巴克礼普世版(试读本) 彼得前书第三章
妇人 人Kah丈 夫
1 Lín做妇人 人.ê mā tio̍h顺 服家己ê丈 夫,若是丈 夫无信道理,会hō͘妇人 人ê好 品 行感 化来信,lín lóng免 讲半 句话,2因为in会看tio̍h lín纯 洁ê品 行kah敬 虔。3 Lín m̄-thang靠外 表ê穿 插,像编头 毛,挂金 器,á是穿súi衫。4 Tio̍h靠内 在ê súi,用 温柔koh恬 静ê心 灵,做bē败 坏ê妆饰;这tī上 主ê眼 中,chiah是真 正宝贝。5因为古早hiah-ê仰 望上 主圣 洁ê妇人 人,mā是án-ne妆饰,顺 服家己ê丈 夫。6亲 像撒拉顺 服亚伯 拉罕,称 呼伊做「主 人」;lín若做好事,无搭 吓来 惊 惶,就是撒拉ê cha-bó͘-kiáⁿ。7 Lín做 丈 夫.ê mā tio̍h kah家己ê妇人 人tòa做伙,体 贴in肉 体 上khah软chiáⁿ;tio̍h kā in尊 重,因为in mā平 平kah lín做伙,承 接上 主赏赐 活 命ê恩 典,án-ne lín ê祈祷chiah bē tú-tio̍h阻 挡。
为Tio̍h义受 苦
8总 讲一 句,lín tio̍h同 心,互 相体 贴,亲 像兄弟相 疼,用仁 慈kah谦 卑互 相对 待。9 M̄-thang用pháiⁿ报pháiⁿ,á是骂来 骂去,颠倒tio̍h用祝 福来回报,因为上 主呼 召lín ê时,有应允beh hō͘ lín承 接祝 福。10因为圣 经有记载讲:人 若ài-beh保 惜活 命,koh ài-beh过幸 福ê日子,tio̍h禁 止嘴 舌讲pháiⁿ话,m̄-thang讲 白 贼。11 Tio̍h离开pháiⁿ来做好事,专 心追求和 平。12因为主看 顾义 人,他有teh听in ê祈祷,m̄-koh主ê面,有teh鉴 察做pháiⁿ ê人。(注:诗34:12-16) 13 Lín若热 心做好事,啥 人会害lín?14 M̄-koh lín若为tio̍h义来受 苦,就有 福 气;m̄免惊半 人,mā m̄免凝 心。15 Tio̍h敬 畏基督做 主,若有人问lín心 内ê ǹg望,tio̍h不时便 便,用 温柔kah敬 畏ê心来辩 解。16 Tio̍h有 清 白ê良 心,thang tī lín受 毁 谤ê时,hō͘ hiah-ê侮 辱lín ê人,看tio̍h lín óa靠基督所 表 现ê好 品 行,来家己感 觉见 笑。17受 苦若是上 主ê旨意,做好来受 苦,比做pháiⁿ来受 苦khah好。18因为基督mā bat为tio̍h咱ê罪来受 苦,一pái to̍h完 成;义 人替不义ê人受 苦,是beh chhōa lín来到上 主ê面 前。他ê肉 体死 亡,m̄-koh照灵 性来 讲:上 主hō͘他koh活 起来。19通 过他ê灵,他mā bat去传 道理hō͘受 关tī阴府ê灵 魂。20 Hiah-ê灵 魂就是挪亚teh准 备大 船ê期间,上 主有耐 心thèng候hiah-ê m̄顺 服ê人。当 时进 入大 船ê人真 少,kan-taⁿ八个,in有tùi水来得救。21 Chit-ê水teh预言表示洗礼,taⁿ chit-ê洗礼有kā lín拯 救,m̄是洗除lín肉 体ê lah-sap,是hō͘ lín有 清 白ê良 心thang对上 主祈求。Chit-ê洗礼通 过耶稣基督ê koh活,已经hō͘ lín得tio̍h拯 救。22耶稣已经上 天,taⁿ tī上 主ê正pêng teh掌 管众 天 使,以及灵 界ê执 政 者kah掌 权 者。