《巴克礼普世版圣经「汉罗+Ruby」试读本》

 | | | 转寄

巴克礼普世版（试读本） 提摩太前书第六章

作者 巴克礼普世版小组 2016.03.13

1 Tī人(lâng)ê管 辖(koán-hat)下面(ē-bīn)teh做 奴仆(chò lô͘-po̍k)ê人(lâng)，tio̍h看(khòaⁿ)家己(ka-kī)ê主 人(chú-lâng)是(sī)堪 得(kham-tit)受(siū)完 全(oân-choân)尊 敬(chun-kèng).ê，上 主(siōng-chú)ê名(miâ)kah道理(tō-lí)chiah免(bián)受亵 渎(siū siat-to̍k)。2主 人(chú-lâng)若是(nā-sī)信(sìn)道理(tō-lí).ê，就(chiū)m̄-thang因为(in-ūi)伊是(i sī)兄弟(hiaⁿ-tī)来(lâi)kā伊(i)看 轻(khòaⁿ-khin)，颠倒(tian-tò)tio̍h koh-khah kā伊(i)服 事(ho̍k-sāi)，因为(in-ūi)teh受利益(siū lī-ek).ê是(sī)信徒(sìn-tô͘)，mā是(sī)所敬 爱(só͘ kèng-ài)ê兄弟(hiaⁿ-tī)。

真(chin)ê教师(kàu-su)Kah假(ké)ê教师(kàu-su)
你(lí)tio̍h用(ēng)chiah-ê教示(kà-sī)来(lâi)kā in苦 劝(khó͘-khǹg)。3若有人(nā ū lâng)传(thoân)别 款(pa̍t-khoán)无顺 服(bô sūn-ho̍k)咱(lán)ê主(chú)耶稣基督(iâ-so͘ ki-tok)端 正(toan-chiàⁿ)ê道理(tō-lí)，koh无 照(bô chiàu)敬 虔(kèng-khiân)ê教义(kàu-gī)，4就是(chiū-sī)膨 风(phòng-hong)自 夸(chū-khoa)，m̄知(chai)半 项(pòaⁿ-hāng)koh好 辩 论(hò͘ⁿ piān-lūn)kah相 诤(sio-chèⁿ)ê毛 病(mô͘-pēⁿ)。5就(chiū)án-ne引起(ín-khí)怨妒(oàn-tò͘)、相 争(sio-cheⁿ)、毁 谤(húi-pòng)、pháiⁿ念 头(liām-thâu)，心 志(sim-chì)败 坏(pāi-hoāi)koh丧 失(sòng-sit)真理(chin-lí)，in想 讲(siūⁿ-kóng)信 教(sìn-kàu)ē-tàng得(tit)tio̍h利益(lī-ek)。6信 教(sìn-kàu)实 在(si̍t-chāi)会(ē)hō͘知 足(ti-chiok)ê人(lâng)得(tit)tio̍h大利益(tōa lī-ek)。7因为(in-ūi)咱(lán)出 世(chhut-sì)无带(bô tòa)甚 么(sím-mi̍h)来(lâi)，过 身(kòe-sin)mā bē-tàng带(tòa)甚 么(sím-mi̍h)去(khì)。8有(ū)thang食(chia̍h)有(ū)thang穿(chhēng)，tio̍h ài知 足(ti-chiok)。9 Hiah-ê想(siūⁿ)beh发 财(hoat-châi)ê人(lâng)，会(ē)陷 落(hām-lo̍h)迷惑(bê-he̍k)kah罗 网(lô-bāng)以及(í-ki̍p)真(chin)chē愚 戆(gû-gōng)有害(iú-hāi)ê私欲(su-io̍k)，hō͘人(lâng)沈 沦(tîm-lûn)致使(tì-sú)败 坏(pāi-hoāi)kah灭 亡(bia̍t-bông)。10因为(in-ūi)贪 财(tham-châi)是(sī)万恶(bān-ok)ê根 源(kin-goân)，有人(ū lâng)恋 慕(loân-bō͘)钱 财(chîⁿ-châi)就(chiū)受迷惑(siū bê-he̍k)来离开(lâi lī-khui)道理(tō-lí)，hō͘家己(ka-kī)受(siū)真(chin)chē艰 苦(kan-khó͘)。

对(tùi)提摩 太(thê-mô͘-thài)ê指示(chí-sī)
11 M̄-koh你(lí)chit-ê属(sio̍k)上 主(siōng-chú)ê人(lâng)，tio̍h闪 避(siám-phiah)chiah-ê tāi-chì，来(lâi)追求(tui-kiû)正 义(chèng-gī)、敬 虔(kèng-khiân)、信 心(sìn-sim)、疼 心(thiàⁿ-sim)、忍 耐(jím-nāi)kah温柔(un-jiû)。12 Tio̍h尽 力(chīn-la̍t)去(khì)拚(piàⁿ)信 仰(sìn-gióng)ê争 战(cheng-chiàn)，tio̍h确 保(khak-pó)永 远(éng-oán)ê活 命(oa̍h-miā)。你(lí)为(ūi)tio̍h chit-ê活 命(oa̍h-miā)受 拣 召(siū kéng-tiàu)，你(lí)mā bat tī真(chin)chē见 证 人(kiàn-chèng-jîn)ê面 前(bīn-chêng)，公 开(kong-khai)承 认(sêng-jīn)美好(bí-hó)ê信 仰(sìn-gióng)。13 Tī赏赐(siúⁿ-sù) 活 命(oa̍h-miā)hō͘万 物(bān-bu̍t)ê上 主(siōng-chú)，kah对(tùi)本 丢(pún-tiu)彼拉多(pí-lia̍p-to)做(chò)美好(bí-hó)见 证(kiàn-chèng)ê基督耶稣(ki-tok iâ-so͘)面 前(bīn-chêng)，14我(góa)吩 咐(hoan-hù)你(lí)，tio̍h遵 守(chun-siú)chit-ê命 令(bēng-lēng)，无 缺 点(bô khoat-tiám)，无(bô)thang嫌(hiâm)，直到(ti̍t-kàu)咱(lán)ê主(chú)耶稣基督(iâ-so͘ ki-tok)再 临(chài-lîm)。15 Hit位(ūi)大 福 气(tōa hok-khì)koh是独一(sī to̍k-it)有 权 能(ū koân-lêng)，万 王(bān-ông)ê王(ông)，万 主(bān-chú)ê主(chú)，会(ē)tī他(i)定(tiāⁿ)tio̍h ê日子(ji̍t-chí)hō͘基督(ki-tok)再 临(chài-lîm)。16上 主(siōng-chú)是独一(sī to̍k-it)bē死(sí)，tiàm-tī人(lâng)bē-tàng接 近(chiap-kīn)ê光 明 中(kng-bêng tiong)。无 人(bô-lâng)bat看(khòaⁿ)过(kòe)他(i)，mā无 人(bô-lâng)ē-tàng看(khòaⁿ)tio̍h他(i)。愿(goān)尊 贵(chun-kùi)kah永 远(éng-oán) ê主 权(chú-koân)归(kui)tī他(i)。阿们(a-men)！17对(tùi)hiah-ê今 世(kim-sè)好 额(hó-gia̍h)ê人(lâng)，你(lí)tio̍h吩 咐(hoan-hù)in m̄-thang骄 傲(kiau-ngō͘)，m̄-thang kā in ê ǹg望(bāng)，hē tī无定(bô-tiāⁿ)tio̍h ê钱 财(chîⁿ-châi)，tio̍h óa靠(khò)将(chiong)万 物(bān-bu̍t)丰 丰 富富(hong-hong hù-hù)hō͘咱(lán)享 受(hiáng-siū)ê上 主(siōng-chú)。18 Koh tio̍h吩 咐(hoan-hù)in做 善 事(chò siān-sū)，加(ke)做(chò)kóa好事(hó-sū)来(lâi)hō͘心 灵(sim-lêng)koh-khah富裕(hù-jū)，慷 慨(khóng-khài)赈 济(chín-chè)有需要(ū su-iàu)ê人(lâng)，甘 愿(kam-goān)kah人(lâng)分 享(hun-hióng)。19 Án-ne做(chò)ē-tàng为家己(ūi ka-kī)起 造(khí-chō)好(hó)ê地基(tē-ki)，mā ē-tàng确 保(khak-pó)真 正(chin-chiàⁿ)ê活 命(oa̍h-miā)。20提摩 太(thê-mô͘-thài)ah，你(lí)tio̍h持 守(chhî-siú)上 主(siōng-chú)交 托(kau-thok)你(lí)ê职 责(chit-chek)，tio̍h闪 避(siám-phiah)hiah-ê有 名 无实(iú-bêng bû-si̍t)ê假智识(ké tì-sek)争 论(cheng-lūn)。21有人(ū lâng)自 称(chū-chheng)有(ū)chit种(chióng)ê智识(tì-sek)，soah tī信 仰 上(sìn-gióng siōng)偏 离(phian-lī)真理(chin-lí)。愿(goān)上 主(siōng-chú)ê恩 典(un-tián)kah lín同 在(tông-chāi)！