巴克礼普世版(试读本) 提摩太后书第一章
1我是保罗,奉上 主ê旨意做基督耶稣ê使徒,来 传上 主所应允通 过kah基督耶稣结 联chiah ē-tàng得tio̍h ê活 命。2我写phoe寄hō͘我所 疼ê kiáⁿ提摩 太。愿你tùi天父上 主kah咱ê主基督耶稣,得tio̍h恩 典、怜 悯kah平 安。
感 谢kah鼓励
3我感 谢kah阮列 祖仝 款用纯 洁ê良 心敬 拜ê上 主,我暝日tī祈祷 中不时lóng teh数 念你无soah。4我会记得咱离别ê时你teh流 目 屎,我 就真ài koh kah你见面,thang hō͘我满 心欢 喜。5我会记得你有纯 真ê信 仰,就是你ê外妈Lô-í kah你ê老母Iú-nî-ki khah早to̍h有.ê,我确 信你chit-má mā有chit种ê信 仰。6因为án-ne,我kā你提 醒,tio̍h将我kā你hōaⁿ手ê时上 主hō͘你ê恩赐,亲 像hō͘火koh点to̍h起来。7因为上 主赏赐咱ê圣 灵,m̄是hō͘咱惊 惶,颠倒是hō͘咱有气 力、疼 心kah守己ê心 灵。8所以咱为主做 见 证,m̄-thang感 觉见 笑,mā m̄-thang因为我为tio̍h主成 做囚 犯,来 感 觉见 笑,tio̍h照上 主所赐ê权 能,来kah我为tio̍h福 音做伙受 苦。9上 主拯 救咱,呼 召咱 做他ê子 民,m̄是根据咱ê行 为,是 照他家己ê旨意kah恩 典。Chit-ê恩 典是tī万世以 前,to̍h通 过基督耶稣赏赐咱。10 Chit-ê恩 典chit-má通 过咱ê救 主基督耶稣ê显 现来实 现,基督已经毁 灭死 亡ê权 势,koh通 过福 音将bē败 坏ê活 命,koh再显 明出 来。11为tio̍h chit-ê福 音,上 主kā我设立做传 道 者,做使徒,做 教师。12所以我chiah teh受 苦,m̄-koh我无 感 觉见 笑,因为我bat我所信ê上 主,mā确 信他会保守我做他交 托我做ê工 作,直到主再 临ê日。13 Tio̍h用你对我所听tio̍h hiah-ê健 全ê道理做 模 范,来持 守咱通 过kah基督耶稣结 联所 得tio̍h ê信 心kah疼 心。14 Tio̍h óa靠圣 神,来顾守上 主交 托咱ê好事。15你知tī亚西亚省ê人lóng悖 逆我,包 括Hui-kiat-lō͘ kah Hek-mô͘-kî-nî。16愿主怜 悯O-nî-sek-hut一 家ê人,因为伊常 常kā我鼓励,mā无因为我挂 铁 链感 觉见 笑。17颠倒一下来到罗马to̍h phah拚chhōe我,chhōe到tio̍h为止。18愿主hō͘伊tī主再 临hit日,tùi主得tio̍h怜 悯!你mā真清 楚,伊tī以弗所hiah-ni̍h gâu服 事我。