《巴克礼普世版圣经「汉罗+Ruby」试读本》

 | | | 转寄

巴克礼普世版（试读本） 提摩太后书第二章

作者 巴克礼普世版小组 2016.03.27

基督(ki-tok)ê精 兵(cheng-peng)
1所以(só͘-í)，我(góa)ê kiáⁿ ah，你(lí)tio̍h óa靠(khò)基督耶稣(ki-tok iâ-so͘)ê恩 典(un-tián)坚 强(kian-kiông)起来(khí-lâi)。2你(lí)tī真(chin)chē见 证 人(kiàn-chèng-jîn)ê面 前(bīn-chêng)，tùi我 听(góa thiaⁿ)tio̍h chiah-ê tāi-chì，tio̍h交 托(kau-thok)hō͘ hiah-ê忠 信(tiong-sìn)koh会堪 得(ē kham-tit)教示(kà-sī)别 人(pa̍t-lâng)ê人(lâng)。3你(lí)tio̍h做(chò)基督耶稣(ki-tok iâ-so͘)ê精 兵(cheng-peng)，来(lâi)kah我(góa)做(chò)伙(hóe)受 苦(siū-khó͘)。4出 征(chhut-cheng)ê兵(peng)若(nā)beh hō͘官 长(koaⁿ-tiúⁿ)欢 喜(hoaⁿ-hí)，就(chiū)m̄-thang hō͘世事(sè-sū)缠脚(tîⁿ-kha)缚 手(pa̍k-chhiú)。5走 标(cháu-pio)比赛(pí-sài)ê人(lâng)若无(nā-bô)遵 照(chun-chiàu)比赛(pí-sài)规 则(kui-chek)，就(chiū)bē-tàng得(tit)tio̍h奖(chióng)。6骨力(kut-la̍t)ê作 穑 人(choh-sit-lâng)，当 然(tong-jiân)ē-tàng先(seng)得(tit)tio̍h收 成(siu-sêng)。7我(góa)所 讲(só͘ kóng)ê话(ōe)你(lí)tio̍h好好(hó-hó)á想(siūⁿ)，因为(in-ūi)主(chú)会(ē)hō͘你(lí)晓 悟(hiáu-ngō͘)ta̍k项(hāng)tāi-chì。8你(lí)tio̍h会记得(ē-kì-tit)我(góa)所 传(só͘ thoân)ê福 音(hok-im)：耶稣基督(iâ-so͘ ki-tok)是大卫(sī tāi-pi̍t)ê kiáⁿ孙(sun)，上 主(siōng-chú)hō͘他(i)tùi死 人 中(sí-lâng tiong)koh活(oa̍h)。9我为(góa ūi)tio̍h chit-ê福 音(hok-im)受 苦(siū-khó͘)，甚 至(sīm-chì)亲 像(chhin-chhiūⁿ)犯 人(hoān-lâng)hō͘人(lâng)挂 脚 铐(kòa kha-khàu)，m̄-koh上 主(siōng-chú)ê道理(tō-lí)无(bô)受 捆 缚(siū khún-pa̍k)。10所以(só͘-í)我为(góa ūi)tio̍h上 主(siōng-chú)拣 选(kéng-soán)ê子 民(chú-bîn)忍 受(jím-siū)一 切(it-chhè)，hō͘ in mā会得(ē tit)tio̍h基督耶稣(ki-tok iâ-so͘)ê拯 救(chín-kiù)kah永 远(éng-oán)ê荣 光(êng-kng)。11下面(ē-bīn)chit句话(kù-ōe)thang相 信(siong-sìn)：咱若(lán nā)kah他(i)同死(tâng-sí)，mā会(ē)kah他(i)同 活(tâng-oa̍h)。12咱若(lán nā)吞 忍(thun-lún)到底(tàu-té)，mā会(ē)kah耶稣基督(iâ-so͘ ki-tok)做(chò)伙(hóe)掌 权(chiáng-koân)。咱若(lán nā)m̄承 认(sêng-jīn)他(i)，他(i)mā会(ē)m̄承 认(sêng-jīn)咱(lán)。13咱若(lán nā)无 忠 实(bô tiong-si̍t)，耶稣基督(iâ-so͘ ki-tok)犹 原(iû-goân)是(sī)信实(sìn-si̍t)，因为(in-ūi)他(i)bē违背(ûi-pōe)家己(ka-kī)。

主(chú)所(só͘)Kah意(ì)ê工 人(kang-lâng)
14你(lí)tio̍h提 醒(thê-chhéⁿ)in会记得(ē-kì-tit)chiah-ê tāi-chì，tī主(chú)ê面 前(bīn-chêng)命 令(bēng-lēng)in， m̄-thang为(ūi)tio̍h言 词(giân-sû)相 诤(sio-chèⁿ)，因为(in-ūi)án-ne做(chò)无利益(bô lī-ek)，koh会教(ē kà)pháiⁿ teh听(thiaⁿ)ê人(lâng)。15你(lí)tio̍h尽 力(chīn-la̍t)做(chò)，thang hō͘上 主(siōng-chú)kā你(lí)看 做(khòaⁿ-chò)可 取(khó-chhú)，做(chò)一个(chi̍t-ê)无(bô)thang嫌(hiâm)ê工 人(kang-lâng)，正 确(chèng-khak)讲 解(káng-kái)真理(chin-lí)ê信息(sìn-sit)。16 Tio̍h闪 避(siám-phiah)粗 俗(chho͘-sio̍k)无路用(bô-lō͘-ēng)ê话(ōe)，因为(in-ūi)án-ne会(ē)hō͘人(lâng)ná远(hn̄g)离(lî)上 主(siōng-chú)。17 Chit款(khoán)ê话(ōe)会(ē)亲 像(chhin-chhiūⁿ)疮 毒(chhng-to̍k)生 湠(seⁿ-thòaⁿ)，Hú-bí-nái kah Hui-lí-tô͘ to̍h是(sī)chit款(khoán)人(lâng)。18 In已经(í-keng)离开(lī-khui)真理(chin-lí)，in讲(kóng)koh活(oa̍h)ê tāi-chì已经(í-keng)过 去(kòe-khì)，致使(tì-sú)一(chi̍t)kóa人(lâng)ê信 仰(sìn-gióng)败 坏(pāi-hoāi)。19 M̄-koh上 主(siōng-chú)ê地基(tē-ki)坚 固(kian-kò͘)bē摇动(iô-tāng)，顶 面(téng-bīn)有刻 字(ū khek-jī)讲(kóng)：「主(chú)bat他(i)家己(ka-kī)ê子 民(chú-bîn)。」Koh讲(kóng)：「求叫(kiû-kiò)主(chú)ê名(miâ)ê人(lâng)tio̍h离开(lī-khui)不义(put-gī)。」20 Tī大 间 厝(tōa-keng chhù)ê内面(lāi-bīn)，m̄-nā有(ū)金(kim)kah银(gîn)ê器具(khì-kū)，mā有(ū)柴(chhâ).ê kah磁(hûi).ê，有(ū)ê做(chò)贵气(kùi-khì)ê路用(lō͘-ēng)，有(ū)ê做(chò)khah粗 俗(chho͘-sio̍k)ê路用(lō͘-ēng)。21所以(só͘-í)人 若(lâng nā)清 气(chheng-khì)家己(ka-kī)，离开(lī-khui)chiah-ê粗 俗(chho͘-sio̍k)ê tāi-chì，就(chiū)会成 做(ē chiâⁿ-chò)贵气(kùi-khì)ê器具(khì-kū)，圣 化(sèng-hòa)hō͘主 人(chú-lâng)用(ēng)，thang准 备(chún-pī)便 便(piān-piān)来做(lâi chò)ta̍k项(hāng)好事(hó-sū)。22 Tio̍h闪 避(siám-phiah)少 年 人(siàu-liân-lâng)ê情 欲(chêng-io̍k)，来(lâi)kah hiah-ê用(ēng)清 气(chheng-khì)ê心 灵(sim-lêng)求叫(kiû-kiò)主(chú)ê人(lâng)，做(chò)伙(hóe)追求(tui-kiû)公 义(kong-gī)、信 心(sìn-sim)、疼 心(thiàⁿ-sim)kah和 平(hô-pêng)。23 M̄-thang做(chò)愚 戆(gû-gōng)无知(bû-ti)ê辩 论(piān-lūn)。你知(lí chai)chiah-ê tāi-chì会引起(ē ín-khí)冤家(oan-ke)。24主(chú)ê奴仆(lô͘-po̍k)m̄-thang冤家(oan-ke)，tio̍h温柔(un-jiû)款 待(khoán-thāi)众 人(chèng-lâng)，gâu教示(kà-sī)，gâu吞 忍(thun-lún)，25用 温柔(ēng un-jiû)警 戒(kéng-kài)hiah-ê反 对(hoán-tùi)者(chiá)，kiám-chhái上 主(siōng-chú)会(ē)hō͘ in悔 改(hóe-kái)，thang来(lâi)bat真理(chin-lí)。26 Án-ne in虽 然(sui-jiân)已经(í-keng)tī魔 鬼(mô͘-kúi)ê掌 中(chiáng-tiong)，mā会(ē)hō͘主(chú)ê奴仆(lô͘-po̍k)挽 回(bán-hôe)来 完 成(lâi oân-sêng)上 主(siōng-chú)ê旨意(chí-ì)。