巴克礼普世版(试读本) 雅各书第二章
M̄-thang有 偏 见
1亲 爱ê兄弟 姊 妹,lín既然信咱荣 光ê主耶稣基督,to̍h m̄-thang用 外 貌来 取 人。2若有好 额 人挂金 手 指,穿súi衫,入来lín ê会 堂,koh有穿破 衫ê sàn-chhiah人入来,3 lín kan-taⁿ注意hit-ê穿súi衫ê人,对伊讲:「请 你来坐 大位。」却对hit-ê sàn-chhiah人讲:「你khiā tiàm hia。」á是 讲:「坐我ê脚 踏边á。」4 Án-ne lín kám m̄是有 偏 心,用pháiⁿ念 头来teh判 断 人?5亲 爱ê兄弟 姊 妹,lín tio̍h听!上 主有拣世间ê sàn-chhiah人,hō͘ in tī信 仰 上富 足来 承 接他所应允,beh hō͘疼他ê人ê国度。6 M̄-koh lín看 轻sàn-chhiah人,其实kā lín欺压koh拖lín去法 庭.ê, kám m̄是hiah-ê好 额 人?7毁 谤上 主赏赐lín尊 贵ê名,kám m̄是仝 款hiah-ê人?8 Lín若遵 守圣 经所记载: 「Tio̍h疼厝 边亲 像家己」(注:利19:18) hit-ê上 主 国 度ê律 法,án-ne就tio̍h。9 M̄-koh lín若用 外 貌来 取 人,就是犯 罪,会受律 法定 罪。10人 若无 遵 守律 法 中ê一 条,就是无 遵 守全 部ê律 法。11因为命 令「M̄-thang奸 淫」ê Hit位mā讲:「M̄-thang thâi死 人。」(注:出20:13,15 LXX;申5:17-18)虽 然无犯 奸 淫,若是thâi死 人,就 算 做犯tio̍h律 法ê人。12 Lín既然beh照会hō͘人自由ê律 法来受 审 判,tio̍h照 律 法来 讲 话,来行 踏。13因为若无用 慈悲对 待人,tī审 判ê时,上 主mā bē用 慈悲对 待伊。慈悲赢 过审 判。
信 仰Kah行 为
14亲 爱ê兄弟 姊 妹,信 仰若无实 现,有甚 么利益?Chit种信 仰kám ē-tàng救伊?15 Lín中 间若有兄弟á是姊 妹无衫thang穿,无饭thang食,16 Lín kan-taⁿ对in讲:「祝lín平 安,tio̍h穿hō͘烧,食hō͘饱!」若无hō͘ in身 躯所需要ê物 件,án-ne有甚 么路用?17信 仰若无行 动就是死.ê。18 Kiám-chhái有人会讲:「祢有 信 仰,我有 行 动。」我会应 讲:「你hō͘我看 无 行 动ê信 仰,我 就用 行 动hō͘你 看我ê信 仰。」19你信上 主只有 一位,án-ne是tio̍h;连hiah-ê鬼mā信,koh惊kah phi̍h-phi̍h-chhoah。20膨 风koh hàm-kó͘ ê人,你ài知无?无行 动ê信 仰lóng无路用。21咱ê祖 先亚伯 拉罕献伊ê kiáⁿ以撒tī坛 顶,kám m̄是tùi chit-ê行 动来hō͘上 主kā伊叫 做义 人?22可 见伊ê信 仰kah行 动做伙进 行,伊ê信 仰是通 过行 动来 完 成。23这是应 验圣 经所 讲:亚伯 拉罕信上 主,就án-ne上 主kā伊接 纳做义 人,(注:创15:6)伊mā叫 做上 主ê朋 友。24可 见,人得tio̍h叫 做义 人是tùi行 动,m̄是kan-taⁿ tùi信 仰。25妓女Lat-ha̍p接 纳犹 太 人ê使者,hō͘ in就tùi别 条路出 去,kám m̄是仝 款tùi行 动来得tio̍h叫 做义 人?26 Tú亲 像身 躯若无灵 魂就是死去,信 仰若无行 动mā是死去。