàm tī咱内面,他ê疼通 过咱完 全实 现。13上 主已经有 将圣 神赏赐hō͘咱,án-ne咱ē-tàng确 信咱kah上 主结 联。14天父差他ê-Kiáⁿ来做世间ê救 主,阮有 看tio̍h,chit-má teh做 见 证。15承 认耶稣是上 主ê Kiáⁿ ê人,就kah上 主结 联。16所以咱 知koh相 信上 主疼 咱。上 主就是疼,性 命内有疼ê人,就是活tī上 主内面,上 主mā kah伊结 联。17疼就án-ne tī咱 中 间完 全实 现出 来,hō͘咱tī审 判ê日thang好胆无teh惊,因为咱tī chit 世间有kah耶稣仝 款ê活 命。18有疼就无惊 惶,完 全ê疼kā惊 惶赶 出 去,因为惊 惶kah刑 罚有关 联,有惊 惶ê人Iáu未kā疼完 全实 现出 来。19咱tio̍h相 疼,因为上 主tāi先疼 咱。20若有人讲:「我 疼上 主」,m̄-koh怨 恨兄弟á是姊 妹,伊是teh讲 白 贼,因为无 疼看会tio̍h ê兄弟á是姊 妹ê人,ná会疼看bē-tio̍h ê上 主。21疼上 主mā tio̍h疼兄弟á是姊 妹,这是咱tùi基督领受ê诫 命。