《巴克礼普世版圣经「汉罗+Ruby」试读本》

 | | | 转寄

第十六章

作者 巴克礼普世版小组 2012.09.02

要求(iau-kiû) 神 迹(sîn-jiah)(Mk 8：11-13；Lk 12：54-56)

1 有(ū) 一(chi̍t)pái，法 利赛 派(hoat-lī-sài-phài) kah 撒都该 派(sat-to͘-kai-phài) ê 人(lâng) 来(lâi) 试 探(chhì-thàm) 耶稣(iâ-so͘)，要求(iau-kiû) 他(i) 用(ēng) tùi 天 顶(thiⁿ-téng) 来(lâi) ê 神 迹(sîn-jiah) hō͘ in 看(khòaⁿ)。
2 耶稣(iâ-so͘) 应 讲(ìn-kóng)：「Beh暗(àm)á 时(sî)，lín 讲(kóng)，因为(in-ūi) 天 色(thiⁿ-sek) 红(âng)，所以(só͘-í) 明(bêng)á载(chài) 会(ē) 好(hó) 天(thiⁿ)。
3 Á早起时(chá-khí-sî) lín 讲(kóng)，今(kin)á日(ji̍t) 有(ū) 风 雨(hong-hō͘)，因为(in-ūi) 天 色(thiⁿ-sek) 乌暗(o͘-àm) koh 红霓(âng-gê)。Lín 会晓(ē-hiáu) 分 别(hun-pia̍t) 天 色(thiⁿ-sek)，ná会(ē) bē晓(hiáu) 分 别(hun-pia̍t) 时代(sî-tāi) ê 兆 头(tiāu-thâu)。
4 邪恶(siâ-ok) 奸 淫(kan-îm) ê 世代(sè-tāi) 想(siūⁿ)beh 求(kiû) 神 迹(sîn-jiah)？约拿(iok-ná) ê 神 迹(sîn-jiah) 以外(í-gōa)，上 主(siōng-chú) 无(bô) beh koh 有(ū) 神 迹(sîn-jiah) hō͘ chit 世代(sè-tāi)。」耶稣(iâ-so͘) 讲 了(kóng-liáu) 就(chiū) 离开(lī-khui) hia 去(khì) 别(pa̍t) 所 在(só͘-chāi)。

法 利赛 派(hoat-lī-sài-phài) Kah 撒都该 派(sat-to͘-kai-phài) ê 酵母(kàⁿ-bó)(Mk 8：14-21)

5 门徒(bûn-tô͘) 过 去(kòe-khì) hit pêng 岸(hōaⁿ) ê时(sî)，chiah 发 见(hoat-kiàn) bē 记得(kì-tit) 带(tòa) 饼(piáⁿ)。
6 耶稣(iâ-so͘) kā in 讲(kóng)：「Tio̍h 谨慎(kín-sīn) 提 防(thê-hông) 法 利赛 派(hoat-lī-sài-phài) kah 撒都该 派(sat-to͘-kai-phài) ê 人(lâng) ê 酵母(kàⁿ-bó)。」
7 门徒(bûn-tô͘) 互 相(hō͘-siōng)议论(gī-lūn) 讲(kóng)：「Kám 是(sī) 咱(lán) 无(bô) 带(tòa) 饼(piáⁿ) 他(i) chiah án-ne 讲(kóng)？」
8 耶稣(iâ-so͘) 知 影(chai-iáⁿ) 就(chiū) 讲(kóng)：「Lín ná会(ē) hiah 无(bô) 信 心(sìn-sim) ah，án怎(chóaⁿ) teh 议论(gī-lūn) 无(bô) 带(tòa) 饼(piáⁿ) ê tāi-chì ah？」
9 Lín kám iáu-koh bē 了 解(liáu-kái)？Lín kám bē 记得(kì-tit) 我(góa) hō͘ 五 千(gō͘-chheng) 人(lâng) 食(chia̍h) 五块(gō͘-tè) 饼(piáⁿ)，食(chia̍h) chhun ê lín 有(ū) 拾(khioh) 几(kúi) 篮(nâ)ah？
10 Lín kám bē 记得(kì-tit) 我(góa) hō͘ 四 千(sì-chheng) 人(lâng) 食(chia̍h) 七 块(chhit-tè) 饼(piáⁿ)，食(chia̍h) chhun ê lín 有(ū) 拾(khioh) 几(kúi) 笼(láng) ah？
11 Lín án怎(chóaⁿ) bē 了 解(liáu-kái) 我(góa) 所(só͘) kā lín 讲(kóng) ê，m̄是(sī) 关 系(koan-hē) 饼(piáⁿ) ê tāi-chì？Tio̍h 提 防(thê-hông) 法 利赛 派(hoat-lī-sài-phài) kah 撒都该 派(sat-to͘-kai-phài) ê 人(lâng) ê 酵母(kàⁿ-bó)。」
12 Chit 时(sî) 门徒(bûn-tô͘) chiah 了 解(liáu-kái) 耶稣(iâ-so͘) 所 讲(só͘-kóng) ê m̄是(sī) 饼(piáⁿ) ê 酵母(kàⁿ-bó)，是(sī) 叫(kiò) in tio̍h 提 防(thê-hông) 法 利赛 派(hoat-lī-sài-phài) kah 撒都该 派(sat-to͘-kai-phài) ê 人(lâng) ê 教示(kà-sī)。

彼得(pí-tek) 承 认(sêng-jīn) 耶稣(iâ-so͘) 是(sī) 基督(ki-tok)(Mk 8：27-30；Lk 9：18-21)

13 耶稣(iâ-so͘) 来到(lâi-kàu) 该撒利亚(kai-sat-lī-a) 腓立比(hui-li̍p-pí) ê 境 界(kéng-kài)，问(mn̄g) 他(i) ê 门徒(bûn-tô͘) 讲(kóng)：「人(lâng) teh 讲(kóng) 人 子(jîn-chú) 是(sī) 啥 人(siáⁿ-lâng)？」
14 In 应 讲(ìn-kóng)：「有(ū) 人(lâng) 讲(kóng) 是(sī) 行(kiâⁿ) 洗礼(sé-lé) 约 翰(iok-hān)；有(ū) 人(lâng) 讲(kóng) 是(sī) 以利亚(í-lī-a)；koh 有(ū) 人(lâng) 讲(kóng) 是(sī) 耶利米(iâ-lī-bí)，á是(sī) 先知(sian-ti) 中 间(tiong-kan) ê 一个(chi̍t-ê)。」
15 耶稣(iâ-so͘) koh 问(mn̄g) 讲(kóng)：「Á lín lè？Lín 讲(kóng) 我(góa) 是(sī) 啥 人(siáⁿ-lâng)？」
16 西门彼得(se-bûn-pí-tek) 应 讲(ìn-kóng)：「祢(lí) 是(sī) 基督(ki-tok)，永 远(éng-oán) ê 活 命(oa̍h-miā) 上 主(siōng-chú) ê Kiáⁿ。」
17 耶稣(iâ-so͘) 应(ìn) 伊(i) 讲(kóng)：「西门(se-bûn)，Pa-Iok-ná，你(lí) 真 正(chin-chiàⁿ) 有(ū) 福 气(hok-khì) ah。因为(in-ūi) kā 你(lí) 启示(khé-sī) ê m̄是(sī) 人(lâng)，是(sī) 我(góa) ê 天 父(thin-pē)。
18 我(góa) koh kā 你(lí) 讲(kóng)：你(lí) 名 叫(miâ-kiò) 彼得(pí-tek)，意思(ì-sù) 是(sī) 石 磐(chio̍h-pôaⁿ)。我(góa) beh tī chit-ê 石 磐(chio̍h-pôaⁿ) 顶(téng) 起 造(khí-chō) 我(góa) ê 教 会(kàu-hōe)。阴 间(im-kan) 死 亡(sí-bông) ê 权 势(koân-sè) mā bē 赢 过(iâⁿ-kòe) 教 会(kàu-hōe)。
19 我(góa) beh kā 天 国(thian-kok) ê 锁匙(só-sî) 交(kau) hō͘ 你(lí)。你(lí) tī 地 上(tē-chiūⁿ) 所(só͘) 禁 止(kìm-chí)ê，我(góa) tī 天 顶(thiⁿ-téng) mā beh 禁 止(kìm-chí)。你(lí) tī 地 上(tē-chiūⁿ) 所(só͘) 允 准(ín-chún) ê，我(góa) tī 天 顶(thiⁿ-téng) mā beh 允 准(ín-chún)。」
20 然 后(jiân-āu) 耶稣(iâ-so͘) 严 禁(giâm-kìm) 门徒(bûn-tô͘)，m̄-thang kā 人(lâng) 讲(kóng) 伊(i) 就是(chiū-sī) 基督(ki-tok)。

耶稣(iâ-so͘) 预言(ī-giân) 他(i) ê 死 亡(sí-bông) Kah koh活(oa̍h)(Mk 8：31-9。1；Lk 9：22-27)

21 Tùi hit时(sî) 开始(khai-sí)，耶稣(iâ-so͘) chiah 明 确(bêng-khak) hō͘ 他(i) ê 门徒(bûn-tô͘) 知(chai) 他(i) 一定(it-tēng) tio̍h 去(khì) 耶路撒 冷(iâ-lō͘-sat-léng)，hō͘ hiah-ê 长老(tiúⁿ-ló)、祭司长(chè-si-tiúⁿ)、经 学 教 师(keng-ha̍k kàu-su) 迫 害(pek-hāi)，受(siū) 真(chin) chē 苦 难(khó͘-lān)，一定(it-tēng) 会(ē) hō͘ in 害死(hāi-sí)，第三(tē-saⁿ) 日(ji̍t) 上 主(siōng-chú) 会(ē) hō͘ 他(i) koh活(oa̍h)。

22 彼得(pí-tek) khiú 他(i) 去(khì) 边(piⁿ)á，kā 他(i) 责 备(chek-pī) 讲(kóng)：「主(chú) ah，千 万(chhian-bān) m̄-thang án-ne，chit 项(hāng) tāi-chì 绝 对(choa̍t-tùi) m̄-thang 发 生(hoat-seng) tī 祢(lí) 身 上(sin-chiūⁿ)。」

23 耶稣(iâ-so͘) oa̍t-tńg 身(sin) tùi 彼得(pí-tek) 讲(kóng)：「撒旦(sat-tàn)，闪 开(siám-khui)！你(lí) 是(sī) 我(góa) ê 阻 碍(chó͘-gāi)。你(lí) 所(só͘) 想(siūⁿ) m̄是(sī) 上 主(siōng-chú) ê tāi-chì，是(sī) 人(lâng) ê tāi-chì。」

24 然 后(jiân-āu) 耶稣(iâ-so͘) 对(tùi) 门徒(bûn-tô͘) 讲(kóng)：「人(lâng) 若(nā) ài beh tòe 我(góa) tio̍h 放(pàng)sak 家己(ka-kī)，giâ 伊(i) ê 十字架(si̍p-jī-kè) 来(lâi) tòe 我(góa)。

25 因为(in-ūi) beh 救(kiù) 家己(ka-kī) 性 命(sèⁿ-miā) ê 人(lâng) 会(ē) 丧 失(sòng-sit) 性 命(sèⁿ-miā)。为(ūi)tio̍h 我(góa) ê 缘故(iân-kò͘) 来(lâi) 丧 失(sòng-sit) 性 命(sèⁿ-miā) ê 人(lâng) 颠倒(tian-tò) 会(ē) 得(tit)tio̍h 性 命(sèⁿ-miā)。

26 人(lâng) 若(nā) 得(tit)tio̍h 全 世界(choân-sè-kài) 来(lâi) 丧 失(sòng-sit) 性 命(sèⁿ-miā)，有(ū) 甚 么(sím-mi̍h) 利益(lī-ek)？人(lâng) ē-tàng 用(ēng) 甚 么(sím-mi̍h) 代价(tāi-kè) 来(lâi) 买(bé) 伊(i) ê 性 命(sèⁿ-miā)？

27 人 子(jîn-chú) beh tī 他(i) ê 天父(thiⁿ-pē) ê 荣 光(êng-kng) 中(tiong) kah 他(i) ê 天使(thiⁿ-sài) 作 伙(chò-hóe) 来临(lâi-lîm)，hit 时(sî) beh 照(chiàu) ta̍k 人(lâng) ê 所做(só͘-chò) 来(lâi) kā in 报应(pò-èng)。

28 我(góa) 实 在(si̍t-chāi) kā lín 讲(kóng)，khiā tī chia ê 人(lâng)，有(ū) 人(lâng) iáu未(bōe) 死(sí) 以 前(í-chêng) 会(ē) 看(khòaⁿ)tio̍h 人 子(jîn-chú) 做 王(chò-ông) 来临(lâi-lîm)。」