巴克礼普世版(试读本) 约翰一书第五章
赢 过世间
1信耶稣是基督ê人,lóng是上 主ê kiáⁿ儿;疼 父母.ê mā会疼她所生ê kiáⁿ儿。2咱若疼上 主koh遵 守他ê诫 命,án-ne咱就 知咱有teh疼上 主ê kiáⁿ儿。3遵 守上 主ê诫 命,就是疼上 主,他ê诫 命m̄是oh遵 守.ê。4因为上 主ê kiáⁿ儿,lóng ē-tàng赢 过世间,咱ê信 仰hō͘咱赢 过世间。5赢 过世间ê是啥 人?Kám m̄是hiah-ê相 信耶稣是上 主ê Kiáⁿ ê人?
见 证耶稣基督
6 Chit-ê耶稣基督是tùi水kah血来.ê,m̄是kan-taⁿ用 水,是用 水kah血。7圣 神亲 自见 证chit-ê事实,因为圣 神就是真理。8有三个teh做 见 证,就是圣 神、水kah血,chit三个见 证lóng有一致。9人ê见 证咱都接 受,上 主ê见 证koh-khah有效力,因为chit-ê是上 主为tio̍h他ê Kiáⁿ所做ê见 证。10信上 主ê Kiáⁿ ê人,tī心 内有chit-ê见 证;m̄信上 主ê人,就是掠 做上 主teh讲 白 贼,因为伊m̄信上 主为tio̍h他ê Kiáⁿ所做ê见 证。11 Chit-ê见 证就是:上 主已经有赏赐永 远ê活 命hō͘咱,chit-ê活 命是tùi他ê Kiáⁿ来.ê。12有kah上 主ê Kiáⁿ结 联ê人,就有chit-ê活 命;无kah上 主ê Kiáⁿ结 联ê人,就 无chit-ê活 命。
永 远ê活 命
13我写chiah-ê tāi-chì,是beh hō͘ lín信上 主ê Kiáⁿ ê人知 影,lín有永 远ê活 命。14咱tī上 主ê面 前勇 敢无惊,因为咱确 信,若 照他ê旨意无论求 甚 么,他lóng会听咱ê祈求。15既然咱确 信他会听咱ê祈求,咱 就án-ne知 影,咱对他祈求ê已经得tio̍h。16人 若看tio̍h兄弟á是姊 妹,犯tio̍h bē致到死ê罪,tio̍h ǹg上 主祈求,上 主会赐伊活 命;人所 犯ê若是tio̍h致到死ê罪,我无 讲tio̍h为chit种罪 人祈祷。17所有不义ê行 为lóng是犯 罪,m̄-koh mā有免 致到死ê罪。18咱 知上 主ê kiáⁿ儿bē继 续犯 罪,因为有上 主ê Kiáⁿ teh kā in保守,hit-ê魔 鬼kha̍p伊bē-tio̍h。19咱 知咱是属上 主,m̄-koh全 世 间lóng受hit-ê魔 鬼管 辖。20咱mā知上 主ê Kiáⁿ已经临 到,koh hō͘咱晓 悟来认bat Hit位真 神上 主;咱kah真 神上 主结 联,因为咱kah他ê Kiáⁿ耶稣基督mā有结联。Chit位是真 神上 主,mā是永 远ê活 命。21细kiáⁿ,lín tio̍h谨慎,闪 避偶 像。