《巴克礼普世版圣经「汉罗+Ruby」试读本》

 | | | 转寄

巴克礼普世版（试读本） 雅各书第三章

作者 巴克礼普世版小组 2016.08.28

控 制(khòng-chè)嘴 舌(chhùi-chi̍h)
1亲 爱(chhin-ài)ê兄弟 姊 妹(hiaⁿ-tī chí-mōe)，lín中 间(tiong-kan)m̄-thang真(chin)chē人(lâng)做 教师(chò kàu-su)，因为(in-ūi)lín知(chai)做 教师(chò kàu-su)ê人(lâng)，会受(ē siū)khah严 格(giâm-keh)ê审 判(sím-phòaⁿ)。2因为(in-ūi)咱大家(lán tāi-ke)定 定(tiāⁿ-tiāⁿ)犯(hoān)真(chin)chē错 误(chhò-ngō͘)，tī讲 话(kóng-ōe)无 错 误(bô chhò-ngō͘)，就是(chiū-sī)完 全(oân-choân)ê人(lâng)，mā会晓(ē-hiáu)控 制(khòng-chè)家己(ka-kī)。3咱(lán)用(ēng)马咬缰(bé-kā-kiuⁿ)，tàu tī马(bé)ê嘴(chhùi)hō͘ in顺 服(sūn-ho̍k)，就(chiū)ē-tàng控 制(khòng-chè)kui只(chiah)马(bé)。4 Koh看(khòaⁿ)，船(chûn)虽 然(sui-jiân)hiah大 只(tōa-chiah)，hō͘大 风(tōa-hong)扫(sàu)，kan-taⁿ用(ēng)一支(chi̍t-ki)细细(sè-sè)ê舵(tōa)来(lâi)控 制(khòng-chè)，驶 船(sái-chûn)ê船 长(chûn-tiúⁿ)就(chiū)ē-tàng照 家己(chiàu ka-kī)ê意思(ì-sù)，驶 到(sái kàu)目 的地(bo̍k-tek-tē)。5亲 像(chhin-chhiūⁿ)án-ne，嘴 舌(chhùi-chi̍h)是(sī)细细(sè-sè)ê器 官(khì-koan)iáu-koh讲 大 话(kóng tōa-ōe)，你 看(lí khòaⁿ)，一 点(chi̍t-tiám)á ê火(hóe)星(chheⁿ)会(ē)hō͘ kui个(ê)树 林(chhiū-nâ)lóng烧去(sio-khì)。6舌 头(chi̍h-thâu)kah-ná一 把(chi̍t-pé)火(hóe)，tī咱(lán)百 体(pah-thé)中 间(tiong-kan)是(sī)邪恶(siâ-ok)ê世界(sè-kài)，kā kui身 躯(seng-khu)污染(ù-jiám)；chit-ê tùi地狱(tē-ga̍k)发 出(hoat-chhut)ê火(hóe)，会(ē)kā咱(lán)一 生(it-seng)ê前 途(chiân-tô͘)毁 灭(húi-bia̍t)。7人类(jîn-lūi)ē-tàng制压(chè-ap)ta̍k种(chióng)ê走 兽(cháu-siù)、飞 鸟(poe-chiáu)、虫(thâng)thōa kah水 族(chúi-cho̍k)，其实(kî-si̍t)mā已经(í-keng)lóng hō͘人类(jîn-lūi)制压(chè-ap)。8 M̄-koh无 人(bô-lâng)ē-tàng制压(chè-ap)舌 头(chi̍h-thâu)，舌 头(chi̍h-thâu)是(sī) 无 人(bô-lâng)制压(chè-ap)会(ē)tiâu ê邪恶(siâ-ok)，充 满(chhiong-móa)致命(tì-miā)ê毒(to̍k)。9咱(lán)用 嘴 舌(ēng chhùi-chi̍h)o-ló咱(lán)ê天父(thiⁿ-pē)上 主(siōng-chú)，mā用 嘴 舌(ēng chhùi-chi̍h)咒 诅(chiù-chó͘)照(chiàu)上 主(siōng-chú)ê形 象(hêng-siōng)来 创 造(lâi chhòng-chō)ê人(lâng)。10 O-ló kah咒 诅(chiù-chó͘)tùi仝 一个(kāng chi̍t-ê)嘴 舌(chhùi-chi̍h)出(chhut)，亲 爱(chhin-ài)ê兄弟 姊 妹(hiaⁿ-tī chí-mōe)，这是(che sī)无应 该(bô eng-kai)。11 Tùi仝 一个(kāng chi̍t-ê)水 泉(chúi-chôaⁿ)kám会(ē)流 出(lâu-chhut)甜(tiⁿ)ê kah苦(khó͘)ê水(chúi)？12亲 爱(chhin-ài)ê兄弟 姊 妹(hiaⁿ-tī chí-mōe)，无 花 果 树(bû-hoa-kó-chhiū)kám会生(ē seⁿ)橄榄(kan-ná)？葡萄 树(phû-tô-chhiū)kám会生(ē seⁿ)无花果(bû-hoa-kó)？Án-ne咸(kiâm)-ê水 源(chúi-goân)mā bē流 出(lâu-chhut)chiáⁿ水(chúi)！

Tùi上 主(siōng-chú)来(lâi)ê智慧(tì-hūi)
13 Lín中 间(tiong-kan)啥 人(siáⁿ-lâng)有智慧(ū tì-hūi)kah见 识(kiàn-sek)？若有(nā ū)，tio̍h用(ēng)充 满(chhiong-móa)智慧(tì-hūi)ê温柔(un-jiû)，tī生 活 中(seng-oa̍h tiong)表 现(piáu-hiān)好 品 行(hó phín-hēng)。14 Lín心 内(sim-lāi)若有(nā ū)恶毒(ok-to̍k)ê怨妒(oàn-tò͘)kah相 争(sio-cheⁿ)，就(chiū)m̄-thang夸 口(khoa-kháu)，m̄-thang讲 白 贼(kóng pe̍h-chha̍t)来违背(lâi ûi-pōe)真理(chin-lí)。15 Chit款(khoán)ê智慧(tì-hūi)m̄是(sī)tùi天 顶(thiⁿ-téng)来(lâi).ê，是属(sī sio̍k)tī世间(sè-kan)，属(sio̍k)tī血 气(hiat-khì)，属(sio̍k)tī魔 鬼(mô͘-kúi).ê。16因为(in-ūi)有(ū)怨妒(oàn-tò͘)kah相 争(sio-cheⁿ)ê所 在(só͘-chāi)，就有(chiū-ū)扰 乱(jiáu-loān)kah一 切(it-chhè)ê邪恶(siâ-ok)。17 Tùi顶 面(téng-bīn)来(lâi)ê智慧(tì-hūi)，第一(tē-it)是(sī)纯 洁(sûn-kiat)，koh来(lâi)是(sī)和 平(hô-pêng)、温柔(un-jiû)、友善(iú-siān)、慈悲(chû-pi)，结(kiat)好 德 行(hó tek-hēng)ê果 子(kóe-chí)，无 偏 见(bô phian-kiàn)mā无 伪 善(bô gūi-siān)。18公 义(kong-gī)是(sī)和 平(hô-pêng)所结(só͘ kiat)ê果 子(kóe-chí)，是(sī)促 进(chhiok-chìn)和 平(hô-pêng)ê人(lâng)掖(iā)ê种 子(chéng-chí)所产 生(só͘ sán-seng).ê。